عہدہ چھوڑنے سے قبل گنڈاپور نے صوبے میں پی ٹی آئی کیخلاف 9 مئی کا باب بند کردیا
اشاعت کی تاریخ: 29th, October 2025 GMT
عہدہ چھوڑنے سے قبل گنڈاپور نے صوبے میں پی ٹی آئی کیخلاف 9 مئی کا باب بند کردیا WhatsAppFacebookTwitter 0 29 October, 2025 سب نیوز
اسلام آباد :(آئی پی ایس) خیبر پختونخوا کے وزیراعلیٰ کی حیثیت سے اپنے دورِ حکومت میں علی امین گنڈاپور نے 9 مئی کے واقعات کے سلسلے میں پاکستان تحریک انصاف (پی ٹی آئی) کے بانی عمران خان، پارٹی رہنماؤں اور سیکڑوں کارکنوں کیخلاف صوبے میں درج تقریباً تمام مقدمات نمٹا دیے۔
پی ٹی آئی کے سیکرٹری اطلاعات وقاص اکرم شیخ کے مطابق، خیبر پختونخوا میں پی ٹی آئی کارکنوں کے خلاف 9 مئی 2023ء کے احتجاج کے سلسلے میں 319 کیسز درج کیے گئے تھے، ان میں سے 268 کیسز پولیس اور استغاثہ کی مدد سے قانوناً عدالتی تقاضے پورے کرتے ہوئے انجام کو پہنچائے گئے، اور اس بات کو یقینی بنایا گیا کہ یہ کیس ’’بلیک میل کرنے کی چال‘‘ کے طور پر دوبارہ نہ کھولے جا سکیں۔
وقاص اکرم شیخ کے مطابق سیاسی بنیادوں پر بنائے گئے کیسز قانونی تقاضوں کے ذریعے نمٹا کر گنڈا پور نے شاندار کام کیا اور پی ٹی آئی کی خدمت کی ہے۔
انہوں نے مزید کہا کہ 51 کیسز ایسے ہیں جو اب تک پراسیس میں ہیں کیونکہ ملزمان غیر حاضر ہیں، تاہم یہ بھی جلد نمٹا دیے جائیں گے۔ انسداد دہشت گردی ایکٹ کے تحت درج 29 کیسز میں سے 23 کو نمٹایا جاچکا ہے، جبکہ 6 زیر التوا ہیں۔
وقاص اکرم شیخ کا کہنا تھا کہ رواں ماہ کے اوائل میں اپنے استعفے سے قبل گنڈا پور کی کابینہ نے 9 مئی سے جڑے تمام باقی ماندہ کیسز واپس لینے کا فیصلہ کیا تھا، اس اقدام کی تصدیق ایڈووکیٹ جنرل شاہ فیصل نے بھی حال ہی میں کی ہے۔
اے جی رپورٹ میں یہ کہا گیا تھا کہ صوبائی کابینہ نے شواہد اور تحقیقات دیکھتے ہوئے 9 مئی کے ایسے کیسز سے دستبردار ہونے کی منظوری دی ہے جن میں خامیاں، کسی طرح کی کمی تھی یا پھر وہ سیاسی بنیادوں پر قائم کیے گئے تھے۔
ایڈووکیٹ جنرل کا کہنا تھا کہ کابینہ کا فیصلہ انتظامی وسائل اور وقت کو مزید برباد ہونے سے بچانے کیلئے تھا۔
یاد دہانی کیلئے یہاں بتاتے چلیں کہ پیرا ملٹری رینجرز کی جانب سے پی ٹی آئی کے بانی عمران خان کی گرفتاری کے بعد 9 مئی 2023 کو ملک بھر میں پرتشدد مظاہرے پھوٹ پڑے تھے۔
خیبر پختونخوا میں ہونے والے مظاہروں میں پشاور، مردان، مہمند اور خیبر میں مظاہرین نے مبینہ طور پر فوجی تنصیبات کو نشانہ بنایا۔ نتیجتاً، پی ٹی آئی رہنماؤں اور کارکنوں کیخلاف بڑے پیمانے پر کریک ڈاؤن شروع کیا گیا، پرچے کاٹے گئے اور انسداد دہشت گردی کے قوانین کے تحت مقدمات درج کیے گئے، جبکہ 100 سے زائد پارٹی کارکنوں کو فوجی عدالتوں میں مقدمات چلانے کیلئے فوجی حکام کے حوالے کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایران نے پاکستان اور افغانستان کے درمیان ثالثی کی پیشکش کر دی ایران نے پاکستان اور افغانستان کے درمیان ثالثی کی پیشکش کر دی کور کمانڈر سے ملاقات کا سوال مجھ سے نہیں وزیراعلی کے پی سے کریں، بیرسٹر گوہر پی ٹی آئی پارلیمانی کمیٹی کا اجلاس ،خیبرپختونخوا کی مختصر کابینہ تشکیل دینے کا فیصلہ خیبرپختونخوا حکومت کسی سزا یافتہ شخص کی مشاورت پر چلانا آئین کے منافی ہے، طلال چوہدری چیئرمین جوائنٹ چیفس آف اسٹاف کمیٹی جنرل ساحر شمشاد کی بنگلادیش کے آرمی چیف سے ملاقات،دفاعی تعاون بڑھانے پر اتفاق ڈی جی این سی سی آئی اے وقار الدین سید کو عہدے سے ہٹا دیا گیاCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
پڑھیں:
پی ٹی آئی کی سیاسی کمیٹی ازسرنو تشکیل، علی امین گنڈاپور شامل نہیں
data-id="863a0a8" data-element_type="widget" data-widget_type="theme-post-content.default">
اسلام آباد: تحریک انصاف (پی ٹی آئی) نے اپنی سیاسی کمیٹی کی ازسرنو تشکیل کا باضابطہ نوٹیفکیشن جاری کر دیا ہے، جس میں سابق وزیراعلیٰ خیبرپختونخوا علی امین گنڈاپور کا نام شامل نہیں ہے، کمیٹی کی تشکیل بانی چیئرمین عمران خان کی ہدایت پر سیکریٹری جنرل سلمان اکرم راجا اور رہنما فردوس شمیم نقوی نے کی۔
نوٹیفکیشن کے مطابق پی ٹی آئی کی نئی سیاسی کمیٹی میں مجموعی طور پر 23 سینئر رہنماؤں کو شامل کیا گیا ہے،کمیٹی کی قیادت چیئرمین گوہر علی خان اور سیکریٹری جنرل سلمان اکرم راجا کریں گے۔
فہرست میں شامل نمایاں شخصیات میں فردوس شمیم نقوی، شیخ وقاص اکرم، وزیراعلیٰ خیبرپختونخوا سہیل آفریدی، سینیٹ میں قائد حزب اختلاف علامہ راجا ناصر عباس، قومی اسمبلی میں قائد حزب اختلاف محمود خان اچکزئی اور سابق قومی اپوزیشن لیڈر عمر ایوب شامل ہیں۔
اسی طرح سابق سینیٹ اپوزیشن لیڈر شبلی فراز، پنجاب اسمبلی اپوزیشن لیڈر معین قریشی، سابق اپوزیشن لیڈر پنجاب ملک احمد خان بھچر، اوورسیز چیپٹر کے سیکریٹری سجاد برکی، پنجاب کی چیف آرگنائزر عالیہ حمزہ، جنید اکبر، حلیم عادل شیخ اور داؤد کاکڑ کو بھی کمیٹی کا حصہ بنایا گیا ہے۔
آزاد کشمیر اور گلگت بلتستان کی نمائندگی خالد خورشید اور سردار قیوم نیازی کریں گے جبکہ سابق اسپیکر اسد قیصر، چیف وہپ قومی اسمبلی عامر ڈوگر، سینیٹ کوآرڈینیٹر فوزیہ ارشد، خواتین ونگ کی صدر کنول شوزب اور اقلیتی ونگ کے صدر لال چند ملہی کو بھی شامل کیا گیا ہے۔
نوٹیفکیشن میں واضح کیا گیا ہے کہ یہ سیاسی کمیٹی پارٹی کا اعلیٰ ترین فیصلہ ساز فورم ہوگی، جو تمام پالیسی سازی، اہم سیاسی فیصلوں اور پارلیمانی پارٹیوں کے لیے رہنما اصول مرتب کرے گی، ضرورت کے مطابق کمیٹی میں نئی شمولیت یا اسمیں تبدیلیاں بھی کی جا سکتی ہیں۔
نئی فہرست میں علی امین گنڈاپور کی عدم موجودگی نے اندرونی سیاسی حلقوں میں اہم سوالات کو جنم دیا ہے، پارٹی ذرائع کے مطابق مزید نام کمیٹی میں شامل ہونے کا امکان موجود ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر