نظام تعلیم استحصالی وطبقاتی،حکومتیں ذمہ داری سے غافل ہیں:حافظ نعیم
اشاعت کی تاریخ: 30th, October 2025 GMT
لاہور ( خصوصی نامہ نگار ) امیر جماعت اسلامی پاکستان حافظ نعیم الرحمن نے کہا ہے کہ حکمران نئی نسل کی تعلیم و تربیت پر توجہ دیں تو ملک عظیم بن جائے، حکومتیں اپنی ذمہ داری سے مکمل غافل ہیں۔تعلیمی نظام استحصالی اور طبقاتی ہے، 6 کروڑ کے قریب نوجوان بے روزگار ہیں۔ جماعت اسلامی اور الخدمت فاؤنڈیشن بنوقابل کے ذریعے اپنے حصہ کی شمع جلا رہی ہے۔ ان خیالات کا اظہار انہوں نے لاہور کے مقامی ہوٹل میں بنوقابل سٹارٹ اپ ایکسیلنس سمٹ سے بطور مہمان خصوصی خطاب کرتے ہوئے کہا۔ تقریب میں مختلف کمپنیوں نے نوجوانوں میں انٹرن شپ لیٹر تقسیم کیے‘ جاوید قصوری، ضیاالدین انصاری ، شکیل احمد ترابی، صدر الخدمت لاہور انجینئر احمد حماد ‘لاہور کی ناظمہ عظمی عمران، نائب ناظمہ شازیہ عبدالقادر و دیگر موجود تھے۔ حافظ نعیم الرحمن نے مختلف سٹالز کا دورہ کیا اور الخدمت کی ٹیم کو بہترین تقریب پر مبارکباد دی۔ انہوں نے نوجوانوں کو خوشخبری دی کہ گوگل آئندہ 6ماہ میں پاکستان میں اپنا دفتر کھولے گا۔ انہوں نے نوجوانوں، طلبہ کو نومبر میں مینار پاکستان پر اجتماع عام میں شرکت کی دعوت دی۔
.ذریعہ: Nawaiwaqt
پڑھیں:
خاندانی سیاست نے بلدیاتی نظام کمزور کیا، حافظ نعیم
امیر جماعت اسلامی پاکستان حافظ نعیم الرحمان نے کہا ہے کہ خاندانی سیاست نے بلدیاتی نظام کو کمزور کر کے رکھ دیا ہے۔
لاہور میں خطاب کے دوران حافظ نعیم الرحمان نے کہاکہ شہر ہو یا دیہات ، ووٹر کو اس کے ووٹ کا حق ملنا چاہیے ۔
انہوں نے کہا کہ نوجوانوں پر چالان کی مد میں بڑے بڑے جرمانے کیے جارہے ہیں ، جو پوری جمہوریت کی خلاف ورزی کررہا ہے اس کا چالان کون کرے گا ۔
امیر جماعت اسلامی نے مزید کہا کہ 21 دسمبر کو ملک میں اس نظام کے خلاف احتجاج کریں گے ۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر