الیکشن کمیشن نے اسد قیصر کے دھاندلی سے متعلق بیان کا نوٹس لے لیا
اشاعت کی تاریخ: 24th, November 2025 GMT
اسلام آباد: الیکشن کمیشن پاکستان نے تحریک انصاف (پی ٹی آئی) کے رہنما اور سابق اسپیکر قومی اسمبلی اسد قیصر کے حالیہ دھاندلی کے الزامات پر باضابطہ نوٹس لے لیا ہے۔
ذرائع کے مطابق الیکشن کمیشن نے پیمرا سے اسد قیصر کے مکمل بیان کا ٹرانسکرپٹ طلب کر لیا ہے، ٹرانسکرپٹ موصول ہونے کے بعد کمیشن قانونی پہلوؤں کا جائزہ لے کر رہنما پی ٹی آئی کے خلاف آئندہ کارروائی کا فیصلہ کرے گا۔
واضح رہے کہ اسد قیصر نے ضمنی انتخابات کے دوران الیکشن کمیشن کے عملے پر سنگین بے ضابطگیوں اور دھاندلی کے الزامات لگائے تھے۔
ان کا کہنا تھا کہ افسوسناک بات ہے کہ الیکشن کمیشن کا عملہ سرکاری ویب سائٹ پر غلط نتائج اپ لوڈ کر رہا ہے، آج ایک بار پھر الیکشن کمیشن کا اصل چہرہ سامنے آگیا، اگر یہی انتخابی معیار ہے تو بہتر تھا کہ انتخابات کے بجائے براہ راست نوٹیفکیشن جاری کر دیا جاتا۔
الیکشن کمیشن کے مطابق ایسے بیانات انتخابی عمل پر اثر انداز ہونے کی کوشش کے مترادف ہیں، اس لیے معاملے کا جائزہ لینا ضروری قرار دیا گیا ہے۔
یاد رہے کہ بانی تحریک انصاف کے خلاف بھی الیکشن کمیشن میں توہینِ چیف الیکشن کمشنر اور توہینِ کمیشن کا کیس پہلے ہی زیرِ سماعت ہے، جس کے باعث پی ٹی آئی قیادت کے کمیشن سے تعلقات پہلے ہی کشیدہ ہیں۔
.
ذریعہ: Al Qamar Online
کلیدی لفظ: پاکستان کھیل الیکشن کمیشن
پڑھیں:
فیصل آباد: ووٹرز کی بیلٹ پیپر کی تصویر سوشل میڈیا پر وائرل، الیکشن کمیشن نے نوٹس لے لیا
data-id="863a0a8" data-element_type="widget" data-widget_type="theme-post-content.default">
فیصل آباد: الیکشن کمیشن نے فیصل آباد میں ووٹرز کی بیلٹ پیپر کی تصاویر لے کر سوشل میڈیا پر ڈالنے کے واقعے کا سخت نوٹس لیا ہے اور فوری اقدامات کی ہدایت دی ہے۔
میڈیا رپورٹس کے مطابق الیکشن کمیشن کے کنٹرول روم نے سکیورٹی نافذ کرنے والے اداروں کو ہدایت دی کہ پولنگ اسٹیشن میں ووٹرز کو موبائل فون لے جانے سے روکا جائے تاکہ ووٹ کی رازداری متاثر نہ ہو، ساتھ ہی تمام پریذائیڈنگ افسران کو ہدایت دی گئی ہے کہ پولنگ اسٹیشن پر موجود تمام عملہ ووٹ کی خفیہ اور محفوظ طریقے سے اندراج کو یقینی بنائیں۔
کمیشن کے ترجمان نے ووٹرز سے بھی اپیل کی ہے کہ وہ پولنگ اسٹیشن میں اپنا موبائل فون لے کر نہ جائیں تاکہ ووٹ کی رازداری پر کوئی سوال نہ اٹھے۔
واضح رہے کہ آج قومی اسمبلی کے 6 اور پنجاب اسمبلی کے 7 حلقوں میں ضمنی انتخابات جاری ہیں اور الیکشن کمیشن کا مقصد شفاف اور آزادانہ انتخابات کو یقینی بنانا ہے۔
چین کا نوجوانوں کی شادی کے اخراجات اٹھانے کا اعلان