آٹا پھینکے جانے کے بعد انڈوں کی بارش، فرانس کے انتہاپسند سیاسی رہنما نشانے پر کیوں؟
اشاعت کی تاریخ: 1st, December 2025 GMT
فرانس کے انتہاپسند دائیں بازو کی جماعت نیشنل رینیال کے رہنما جورڈن بارڈیلا کو ہفتہ کے روز ایک تقریب کے دوران سر پر انڈا مارا گیا، چند دن قبل ایک واقعے میں ایک احتجاجی نے ان پر آٹا پھینکا تھا۔
بارڈیلا موئیساک، جنوب مغربی فرانس میں اپنی تازہ کتاب کے پروموشن کے لیے موجود تھے کہ ایک شخص نے ان کے سر پر انڈا توڑ دیا۔
یہ بھی پڑھیے: جس چادر پر انڈہ پھینکا گیا وہ 50 لاکھ روپے میں فروخت ہوگئی، علیمہ خان کا دعویٰ
واقعے کے بعد ایک 74 سالہ ملزم کو حراست میں لے لیا گیا اور اس پر سرکاری اہلکار پر تشدد کا الزام عائد کیا گیا۔ اس واقعے کے حوالے سے بارڈیلا کے نام پر شکایت درج کر دی گئی ہے۔
یاد رہے کہ منگل کو بارڈیلا پر ایک زرعی میلے کے دورے کے دوران آٹا پھینکا گیا تھا۔ پولیس نے 17 سالہ لڑکے کو حراست میں لیا لیکن اگلے روز رہا کر دیا، تادیبی کارروائی کے طور پر اسے شہری تربیت کے کورس میں شرکت کرنی ہوگی۔
ناقدین اور مخالفین کا کہنا ہے کہ ان کے خلاف عوامی ناراضگی بڑی حد تک ان کی سیاسی پوزیشنز خاص طور پر ہجرت اور اسلام کے بارے میں ان کی سخت پوزیشن کی وجہ سے ہے۔
یورپی پارلیمنٹ کے رکن کے طور پر، بڑیلہ نے 2024 میں نیشنل رالی کی انتخابی مہم کے پلیٹ فارم میں اہم کردار ادا کیا، جس نے ہجرت پر سخت پابندیاں اور اسلام پسند نظریات کو نشانہ بنانے والے جارحانہ قوانین کی حمایت کی۔
یہ بھی پڑھیے: چیف جسٹس آف انڈیا پر جوتا پھینکنے کی کوشش، ملزم گرفتار
بارڈیلا نے ہفتہ کے روز ٹویٹر پر لکھا کہ جتنا ہم ترقی کرتے ہیں اور جتنا اقتدار کے قریب پہنچتے ہیں، اتنی ہی شدت پسندی، عدم برداشت اور احمقانہ رویے سامنے آتے ہیں۔ لیکن فرانس میں آزادی، قومی فخر اور حب الوطنی کی ہوائیں چل رہی ہیں، اور وہ اسے روک نہیں پائیں گے۔
نیشنل رینیال کو 2027 کے صدارتی انتخابات میں اپنی اب تک کی بہترین جیت کا موقع محسوس ہو رہا ہے، کیونکہ میکرون نے دو معیاری مدتیں مکمل کر لی ہیں اور 3 بار صدارتی امیدوار رہنے والی مارین لی پین بدعنوانی کے کیس میں سزا کی وجہ سے انتخاب نہیں لڑ سکتی، لیکن ان کے 30 سالہ نائب بارڈیلا ممکنہ امیدوار بن سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹا انڈا رہنما فرانس گرفتاری.
ذریعہ
ذریعہ: WE News
پڑھیں:
سندھ کی جیلوں میں گنجائش سے زائد قیدی موجود
فائل فوٹوسندھ کی تمام جیلوں میں گنجائش سے زیادہ قیدی ہونے کا انکشاف ہوا ہے۔ صوبائی جیلوں میں 14 ہزار قیدیوں کی گنجائش ہے لیکن 27 ہزار قیدی موجود ہیں۔
دستاویز کے مطابق کراچی کی سینٹرل جیل میں بھی قیدیوں کی تعداد بلند ترین سطح پر پہنچ گئی، جہاں گنجائش 2400 قیدیوں کی ہے مگر 8 ہزار قیدی رہ رہے ہیں۔
اسی طرح ملیر جیل کی گنجائش 2200 قیدیوں کی ہے لیکن وہاں ساڑھے 5 ہزار قیدی موجود ہیں۔
جیو نیوز کو حاصل دستاویز کے مطابق صوبہ سندھ میں 23 جیلیں ہیں، جو نہ صرف بھری ہوئی ہیں بلکہ اب اوور پاپولیٹڈ ہوگئی ہیں۔
حیدرآباد سینٹرل جیل میں قیدیوں کی گنجائش ڈیڑھ ہزار کی ہے، جہاں 3 ہزار افراد قید کاٹ رہے ہیں۔
لاڑکانہ سینٹرل جیل ساڑھے 6 سو افراد کے لیے بنائی گئی لیکن یہاں 1 ہزار افراد قید ہیں، ٹھٹھہ کی جیل ڈھائی سو افراد کے لیے ڈیزائن کی گئی لیکن قیدی ساڑھے 9 سو ہیں۔
صوبے میں خواتین کی 3 جیلیں کراچی، حیدرآباد اور سکھر میں قائم ہیں، جہاں موجود خواتین قیدیوں کی تعداد 438 تک پہنچ چکی ہے جبکہ ان میں سے صرف 68 خواتین سزا یافتہ ہیں۔
صوبے بھر کی جیلوں میں 27 ہزار قیدیوں میں سب سے زیادہ 22 ہزار 600 ایسے قیدی ہیں، جن کے کیسز عدالتوں میں زیر سماعت ہیں جبکہ سزا یافتہ قیدیوں کی تعداد محض ساڑھے 3 ہزار ہے۔
جیلوں میں سزائے موت کے 459 افراد بھی اپنی زندگی کے دن گن رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ