سعودی عرب میں پاک افغان مذاکرات سے متعلق کچھ علم نہیں: ترجمان دفتر خارجہ
اشاعت کی تاریخ: 5th, December 2025 GMT
اسلام(نیوز ڈیسک) پاکستان اور افغانستان کے درمیان سعودی عرب میں مذاکرات سے متعلق دفتر خارجہ نے لاعلمی کا اظہار کر دیا۔
ترجمان دفتر خارجہ طاہر انداربی کے مطابق سعودی عرب میں پاک افغان مذاکرات سے متعلق میڈیا رپورٹس دیکھیں، ان مذاکرات سے متعلق ہمیں کچھ علم نہیں ہے۔
دفتر خارجہ نے کہا کہ پاکستان ترکیہ صدر کی ثالثی کی پیشکش کا خیر مقدم کرتا ہے، پاکستان ترکیہ کے ثالثی وفد کو خوش آمدید کہے گا اور پاکستان مذاکرات کیلئے بھی تیار ہے، ترکیہ وفد کے ابھی تک دورہ نہ کرنے کی وجہ پاکستان کا تعاون نہ کرنا نہیں ہے۔
ان کا کہنا تھا کہ ہم نے افغانستان کے ساتھ سرحدیں موجودہ صورتحال کی وجہ سے بند کی ہیں اور افغانستان نے اب اپنی جانب سرحدیں بند کی ہیں، اس حوالے سے اب وہ ہی جواب دے سکتے ہیں، ہم نے فی الوقت سرحدیں امدادی کارروائی کیلئے ہی کھولی ہیں۔
انہوں نے بتایا کہ کرغزستان کے صدر نے پاکستان کا دورہ کیا، کرغز صدر اور وزیراعظم نے وفد کی سطح پر ملاقاتیں کی، دوطرفہ تعلقات کو مزید مستحکم کرنے پر اتفاق ہوا، دونوں ممالک تجارتی حجم سال 28-2027 تک 200 ملین تک پہچانے پر اتفاق کیا، کرغز صدر کے دورے پر 15 ایم او یوز پر دستخط ہوئے، کرغز صدر نے بزنس فورم سے خطاب کیا۔
ترجمان دفتر خارجہ کے مطابق اسحاق ڈار نے کرغز وزیر خارجہ اور صدر سے ملاقاتیں کیں، مصر کے وزیر خارجہ نے دورہ پاکستان کیا، اسحاق ڈار نے اسلام آباد کانکلیو کا افتتاح کیا۔
.ذریعہ: Daily Mumtaz
کلیدی لفظ: مذاکرات سے متعلق
پڑھیں:
پاکستان نے اقوام متحدہ کی درخواست پر افغان عوام کے لیے امدادی سامان بھیجنے کی اجازت دی، دفتر خارجہ
دفتر خارجہ کے ترجمان طاہر اندرابی نے کہا ہے کہ حکومت نے اقوام متحدہ کی درخواست پر افغان عوام کے لیے امدادی سامان پاکستان کے راستے بھیجنے کی اجازت دی ہے۔ امدادی سامان 3 مراحل میں بھیجا جائے گا۔ پہلے مرحلے میں خوراک، دوسرے میں ادویات اور تیسرے میں دیگر ضروری اشیا شامل ہیں۔
ترجمان دفتر خارجہ نے ہفتہ وار بریفنگ میں اہم امور سے آگاہ کیا۔ ان کا کہنا تھا کہ کرغزستان کے صدر نے حال ہی میں پاکستان کا دورہ کیا اور صدر، وزیراعظم اور نائب وزیراعظم سے ملاقاتیں کیں۔
مزید پڑھیں: اقوام متحدہ کی درخواست پر پاکستان کا افغان سرحد محدود وقت کے لیے مشروط کھولنے کا فیصلہ
دورے کے دوران کئی مفاہمتی معاہدے ہوئے اور دونوں ممالک نے اقتصادی تعاون اور تجارت بڑھانے پر اتفاق کیا۔ اس موقع پر علاقائی اور عالمی امن و سکیورٹی کے امور پر بھی تبادلہ خیال ہوا، اور افغان رجیم سے دہشتگرد عناصر کے خلاف کارروائی یقینی بنانے پر اتفاق ہوا۔
مصر کے وزیر خارجہ نے بھی پاکستان کا دورہ کیا، جس کے دوران پاک مصر بزنس کونسل کے قیام کا اعلان ہوا۔ آئندہ سال اس کا اجلاس قاہرہ میں ہوگا اور پاکستانی طلبہ کو جامعۃ الازہر میں اسکالرشپ بھی ملے گی۔
مزید پڑھیں: دفترِ خارجہ نے اقوام متحدہ کے انسانی حقوق کمشنر کے 27ویں آئینی ترمیم پر بیان کو مسترد کر دیا
دفتر خارجہ کے مطابق، پاکستان کا اسرائیل کے ساتھ کوئی تعلق یا تعاون نہیں ہے اور اسرائیل سے متعلق تمام افواہیں غلط ہیں۔ نائب وزیراعظم اسحاق ڈار نے ملائشیا کے وزیرخارجہ سے رابطہ کیا جبکہ سری لنکا میں سیلاب زدگان کے لیے 200 ٹن امدادی سامان سمندر کے ذریعے بھیجا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ دفتر خارجہ طاہر اندرابی
دلہے کا 31 لاکھ روپے جہیز لینے سے انکار، عزت کی خوبصورت مثال قائم