میٹھے کی کمی نے شادی کا رنگ پھیکا کر دیا، دلہا دلہن کے اہلِ خانہ آپس میں الجھ پڑے
اشاعت کی تاریخ: 5th, December 2025 GMT
data-id="863a0a8" data-element_type="widget" data-widget_type="theme-post-content.default">
بھارت کی ریاست بہار کے ضلع بودھگیا میں ایک غیر معمولی اور حیران کن واقعہ اس وقت پیش آیا جب شادی کی خوشیوں کو رس گلے کی کمی نے لڑائی میں بدل دیا۔
بین الاقوامی خبر رساں اداروں کے مطابق تقریب کے دوران پیش آنے والا یہ جھگڑا نہ صرف محفل کی فضا مکدر کر گیا بلکہ اس کی ویڈیو سوشل میڈیا پر تیزی سے وائرل ہو کر عوام کی توجہ کا مرکز بن گئی۔
بھارتی میڈیا کے مطابق شادی کی ابتدائی رسومات بخیر و خوبی مکمل ہو چکی تھیں اور دلہا دلہن منڈپ کی جانب بڑھ رہے تھے کہ کھانے میں رس گلے کم پڑنے کا معاملہ دونوں خاندانوں کے درمیان تلخی کا باعث بن گیا۔ معمولی سی بات دیکھتے ہی دیکھتے سنگین جھگڑے میں بدل گئی جس نے پوری تقریب کو بدنظمی کا شکار کر دیا۔
A chaotic scene unfolded in a wedding in #Bihar‘s #BodhGaya after the bride and the groom’s families exchanged blows over a shortage of rasgulla.
The incident was caught on CCTV installed inside the hotel where the wedding was taking place, and the video surfaced online.… pic.twitter.com/As6vU9WXSZ
— Hate Detector ???? (@HateDetectors) December 4, 2025
یہ ہنگامہ اس ہوٹل میں شروع ہوا جہاں دلہن کا خاندان مقیم تھا، ہوٹل میں نصب سی سی ٹی وی کیمروں نے پورا منظر محفوظ کر لیا، ویڈیو سامنے آنے کے بعد لوگوں میں حیرت کی لہر دوڑ گئی کہ محض میٹھے کی کمی پر شادی جیسی تقریب میں ایسا ہنگامہ بھی مچ سکتا ہے۔
وائرل ویڈیو میں واضح طور پر دیکھا جا سکتا ہے کہ دونوں خاندانوں کے افراد ایک دوسرے پر کرسیاں اور برتن پھینک رہے ہیں، جبکہ بعض افراد کو گھونسے مارتے اور دھکے دیتے ہوئے بھی دیکھا گیا — ایک ایسا منظر جو کسی بھی شادی کے تصوّر سے یکسر مختلف تھا۔
یہ واقعہ 29 نومبر کو رونما ہوا اور جھگڑے کے بعد معاملہ مزید بگڑ گیا جب دلہن کے اہلِ خانہ نے دلہا کے گھر والوں کے خلاف جہیز کے الزام میں مقدمہ بھی درج کروا دیا۔ یوں یہ واقعہ نہ صرف شادی کی تقریب میں بد نظمی کا سبب بنا، بلکہ قانونی تنازعے میں بھی تبدیل ہو گیا۔
ذریعہ
ذریعہ: Jasarat News
پڑھیں:
ٹرمپ پر قاتلانہ حملے کے بعد منسوخ ہونے والے وائٹ ہاؤس پریس ڈنر کے دوبارہ انعقاد کا فیصلہ
واشنگٹن: امریکی صدر ڈونلڈ ٹرمپ پر قاتلانہ حملے کے بعد منسوخ کر دیے گئے وائٹ ہاؤس پریس ڈنر کو دوبارہ منعقد کرنے کا اعلان کر دیا گیا ہے۔ تقریب اب 24 جولائی کو منعقد ہوگی اور صدر ٹرمپ اس میں شرکت کریں گے۔
امریکی میڈیا رپورٹس کے مطابق صدر ڈونلڈ ٹرمپ نے تقریب میں شرکت کی دعوت قبول کر لی ہے۔ یہ تقریب واشنگٹن میں صحافیوں اور میڈیا نمائندوں کے اعزاز میں منعقد کی جاتی ہے اور امریکی سیاسی و میڈیا حلقوں کی اہم تقریبات میں شمار ہوتی ہے۔
صدر ٹرمپ نے اس حوالے سے اپنے بیان میں کہا کہ وہ ’پاگل عناصر‘ کو اپنی طرزِ زندگی یا اپنے شیڈول میں تبدیلی لانے کی اجازت نہیں دے سکتے۔ ان کا کہنا تھا کہ عوامی سرگرمیاں اور سرکاری تقریبات معمول کے مطابق جاری رہیں گی۔
انہوں نے یہ بھی کہا کہ فی الحال یہ کہنا مشکل ہے کہ آیا وہ تقریب میں پہلے کی طرح سخت اور دوٹوک انداز میں خطاب کریں گے یا نہیں، تاہم اس بارے میں جلد ہی صورتحال واضح ہو جائے گی۔
صدر ٹرمپ کے مطابق یہ تقریب پنسلوانیا ایونیو پر واقع والڈورف آسٹوریا کے بال روم میں منعقد ہوگی۔ انہوں نے کہا کہ اس مقام کی تعمیر میں ان کا بھی کردار رہا ہے۔
یاد رہے کہ رواں سال اپریل میں واشنگٹن میں وائٹ ہاؤس کے میڈیا نمائندوں کے اعزاز میں منعقدہ عشائیے کے دوران فائرنگ کا واقعہ پیش آیا تھا۔ اس واقعے میں صدر ٹرمپ محفوظ رہے جبکہ حملہ آور کو موقع پر گرفتار کر لیا گیا تھا۔
بعد ازاں امریکی حکام نے ملزم پر صدر ڈونلڈ ٹرمپ کو قتل کرنے کی کوشش کا باضابطہ الزام عائد کیا تھا، جس کے بعد سکیورٹی خدشات کے پیش نظر پریس ڈنر کو منسوخ کر دیا گیا تھا۔
اب تقریب کی دوبارہ میزبانی کے اعلان کو صدر ٹرمپ کی معمول کی سرگرمیوں کی بحالی اور سکیورٹی اداروں کے اعتماد کا اظہار قرار دیا جا رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ