گوجر خان، شادی کی تقریب میں فائرنگ سے 2افراد جاں بحق
اشاعت کی تاریخ: 5th, December 2025 GMT
راولپنڈی:
تحصیل گوجر خان کے علاقے میں شادی کی تقریب میں فائرنگ سے دو افراد جاں بحق ہوگئے۔
پولیس کے مطابق مسلح ملزمان نے دو افراد کو فائرنگ کرکے قتل کر دیا۔
فائرنگ کے واقعے کے بعد پولیس موقع پر پہنچی تاہم ملزمان فرار ہوگئے۔ مقتولین میں زرید اور رحمان شامل ہیں۔
فائرنگ کا واقعہ شادی کی تقریب کے دوران پیش آیا۔
.ذریعہ: Express News
پڑھیں:
غزہ میں تباہ شدہ عمارتوں کے بیچ 54 جوڑوں کی اجتماعی شادی
data-id="863a0a8" data-element_type="widget" data-widget_type="theme-post-content.default">
خان یونس : غزہ کی ویران عمارتوں اور جنگ زدہ ماحول کے باوجود ایک پر امید لمحہ اس وقت دیکھنے کو ملا جب جنوبی شہر خان یونس میں 54 جوڑوں کی اجتماعی شادی کی تقریب منعقد ہوئی۔
عالمی میڈیا رپورٹس کے مطابق یہ تقریب متحدہ عرب امارات کی حمایت یافتہ انسانی فلاحی تنظیم الفارس الشہیم کے زیرِ اہتمام ہوئی، جس نے نوبیاہتا جوڑوں کو مالی امداد کے ساتھ گھریلو سامان بھی فراہم کیا۔
اس موقع پر شرکاء اور حاضرین کے چہروں پر خوشی اور امید کی ملی جلی جھلک دیکھی گئی، درجنوں فلسطینی جوڑوں نے زندگی کے نئے سفر کا آغاز کرتے ہوئے یہ پیغام دیا کہ تباہی کے باوجود زندگی جاری ہے، تقریب کے لیے خاص طور پر ایک اسٹیج ثواب الفرح خوشی کا لباس تیار کیا گیا، جو فلسطینی عوام کی ثابت قدمی اور امید کی علامت کے طور پر کھڑا تھا۔
ایک 27 سالہ فلسطینی دلہن نے تقریب کے دوران کہا کہ یہاں جو کچھ بھی ہو چکا ہے، اس کے باوجود ہم اپنی نئی زندگی کا آغاز کریں گے، ان شاء اللہ یہ جنگ کے خاتمے کی ایک وجہ بنے گی۔
اجتماعی شادی کے لیے جوڑوں کا انتخاب ایک قرعہ اندازی کے ذریعے کیا گیا، جس میں تقریباً 2 ہزار 651 درخواست گزار شامل تھے۔
منتظمین کا کہنا ہے کہ اس تقریب کا مقصد صرف شادی نہیں بلکہ تباہ شدہ غزہ میں امید اور خوشی کا پیغام پہنچانا بھی تھا، ایک مشکل وقت میں خوشیاں دینا مشکل کام ہوتا ہے، غزہ کے عوام نے ہر مشکل میں وہ کام سرانجام دیے ہیں جس کا انسان سوچ بھی نہیں سکتا۔
خیال رہےکہ حماس کی جانب سے تو جنگ بندی کی مکمل پاسداری کی جارہی ہے لیکن اسرائیل نے اپنی دوغلی پالیسی اپناتے ہوئے 22 سال سے قید فلسطین کے معروف سیاسی رہنما مروان البرغوثی کو رہا کرنے سے انکاری ظاہر کی ہے اور اسرائیل کے متعدد وزیر اپنی انتہا پسندانہ سوچ کے سبب صبح و شام فلسطینی عوام کو دھمکیاں دے رہے ہیں جبکہ امریکی صدر ڈونلڈ ٹرمپ بھی جارحانہ انداز اپناتے ہوئے مسلسل دھمکیاں دے رہے ہیں۔
ویب ڈیسک
وہاج فاروقی
ایران نے جنگ میں امریکااور اسرائیل کو شکست دی،خامنہ ای