برطانیہ میں رہائش کے اعتبار سے 10 مسرت بخش مقامات کون سے ہیں؟
اشاعت کی تاریخ: 5th, December 2025 GMT
برطانیہ میں رہائش کے اعتبار سے مسرت بخش مقامات کی تازہ فہرست جاری کردی گئی ہے جس میں رواں سال اسکپٹن کو پورے ملک میں سب سے خوش کن مقام قرار دیا گیا ہے۔ یہ درجہ بندی ایک جامع سروے کے نتیجے میں سامنے آئی جس میں انیس ہزار پانچ سو سے زائد افراد نے حصہ لیا۔
یہ بھی پڑھیں: چین کے 3 شہر دنیا کے 10 بہترین سیاحتی شہروں میں شامل
شمالی یارکشائر کا یہ قدیم مارکیٹ ٹاؤن اپنے تاریخی قلعے، دلکش مناظر اور یارکشائر ڈیلز کے داخلی دروازے کی حیثیت کی وجہ سے نمایاں مقام رکھتا ہے۔ یہاں بلند معیار کی مارکیٹ اسٹریٹ، کورڈ شاپنگ ایریا، مقامی دکانیں اور میوزیم جیسے متعدد مقامات لوگوں کو اپنی طرف کھینچتے ہیں۔
رہائشیوں کے مطابق اسکپٹن کو سب سے زیادہ پسندیدگی اس کے قدرتی ماحول، رہائشی سہولتوں کی نزدیکی اور دوستانہ مقامی آبادی کی وجہ سے حاصل ہے۔ شہر کو ایک ایسا مقام قرار دیا گیا ہے جہاں سکون اور اطمینان کے ساتھ زندگی گزاری جا سکتی ہے۔
یہ بھی پڑھیں: پاکستان کے مقامات جو 2025 میں دنیا بھر کے سیاحوں کو اپنی جانب کھینچ رہے ہیں
اسکپٹن میں گھر کی اوسط قیمت 3 لاکھ 26 ہزار 93 پاؤنڈز ہے جو برطانیہ کی موجودہ قومی اوسط 3لاکھ 64ہزار 837 پاؤنڈ سے کم ہے۔ فہرست میں اسکپٹن نے گزشتہ برس چھٹے نمبر اور سال 2020 میں دوسرے نمبر کے بعد اب پہلی پوزیشن حاصل کر لی ہے۔
دوسرے نمبر پر رچمنڈ اپون ٹیمز اور تیسرے نمبر پر کیمنڈ رہا۔ اس کے علاوہ اسٹرلنگ کو اسکاٹ لینڈ اور ینگلسے کو ویلز کا خوش ترین مقام قرار دیا گیا ہے۔
برطانیہ کے خوش ترین 10 مقامات کی فہرست
اسکپٹن، یارکشائر اینڈ دی ہمبر
رچمنڈ اپون ٹیمز، لندن
کیمڈن، لندن
ہیروگیٹ، یارکشائر اینڈ دی ہمبر
ووڈ بریج، ایسٹ آف انگلینڈ
الٹرِنکام، نارتھ ویسٹ
میکلس فیلڈ، نارتھ ویسٹ
اسٹرلنگ، اسکاٹ لینڈ
سِرنسیسٹر، ساؤتھ ویسٹ
ہیکسہم، نارتھ ایسٹ
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ