پی ٹی آئی کا پشاور میں جلسہ تاریخی تھا، اسد قیصر
اشاعت کی تاریخ: 7th, December 2025 GMT
سابق اسپیکر قومی اسمبلی اسد قیصر نے کہا ہے کہ پی ٹی آئی کا پشاور میں جلسہ تاریخی تھا، پی ڈی ایم جماعتوں کو چیلنج دیتے ہیں کہ سب مل کر اتنا بڑا جلسہ کرکے دکھائیں۔
نجی ٹی وی پروگرام میں سابق اسپیکر قومی اسمبلی اسد قیصر سے سوال کیا گیا کہ آج کے پی ٹی آئی کے پشاور جلسے میں لوگ بڑی تعداد میں نہ جمع ہوسکے، اس کی کیا وجہ ہے؟ جواب میں اسد قیصر نے کہا کہ جو کہہ رہا ہے کہ جلسے میں لوگ نہیں آئے وہ نظر کی عینک لے لے، جب اس کی نظر ٹھیک ہوجائے گی تو جلسے کی ویڈیو دیکھ لے، اسے نظر آجائے گا کہ کتنے لوگ آئے۔
اسد قیصر نے کہا کہ فٹبال گراؤنڈ لوگوں سے کھچا کھچ بھرا ہوا تھا، یہ ایک تاریخی جلسہ تھا، اتنی سردی میں لوگ آئے، میں پی ڈی ایم جماعتوں کو چیلنج دیتا ہوں کہ وہ سب مل کر اتنا بڑا جلسہ کرکے دکھائیں، نواز شریف جو اپنے آپ کو بہت بڑا لیڈر کہتے ہیں وہ لاہور میں کوئی جلسہ کرکے دکھائیں، بلاول بھٹو کراچی میں جلسہ کرکے دکھائیں۔
انہوں نے کہا کہ سہیل آفریدی نے ویسے بات کی کہ وہ ڈی چوک آئیں گے مگر اس حوالے سے فیصلہ پارٹی کرے گی، وزیراعلیٰ نے گلہ کیا کہ وفاق صوبے کے ساتھ زیادتی کررہا ہے، صوبے کے شیئرز نہیں دے رہا، این ایف سی سے حصہ نہیں دے رہا، وفاق نے صوبے کے ایک ہزار ارب دینے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسد قیصر پشاور پی ٹی آئی جلسہ سابق اسپیکر قومی اسمبلی.
ذریعہ
ذریعہ: WE News
کلیدی لفظ: پشاور پی ٹی ا ئی جلسہ سابق اسپیکر قومی اسمبلی جلسہ کرکے دکھائیں نے کہا
پڑھیں:
سعودی عرب ابراہام معاہدوں میں شامل ہوا تو یہ تاریخی پیش رفت ہوگی؛ اسرائیلی وزیراعظم
امریکی صدر ڈونلڈ ٹرمپ نے سعودی عرب کے ساتھ جوہری معاہدے کے لیے اسرائیل سے تعلقات کی بحالی سے مشروط کردیا۔
عالمی خبر رساں ادارے کے مطابق اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہام معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک ’’تاریخی جست‘‘ ثابت ہوگی۔
نیتن یاہو نے اپنے بیان میں مزید کہا کہ سعودی عرب کی ابراہام معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام اور تعاون کے امکانات بھی بڑھ جائیں گے۔
خیال رہے کہ اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے سول جوہری پروگرام کو اسرائیل سے تعلقات معمول پر لانے سے مشروط کرنے کے بعد سامنے آیا ہے۔
کچھ دیر قبل ہی امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی منظوری اس وقت تک نہیں دی جائے گی جب تک سعودیہ ابراہام معاہدوں میں شامل نہیں ہوجاتا۔
صدر ڈونلڈ ٹرمپ نے اپنی پوسٹ میں یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیم افزودگی کی اجازت نہیں دی جائے گی۔
یاد ہے کہ ایک روز قبل جب جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب کے اسرائیل سے تعلقات معمول پر لانے کی شرط سے نہیں جوڑا تھا تاہم بعد میں انھوں نے واضح کیا کہ دونوں معاملات ایک دوسرے سے منسلک ہیں۔
ادھر سعودی حکومت نے تاحال صدر ٹرمپ کے تازہ بیان پر کوئی باضابطہ ردعمل نہیں دیا تاہم ریاض متعدد مواقع پر واضح کرچکا ہے کہ وہ اس وقت تک اسرائیل کو تسلیم نہیں کرے گا جب تک فلسطینی ریاست کے قیام کے لیے قابلِ عمل اور واضح راستہ موجود نہ ہو۔
سعودی عرب کا مؤقف رہا ہے کہ 1967 کی سرحدوں کی بنیاد پر آزاد فلسطینی ریاست کا قیام، مشرقی یروشلم کو اس کا دارالحکومت بنانا اور فلسطینی عوام کے جائز حقوق کا تحفظ اسرائیل سے تعلقات کی بحالی کے لیے بنیادی شرائط ہیں۔
ابراہام معاہدے کیا ہیں؟
ابراہام معاہدے 2020 میں امریکی ثالثی کے تحت طے پائے تھے جن کے نتیجے میں متحدہ عرب امارات، بحرین، سوڈان اور مراکش نے اسرائیل کے ساتھ سفارتی تعلقات قائم کیے۔ بعد ازاں قازقستان نے بھی معاہدے کی حمایت کا اعلان کیا تاہم سعودی عرب اب تک اس کا حصہ نہیں بنا۔
ان معاہدوں کا مقصد اسرائیل کے عرب و مسلم ممالک کے ساتھ سفارتی، اقتصادی اور سکیورٹی تعاون کو فروغ دینا تھا لیکن غزہ جنگ اور فلسطینی مسئلے کے باعث سعودی عرب نے اسرائیل کے ساتھ تعلقات معمول پر لانے کا عمل روک رکھا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار