سندھ کے تمام محکموں میں بدعنوانی عروج پر ہے ‘سردارعبدالرحیم
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر)انسداد بدعنوانی کے عالمی دن کے موقع پر پاکستان مسلم لیگ فنکشنل سندھ کے سیکریٹری جنرل سردار عبدالرحیم نے سندھ حکومت کی کارکردگی پر شدید تنقید کی اور کہا کہ بدعنوانی کے خاتمے کے دعوے محض عوام کو بے وقوف بنانے کے لیے ہیں۔سردار عبدالرحیم نے کہا کہ سندھ کے تمام محکموں میں بدعنوانی عروج پر ہے اور وہاں ایسے لوگوں کو بٹھایا گیا ہے جیسے بلے کو دودھ کی چوکیداری پر بٹھایا گیا ہو۔صحت عامہ اور تعلیم سمیت ہر شعبے میں رشوت کا راج ہے۔نوکریاں پیسے سے خریدی اور بیچی جاتی ہیں۔تعلیمی اداروں میں ڈگریاں پیسے دے کر حاصل کی جاتی ہیں۔ہسپتالوں میں ڈاکٹر دستیاب نہیں، دوائیاں پرائیویٹ میڈیکل اسٹوروں پر ہی ملتی ہیں۔انصاف بھی خریدا جا سکتاہے اور بغیر رشوت جائز کام بھی مْشکل کر دیا جاتا ہے۔ایریگیشن ڈپارٹمنٹ زمینوں کو فصل کے لیے پانی دینے کے عوض بھی رشوت لی جاتی ہے۔ انہوں نے کہا کہ اس بدعنوانی کے نظام کی وجہ سے غریب عوام روزانہ مشکلات کا شکار ہیں، اور وزراکے اعلانات و تقریریں صرف عوام کو دھوکہ دینے کے لیے ہیں، عملی اقدامات نہ ہونے کے برابر ہیں۔ سردار عبدالرحیم نے یہ بھی نوٹ کیا کہ بین الاقوامی ادارے بھی پاکستان میں ہر صتح بدعنوانی پر تشویش کا اظاہر کر چکے ہیں۔ Transparency International کی 2024 کی رپورٹ کے مطابق، پاکستان 180 ممالک میں 135 نمبر پر ہے، اور اس کا اسکور 100 میں صرف 27 رہا۔ رپورٹ کے مطابق بدعنوانی نہ صرف اقتصادی نقصان کا باعث ہے، بلکہ تعلیم، صحت، انصاف اور سرکاری خدمات میں شفافیت کو بھی بری طرح متاثر کرتی ہے۔اسی طرح آی ایم ایف نے گزشتہ دنوں پاکستان میں ہزاروں ارب ڈالر کی کرپشن کا پول کھول دیاسردار عبدالرحیم نے زور دیا کہ بدعنوانی کے خاتمے کے لیے سنجیدہ سیاسی ارادہ اور عملی اصلاحات کی اشد ضرورت ہے، ورنہ عوام کی مشکلات جاری رہے گی-
ذریعہ
ذریعہ: Jasarat News
کلیدی لفظ: عبدالرحیم نے بدعنوانی کے کے لیے
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی