شمالی وزیرستان:مدرسے کے قریب دھماکا،2 بچے جاں بحق
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
پشاور:شمالی وزیرستان کی تحصیل میر علی میں ایک مدرسے کے قریب بارودی مواد کے دھماکے سے 2بچے جاں بحق اور5بچیوں سمیت 15 افراد زخمی ہوئے ہیں۔
مقامی پولیس اور انتظامیہ کے افسران نے بتایا ہے کہ میر علی کے قریب عیسوڑی دیہات میں اس وقت دھماکاہوا ہے جب بچے وہاں کھیل رہے تھے۔
میر علی سے ایک انتظامی افسر نے نام ظاہر نہ کرنے کی شرط پر بتایا ہے کہ عیسوڑی کے مقام پر بچے کھیل رہے تھے جہاں انھیں بارودی مواد کا گولہ ملا جس سے دھماکا ہوا ہے۔
میر علی کے تحصیل ہیڈ کوارٹراسپتال کے میڈیکل سپرنٹنڈنٹ ڈاکٹر منیر نے بتایا ہے کہ ان کے اسپتال میں ایک بچہ مردہ حالت میں لایا گیا جبکہ 16 زخمی تھے جن میں 5 بچیاں بھی تھیں۔
ان میں بیشتر کی عمریں8 سال سے 12 سال کے درمیان بتائی گئی ہیں۔
انھوں نے کہا کہ تین زخمیوں کی حالت تشویشناک تھی جنھیں خلیفہ گل نوا ٹیچنگ اسپتال بنوں منتقل کر دیا گیا ہے۔
بنوں میں ہسپتال کے ترجمان محمد نعمان نے بتایا کہ کل 8زخمی بنوں ہسپتال لائے گئے ہیں جن میں ایک بچہ شدید زخمی ہونے کی وجہ سے دم توڑ گیا ہے۔
ڈاکٹر منیر نے بتایا ہے کہ بیشتر زخمیوں کو زیادہ چوٹیں نہیں آئی تھیں اس لیے انھیں ابتدائی طبی امداد کے بعد فارغ کر دیا گیا تھا۔
میر علی سے مقامی لوگوں نے بتایا ہے کہ علاقے میں کشیدہ حالات کی وجہ سے باقی تمام زخمی بھی بنوں چلے گئے ہیں۔
ان کا کہنا تھا کہ میر علی میں آئے روز کے حملوں اور دھماکوں کی وجہ سے لوگ محفوظ علاقوں کی جانب چلے گئے ہیں۔
ویب ڈیسک
Faiz alam babar
ذریعہ: Jasarat News
کلیدی لفظ: نے بتایا ہے کہ میر علی
پڑھیں:
سیلفی کے دوران 130 فٹ چٹان سے گرنے والا سیاح معجزانہ طور پر زندہ بچ گیا
data-id="863a0a8" data-element_type="widget" data-widget_type="theme-post-content.default">
چین کے ہوائینگ ماؤنٹین کے قریب ایک پہاڑی ٹریک پر سیلفی لیتے ہوئے ایک سیاح کا دل دہلا دینے والا واقعہ پیش آیا، جب وہ 130 فٹ اونچی چٹان سے نیچے جا گرا، مگر خوش قسمتی سے معمولی زخمی ہو کر بچ گیا۔
بین الاقوامی میڈیا رپورٹس کے مطابق جب سیاح تصویر لینے کے لیے آگے جھکا تو اس کے پاؤں کے نیچے موجود چٹان کا حصہ ٹوٹ گیا اور وہ زمین کی طرف تیزی سے سرکنے لگا۔
غیر ملکی خبر ایجنسی کے مطابق قریب موجود ٹریکرز نے فوراً دوڑ کر صورتحال دیکھی اور دیکھا کہ سیاح درختوں میں جا گرا، جس کی وجہ سے وہ صرف ہلکے زخموں کے ساتھ بچ گیا۔
بعد میں سیاح نے سوشل میڈیا پر لکھا کہ وہ خود کو خوش قسمت سمجھتا ہے اور اسے “پہاڑ کے دیوتاؤں کی حفاظت” حاصل رہی، وہ تقریباً 40 میٹر نیچے گرا اور پھر مزید 15 میٹر تک لڑھکتا رہا۔
یہ واقعہ سوشل میڈیا پر وائرل ہوتے ہی صارفین میں ایک بار پھر خطرناک انداز میں سیلفی لینے کے رجحان پر بحث چھڑ گئی، سیلفی کے دوران زیادہ تر حادثات اونچائی سے گرنے یا پانی میں ڈوبنے کے باعث پیش آتے ہیں اور کئی بار جان لیوا بھی ثابت ہوتے ہیں۔
ایسے واقعات پہلے بھی ہو چکے ہیں؛ 2019 میں بھارت میں ایک خاتون پہاڑی مقام پر سیلفی لیتے ہوئے پھسل گئی تھی مگر جھاڑیوں کی وجہ سے محفوظ رہی، جبکہ 2018 میں امریکا کے یو سی میٹی نیشنل پارک میں ایک جوڑا سیلفی کے دوران تقریباً 800 فٹ نیچے گر کر ہلاک ہوگیا تھا۔
تازہ ترین ویڈیو کی وائرل ہونے کے بعد حکام نے ایک بار پھر سیاحوں سے اپیل کی ہے کہ وہ بغیر حفاظتی نشان والے کناروں کے قریب نہ جائیں، خبردار کرنے والے بورڈز کی ہدایات پر عمل کریں اور تصویر کھینچنے کے شوق سے زیادہ اپنی حفاظت کو ترجیح دیں، تاکہ ایسا خطرناک حادثہ دوبارہ نہ پیش آئے۔
رشتوں کا انتخاب