مریخ مشن: ناسا کے میون خلائی جہاز نے چپ سادھ لی، وجہ سمجھنے سے باہر
اشاعت کی تاریخ: 11th, December 2025 GMT
ناسا کو اپنے اس خلائی جہاز سے رابطہ منقطع ہوگیا ہے جو گزشتہ ایک دہائی سے زیادہ عرصے سے مریخ کے گرد مدار میں گردش کر رہا تھا۔
یہ بھی پڑھیں: ناسا روور کی اہم کامیابی، مریخ پر ’منی لائٹننگ‘ کی موجودگی ثابت
دی گارجین کے مطابق امریکی خلائی ادارے نے بتایا کہ وہ میون خلائی جہاز سے دوبارہ رابطہ بحال کرنے کی کوشش کر رہا ہے جو گزشتہ 11 سال سے سرخ سیارے کے گرد چکر لگا رہا ہے۔
ہفتے کے آخر میں میون نے اچانک زمینی اسٹیشنوں سے رابطہ کرنا بند کردیا۔ ناسا کا کہنا ہے کہ رابطہ منقطع ہونے سے پہلے تک خلائی جہاز پوری طرح درست حالت میں کام کر رہا تھا لیکن جب وہ مریخ کے پیچھے گیا اور دوبارہ سامنے آیا تو مکمل خاموشی تھی۔
ناسا کے بیان میں کہا گیا کہ ٹیلی میٹری سے ظاہر ہوتا ہے کہ مریخ کے پیچھے جانے سے پہلے تمام ذیلی نظام معمول کے مطابق کام کر رہے تھے۔
مزید پڑھیے: ’مریخ پر جینا اور مرنا چاہتا ہوں‘، ایلون مسک کی خواہش
بیان میں مزید کہا گیا کہ انجینیئرز اور آپریشن ٹیمیں اس مسئلے کی وجہ جاننے کی کوشش کر رہی ہیں اور جیسے ہی نئی معلومات ملیں گی شیئر کی جائیں گی۔
میون کیا مطالعہ کر رہا تھا؟سنہ2013 میں لانچ ہونے والا میون سنہ 2014 میں مریخ پہنچنے کے بعد سے مریخ کی بالائی فضا اور سورج کی شعاعوں کے ساتھ اس کے تعامل کا مطالعہ کر رہا تھا۔
سائنس دانوں نے وقت کے ساتھ یہ نتیجہ اخذ کیا کہ سورج کی شعاعوں نے ہی مریخ کی زیادہ تر فضا کو ختم کیا جس کے باعث یہ کبھی نم اور معتدل سیارہ خشک اور سرد دنیا میں تبدیل ہوگیا۔
میون ناسا کے مریخی روورز کیوریوسٹی اور پرسیویرینس کے لیے رابطہ پل کا کردار بھی ادا کرتا رہا ہے جن کی تحقیقات نے مریخ کے بارے میں بے شمار سائنسی انکشافات کیے ہیں۔
مزید پڑھیں: ’۔۔۔ ہم ہیں تیار چلو‘، ناسا نے چاند پر گاؤں اور مریخ پر قدم جمانے کا وقت بتادیا
خیال رہے کہ ناسا کے مریخ کے گرد اب بھی 2 فعال خلائی جہاز موجود ہیں جو مارس ریکانائسنس آربٹر (2005)اور مارس اوڈیسی (2001)ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مارس مشن مارس میون مریخ مشن ناسا کا خلائی جہاز.ذریعہ: WE News
کلیدی لفظ: مارس میون ناسا کا خلائی جہاز خلائی جہاز کر رہا تھا مریخ کے ناسا کے
پڑھیں:
اقتصادی رابطہ کمیٹی نے گاڑیوں کی درآمد کے طریقہ کار میں تبدیلی کی منظوری دے دی
اسلام آباد:اقتصادری رابطہ کمیٹی نے گاڑیوں کی درآمد کے طریقہ کار میں تبدیلی کی منظوری دے دی اور گاڑیوں کی درآمد کی مدت دو سال سے بڑھا کر تین سال کر دی ہے۔
وفاقی وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا جس میں پاور ڈویژن نے آئندہ مالی سال کے سرکلر قرضہ منصوبے پر بریفنگ دی جبکہ کمیٹی نے پاور سیکٹر میں مالی پائیداری اور کارکردگی بہتر بنانے کی ہدایت کی گئی اور پاور ڈویژن کو مالی مدد بتدریج کم کرنے کا درمیانی مدت منصوبہ تیار کرنے کا حکم دیا گیا۔
اجلاس میں بیرون ملک سے گاڑیوں کی درآمد کے طریقہ کار میں تبدیلیوں کی منظوری دے دی گئی اور نئی پالیسی کے تحت درآمدی گاڑیوں پر تحفظ اور ماحولیاتی معیار لاگو ہوں گے، گاڑیوں کی درآمد کی مدت دو سال سے بڑھا کر تین سال کر دی گئی۔
فیصلہ کیا گیا کہ درآمد شدہ گاڑیاں ایک سال تک کسی دوسرے کے نام منتقل نہیں کی جا سکیں گی۔
اقتصادی رابطہ کمیٹی کے اجلاس میں صرف رہائش کی منتقلی اور تحفہ اسکیم برقرار رکھنے کا فیصلہ کیا گیا، پیٹرول کمپنیوں اور ڈیلروں کے منافع میں 5 سے 10 فیصد تک ایڈجسٹمنٹ کی منظوری دی گئی۔
اجلاس میں منافع میں نصف اضافہ فوری جبکہ نصف ڈیجیٹائزیشن کی پیش رفت سے مشروط قرار پایا گیا اورپیٹرولیم ڈویژن کو یکم جون 2026 تک پیش رفت رپورٹ دینے کی ہدایت کی گئی۔
وزیرخزانہ کی زیرصدارت اجلاس میں کلوروفارم کی درآمد پر پابندی لگانے کی منظوری دے دی گئی، کلوروفارم کی درآمد صرف ادویہ ساز کمپنیوں کو قومی ریگولیٹری اتھارٹی کے اجازت نامے کے ساتھ ہو گی۔
اسی طرح شیشے بنانے والی کمپنی کی رعایتی گیس نرخ کی درخواست مسترد کر دی گئی، پاکستان ڈیجیٹل اتھارٹی کے لیے ایک ارب 28 کروڑ روپے کی اضافی رقم منظور کر لی گئی اور کابینہ ڈویژن کے ترقیاتی اخراجات کے لیے اضافی فنڈز جاری کرنے کی منظوری بھی دی گئی۔
اجلاس میں ہاؤسنگ اور تعمیرات ڈویژن کے لیے 5 ارب روپے مختص کرنے کا فیصلہ کیا گیا اور پاسکو کو بند کرنے اور واجبات نمٹانے کے لیے خصوصی کمپنی بنانے کی منظوری دی گئی اور خصوصی کمپنی کے انتظامی اور مالی معاملات طے کر دیے گئے۔
اقتصادی رابطہ کمیٹی نے پی آئی اے ہولڈنگ کمپنی لمیٹڈ کے لیے پنشن اور طبی اخراجات کے سلسلے میں بجٹ ایلوکیشن جاری کرنے کی اصولی منظوری دی گئی۔
سال 2025 کی آخری ملک گیر انسدادِ پولیو مہم کا افتتاح