دبئی میں دنیا کے بلند ترین ہوٹل کا افتتاح، کمروں کی قیمت کیا ہے؟
اشاعت کی تاریخ: 11th, December 2025 GMT
متحدہ عرب امارات کے شہر دبئی میں دنیا کے سب سے بلند ہوٹل ’سیل دبئی میرینا‘ کا افتتاح ہوا، جس نے اپنی ریکارڈ ساز بلندی اور شاندار پینورامک ویوز کے باعث عالمی میڈیا کی بھرپور توجہ حاصل کرلی ہے۔
لندن کے ایک گروپ کے ڈیزائن کردہ اس ہوٹل کی بلندی 1,236.88 فٹ ہے، جو اسے دنیا بھر کے ہوٹلوں میں منفرد مقام دلاتی ہے۔ اس بلند و بالا عمارت سے دبئی میرینا، پام جمیرا اور عرب خلیج کے دلکش اور مسحور کن نظارے دیکھے جاسکتے ہیں۔
یہ بھی پڑھیے: پاکستان کا روزویلٹ ہوٹل کی ازسرِنو ترقی کے منصوبے میں ایک ارب ڈالر مالیت کا ہدف
پروجیکٹ کے سی ای او روب برنز نے انکشاف کیا کہ عمارت کی تعمیر کا مقصد کچھ شاندار تخلیق کرنا تھا، تاہم ابتدا میں اسے دنیا کا سب سے بلند ہوٹل بنانے کا ارادہ نہیں تھا۔ ان کے مطابق وہ ایک منفرد اور خوبصورت عمارت تعمیر کرنا چاہتے تھے، لیکن اس کی بلندی نے اسے غیر ارادی طور پر ایک عالمی ریکارڈ بنا دیا۔
سیل دبئی میرینا کی 82 منزلہ عمارت اپنی شیشے کی چمکتی دیواروں اور منفرد ساخت کی وجہ سے خاص توجہ کا مرکز ہے۔ عمارت کے اوپری حصے میں موجود بڑا کھلا ہوا حصہ، جسے ‘آئی آف دی نیڈل’ کہا جاتا ہے، نہ صرف خوبصورتی میں اضافہ کرتا ہے بلکہ اس کا عملی فائدہ بھی ہے، کیونکہ یہ ہوا کو گزرنے کی اجازت دے کر عمارت پر پڑنے والے دباؤ کو کم کرتا ہے۔
یہ بھی پڑھیے: برج خلیفہ کے بعد سب سے اونچا ہوٹل بھی دبئی میں، عمارت کتنی منزلہ اور کیا کیا سہولیات ہوں گی؟
اس کے اندر روشن مرکزی ایٹریئم، وسیع کھڑکیاں، اور جدید طرز کا داخلی ماحول مہمانوں کو ایک منفرد تجربہ فراہم کرتا ہے۔
ہوٹل کے اندر 8 اعلیٰ معیار کے ریستوران، 3 سوئمنگ پولز جن میں 76ویں منزل کا شاندار انفینٹی پول بھی شامل ہے، فٹنس سینٹر، بزنس سینٹر، اور مہمانوں کے لیے مختلف سماجی و تفریحی مقامات بھی موجود ہیں۔ یہ سب سہولیات اسے دبئی کے سب سے پُرکشش اور منفرد ہوٹلوں میں شامل کرتی ہیں۔
یہ بھی پڑھیے: اسلام آباد میں رمضان کی بیسٹ اور کم قیمت فوڈ ڈیلز کہاں کہاں دستیاب ہیں؟
اگرچہ ہوٹل نے 15 نومبر کو اپنا افتتاح کیا تھا، لیکن اس کے 1,004 کمروں میں سے 804 کمرے پہلے ہی بک ہوچکے ہیں، جو اس کی مقبولیت کا منہ بولتا ثبوت ہے۔ کمرہ کرایوں کے مطابق ڈیلکس روم کی قیمت 375 ڈالر یعنی تقریباً 1 لاکھ 5 ہزار پاکستانی روپے فی رات ہے، جبکہ کنگ سوئٹ کی قیمت 545 ڈالر، یعنی تقریباً 1 لاکھ 53 ہزار پاکستانی روپے فی رات تک ہے۔
سیل دبئی میرینا نہ صرف دبئی کی اسکائی لائن میں ایک نیا اضافہ ہے بلکہ اپنی ریکارڈ ساز بلندی، جدید ڈیزائن اور شان دار سہولیات کے باعث عالمی سطح پر بھی ایک منفرد مقام حاصل کرچکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلند ترین ہوٹل دبئی عمارت قیمت ہوٹل.ذریعہ: WE News
کلیدی لفظ: بلند ترین ہوٹل ہوٹل
پڑھیں:
’چہرہ خوبصورت اور ہونٹ مشین گن جیسے‘، ڈونلڈ ٹرمپ کی اپنی پریس سیکرٹری کی منفرد انداز میں تعریف
امریکی صدر ڈونلڈ ٹرمپ نے پینسلوینیا میں انتخابی ریلی سے خطاب کے دوران اپنی پریس سیکرٹری کیرولین لیویٹ کی شکل و صورت اور اندازِ گفتگو کی غیر معمولی تعریف کی جو سوشل میڈیا پر موضوع بحث بن گئی۔
79 سالہ ٹرمپ اپنی انتظامیہ کی معاشی کامیابیوں پر بات کر رہے تھے جب وہ موضوع سے ہٹ کر 28 سالہ پریس سیکرٹری کی تعریفوں کے پل باندھنے لگے۔ ریلی کے شرکا سے خطاب کرتے ہوئے انہوں نے کہا کہ ہم آج اپنی سپر اسٹار کیرولین کو ساتھ لائے ہیں کیا وہ زبردست نہیں ہے؟
یہ بھی پڑھیں: ٹرمپ کی اطالوی وزیراعظم سے فلرٹ کی کوششیں، میلونی نے زبردستی ہاتھ چھڑا لیا، ویڈیوز وائرل
پھر انہوں نے لیویٹ کی جسمانی خوبصورتی اور اعتماد کی تعریف کی جو ان سے پچاس سال سے زیادہ کم عمر ہیں۔ ٹرمپ نے کہا ’جب وہ ٹیلی ویژن پر جاتی ہے فاکس پر یعنی وہ حاوی ہو جاتی ہیں جب وہ اس خوبصورت چہرے اور ان لبوں کے ساتھ سامنے آتی ہیں جو رکتے نہیں ایک چھوٹی مشین گن کی طرح‘۔ اس دوران انہوں نے عجیب و غریب آوازیں بھی نکالیں۔
Trump praised Karoline Leavitt: ‘When she goes on FOX, she dominates her lips go bop bop bop like a little machine gun, and she fears nothing because we have the right policy.’ pic.twitter.com/3rzHAWBAdP
— ????????RA???????? (@RanaAmjad583030) December 10, 2025
ٹرمپ کا کہنا تھا کہ لیویٹ کو اپنی پوزیشن میں بے خوفی سے کام اس لیے کرنا پڑتا ہے کیونکہ ان کی انتظامیہ کی پالیسیاں ’واضح اور درست‘ ہیں جن میں خواتین کے کھیلوں میں مردوں کی شرکت کی مخالفت اور سرحدوں پر سختی شامل ہے۔ انہوں نے مزید کہا کہ وہ مخالف فریق کے پریس سیکرٹری بننے کا تصور بھی نہیں کرسکتے۔
واضح رہے کہ ٹرمپ اس سے قبل بھی اگست میں نیوز میکس کو دیے گئے انٹرویو میں لیویٹ کی تعریف کرتے ہوئے ان کے چہرے، ذہانت اور مشین گن کی طرح ہلنے والے لبوں کا ذکر کر چکے ہیں۔
یہ بھی پڑھیں: ’ہونٹ نہیں، مشین گن ہیں‘، امریکی صدر ڈونلڈ ٹرمپ کا وائٹ ہاؤس سیکرٹری سے متعلق عجیب بیان
کیرولین لیویٹ 2019 سے 2021 تک ٹرمپ کی پہلی انتظامیہ میں اسسٹنٹ پریس سیکرٹری رہ چکی ہیں۔ نیو ہیمپشائر سے تعلق رکھنے والی لیویٹ رئیل اسٹیٹ ڈویلپر نکولس ریسّیو کی اہلیہ اور ایک بیٹے نیکو کی والدہ ہیں۔ وہ کانگریس کے لیے ناکام انتخابی مہم کے بعد جنوری میں دوبارہ وائٹ ہاؤس لوٹیں اور امریکی تاریخ کی کم عمر ترین پریس سیکرٹری بن گئیں۔ وہ ٹرمپ کے دوسرے دورِ صدارت میں خدمات انجام دینے والی پہلی اور مجموعی طور پر پانچویں پریس سیکرٹری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ کیرولین لیویٹ
سال 2025 کی آخری ملک گیر انسدادِ پولیو مہم کا افتتاح