خاتون ڈی ایس پی کا بزنس مین سے محبت کا ڈھونگ؛ کروڑوں ہتھیالیے؛ ہوٹل بھی نام کرالیا
اشاعت کی تاریخ: 10th, December 2025 GMT
بھارت میں جواں سال خوبصورت خاتون پولیس افسر نے ایک تگڑے بزنس مین کو اپنی محبت کے جال میں ایسا پھانسا جس میں وہ بے چارا اپنے کروڑوں روپوں کا نقصان کرا بیٹھا۔
بھارتی میڈیا کے مطابق اپنی نوعیت کا یہ حیران کن واقعہ بھارتی ریاست چھتیس گڑھ میں پیش آیا جہاں ایک خاتون پولیس افسر پھولن دیوی بن گئی۔
خاتون پولیس افسر نے پہلے تو بزنس مین کے ساتھ پینگیں بڑھائیں اور پھر اپنی محبت کا یقین دلا کر قیمتی زیورات اور نقدی کے ساتھ ساتھ ایک ہوٹل بھی اپنے نام کروا لیا۔
تاہم خاتون کے اچانک غائب ہونے پر بزنس مین دیپک ٹنڈن کے لیے نئی پریشانی کھڑی ہوگئی اور انھوں نے تھانے میں شکایت درج کرائی۔
یہ خاتون افسر رائے پور میں ڈی ایس پی ہیں اور ان کا نام کلپنا ورما ہے۔ جن پر بزنس مین نے 2 کروڑ روپے نقد، ہیرے کی انگوٹھی، سونے کے زیورات، گاڑی اور رائے پور کا ہوٹل کا اپنے نام کروایا۔
ادھر ڈی ایس پی کلپنا ورما نے الزامات کو جھوٹا قرار دیتے ہوئے کہا کہ کاروباری تنازع کی وجہ سے مجھے نشانہ بنایا جا رہا ہے۔
پولیس نے رپورٹ درج کرکے تفتیش کا آغاز کردیا لیکن تاحال ایف آئی آر درج نہیں کی گئی۔
.
ذریعہ: Express News
پڑھیں:
خاتون کرکٹر نے منگیتر سے شادی نہ کرنے کا فیصلہ کرلیا، پروپوزل ویڈیو سمیت تمام تصاویر ڈیلیٹ کردیں
بھارتی خاتون کرکٹر سمریتی مندھنا نے اپنے منگیتر پلاش موچل سے شادی پہلے موخر کی لیکن اب شادی نہ کرنے کا فیصلہ کرتے ہوئے منگنی کی پروپوزل ویڈیو سمیت وہ تمام تصاویر ڈیلیٹ کردیں جن میں ان کے منگیتر نظر آ رہے تھے۔
بھارتی کرکٹر سمریتی مندھنا اور میوزک کمپوزر پلاش موچل کی شادی 24 نومبر 2025 کو ہونا تھی، تاہم شادی سے چند گھنٹے قبل ہی سمریتی کے والد کی طبیعت بگڑنے اور اسپتال منتقل ہونے کے باعث تقریب ملتوی کر دی گئی۔
اگلے روز پلاش موچل بھی سینے میں تکلیف اور سانس لینے میں دشواری کے باعث اسپتال پہنچ گئے۔
چند روز تک اس بات کی شدید بحث جاری رہی کہ شادی ہو گی یا نہیں، لیکن اتوار کے روز دونوں نے اپنے بیانات کے ذریعے واضح کر دیا کہ اب شادی منسوخ کر دی گئی ہے۔
منگیتر نے پروپوزل ویڈیو اور ورلڈ کپ جیت کی کلپ بھی ڈیلیٹ کر دیشادی منسوخی کے اعلان کے بعد دونوں نے پہلے ایک دوسرے کو سوشل میڈیا پر ان فالو کیا۔
سمریتی مندھنا نے اپنے اکاؤنٹس سے شادی اور پری ویڈنگ تقریبات سے متعلق تمام تصاویر اور ویڈیوز بھی ہٹا دیں۔
اب پلاش موچل نے بھی وہ تمام پوسٹس ڈیلیٹ کرنا شروع کر دی ہیں جن میں وہ سمریتی کے ساتھ نظر آتے ہیں، جن میں پروپوزل ویڈیو اور ویمنز کرکٹ ورلڈ کپ جیت کے جشن کا کلپ بھی شامل ہے۔ تاہم ان کے اکاؤنٹس پر کچھ ایسی پوسٹس اب بھی موجود ہیں جن پر عوام کی جانب سے شدید تنقیدی تبصرے کیے جا رہے ہیں۔
پلاش موچل کا مؤقفپلاش موچل نے اتوار کے روز جاری کردہ بیان میں لکھا کہ میں نے اپنی زندگی میں آگے بڑھنے اور اپنے ذاتی تعلقات سے پیچھے ہٹنے کا فیصلہ کیا ہے۔
انہوں نے سوشل میڈیا پر پھیلنے والی افواہوں پر افسوس کا اظہار کرتے ہوئے کہا کہ میرے لیے یہ بہت تکلیف دہ رہا کہ لوگ بغیر کسی بنیاد کے افواہوں پر فوری ردعمل ظاہر کرتے ہیں۔ یہ میری زندگی کا مشکل ترین دور ہے، لیکن میں اسے وقار کے ساتھ قبول کروں گا۔ امید ہے کہ بطور معاشرہ ہم غیر مصدقہ خبروں پر فیصلہ صادر کرنے سے پہلے رُکنا سیکھیں گے۔
سمریتی مندھنا کا بیاندوسری طرف سمریتی مندھنا نے بھی اپنے بیان میں شادی منسوخ ہونے کی تصدیق کرتے ہوئے کہا کہ گزشتہ چند ہفتوں میں میری زندگی سے متعلق بہت سی قیاس آرائیاں ہوئیں، اور اب ضروری ہے کہ میں واضح کروں کہ شادی منسوخ کر دی گئی ہے۔
میں ایک پرائیویٹ زندگی گزارنے والی انسان ہوں اور چاہتی ہوں کہ اس معاملے کو یہیں ختم کر دیا جائے۔
انہوں نے مزید لکھا کہ آپ سب سے گزارش ہے کہ دونوں خاندانوں کی پرائیویسی کا احترام کریں اور ہمیں اپنے طور پر آگے بڑھنے دیں۔
اپنے کیریئر کے حوالے سے سمریتی نے کہا کہ میری زندگی کا مقصد ہمیشہ اپنے ملک کی نمائندگی کرنا رہا ہے۔ میں بھارت کے لیے کھیلتی رہوں اور مزید ٹرافیاں جیتوں۔ یہی میرا فوکس ہے۔
آپ سب کی محبت اور حمایت کا شکریہ۔ اب آگے بڑھنے کا وقت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی خاتون کرکٹر سمریتی مندھنا
رشتوں کا انتخاب