بیرون ملک بھجوانے کا جھانسہ دے کر انسانی اسمگلنگ اور ویزا فراڈ میں ملوث 5 ایجنٹ گرفتار
اشاعت کی تاریخ: 9th, January 2025 GMT
فیڈرل انویسٹیگیشن ایجنسی (ایف آئی اے) گوجرانوالہ نے بیرون ملک بھجوانے کے نام پر انسانی اسمگلنگ اور ویزا فراڈ میں ملوث 5 ایجنٹوں کو گرفتار کرلیا۔
ایف آئی اے گوجرانوالہ زون نے انسانی اسمگلنگ اور ویزا فراڈ میں ملوث فاروق عادل، نزاکت علی، محمد آصف، محمد ارسلان اورعدنان علی کو گرفتار کرلیا۔ ملزمان کو گوجرانوالہ اور گجرات کے مختلف علاقوں سے گرفتار کیا گیا۔ملزمان سادہ لوح شہریوں کو غیر قانونی طور بیرون ملک بھجوانے میں بھی ملوث پائے گئے۔
ملزم نزاکت علی نے سادہ لوح شہریوں کو غیر قانونی لیبیا اور یورپ بھجوانے کے نام پر 50 لاکھ روپے بٹورے جبکہ ملزم محمد فاروق عادل نے متاثرہ شخص کو رومانیہ ملازمت کا جھانسہ دے کر 14 لاکھ 50 ہزار روپے بٹورے۔
ملزم محمد آصف نے شہری سے کرغستان ملازمت کا جھانسہ دے کر 11 لاکھ روپے بٹورے اور ملزم محمد ارسلان نے شہری کو کویت ملازمت کا جھانسہ دے کر 10 لاکھ 30 ہزار روپے ہتھیائے۔ ملزم عدنان علی نے شہری کو اٹلی ملازمت کی غرض بھجوانے کے نام پر 13 لاکھ بٹورے۔ ملزمان ایک کروڑکے قریب بھاری رقوم وصول کر کے روپوش ہو گئے تھے۔ ملزمان کو گرفتار کر کے تفتیش کا آغاز کر دیا گیا۔
دیگر ملزمان کی گرفتاری کے لئے چھاپے مارے جا رہے ہیں۔ ڈائریکٹر گجرانوالہ زون کا کہنا ہے کہ ملزمان کی گرفتاری کے لئے تمام تر وسائل کو بروئے کار لایا جا رہا ہے۔ انٹلیجنس بنیادوں پر انسانی اسمگلروں کے خلاف کاروائیاں جاری ہیں۔ ٹھوس شواہد کی روشنی میں ملزمان کو قرار واقعی سزائیں دلوائیں گے۔
.ذریعہ: Express News
پڑھیں:
حیدرآباد: ’ڈیجیٹل گرفتاری‘ کے نام پر شہری سے 51 لاکھ روپے کا فراڈ
بھارت کے شہر حیدر آباد میں سائبر جرائم پیشہ افراد نے 78 سالہ ریٹائرڈ سرکاری ملازم کو ’ڈیجیٹل گرفتاری‘ کے جال میں پھنسا کر 51 لاکھ روپے سے محروم کر دیا۔
پولیس کے مطابق، متاثرہ شہری کو ایک جعلساز نے ممبئی کرائم برانچ کے اے سی پی بن کر فون کیا اور بتایا کہ اس کا موبائل نمبر بم دھماکوں اور اغوا کے کیسز میں استعمال ہوا ہے۔
مزید پڑھیں: امریکا اور ہالینڈ کا پاکستان میں فعال سائبر جرائم میں ملوث نیٹ ورک ’تباہ‘ کرنے کا دعویٰ
ملزم نے ویڈیو کال کے ذریعے متاثرہ شخص کو ’آن لائن حراست‘ میں رکھا، کسی سے رابطہ کرنے کی اجازت نہیں دی اور بینک تفصیلات حاصل کر لیں۔
دھمکی دی گئی کہ اگر وہ اپنے اکاؤنٹ کی 95 فیصد رقم منتقل نہیں کرے گا تو اس کے خلاف کارروائی ہوگی۔ خوف کے باعث شہری نے رقم منتقل کر دی، بعد میں اسے معلوم ہوا کہ وہ دھوکے کا شکار ہوا ہے۔
مزید پڑھیں: پاکستان میں غیر ملکی نیٹ ورک کی سمز کیخلاف کریک ڈاؤن کیوں؟
پولیس نے مقدمہ درج کرکے تحقیقات شروع کر دی ہیں۔ یہ ایک ہفتے میں دوسرا واقعہ ہے، اس سے قبل ایک 73 سالہ خاتون سے بھی 1.43 کروڑ روپے لوٹ لیے گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حیدرآباد ڈیجیٹل گرفتاری سائبر جرائم پیشہ افراد
وزیراعلیٰ سندھ نے کراچی میں ٹریفک خلاف ورزیوں پر ای چالان سسٹم کا افتتاح کردیا