کچے کے ڈاکوؤں نے کراچی کے 3 نوجوان کو جھانسہ دیکراغوا کرلیا، 60 لاکھ تاوان طلب
اشاعت کی تاریخ: 13th, January 2025 GMT
کراچی:
ڈسٹرکٹ سینٹرل کے علاقے رضویہ سوسائٹی وحیدہ آباد کے رہائشی 2 سگے بھائیوں سمیت 3 نوجوانوں کو گھوٹکی کے ڈاکوؤں نے دھوکے سے بلا کر اغوا کرلیا اور ان کی رہائی کے عوض 60 لاکھ روپے تاوان کا مطالبہ کر دیا۔ گورنر سندھ کامران ٹیسوری نے بھی واقعہ کا نوٹس لے لیا۔
تینوں مغوی آن لائن ڈرائی کلیننگ کا کام کرتے ہیں، ان کی زنجیر سے جکڑی ہوئی ویڈیو بھی منظر عام پر آگئی جس میں وہ اہلخانہ سے رقم کے بندوبست کرنے کی فریاد کرتے ہوئے سنائی دیے ، رضویہ سوسائٹی پولیس نے واقعہ کا مقدمہ اغوا برائے تاوان کی دفعہ کے تحت مغوی سگے بھائیوں کے چچا نعمان کی مدعیت میں درج کرلیا جسے بعدازاں تفتیش کے لیے اینٹی وائلنٹ کرائم سیل پولیس کے حوالے کر دیا گیا۔
رضویہ پولیس کے مطابق مدعی مقدمہ نعمان نے بتایا کہ وہ رکشا ڈرائیور ہے، میرا بھتیجا 24 سالہ اویس، اس کا چھوٹا بھائی اور دوست 20 سالہ انس ’پرفیکٹ چوائس ‘ کے نام سے آن لائن فیس بک پر پیج بنا کر ڈرائی کلینگ کا کام کرتے ہیں جس میں گھروں کی صفائی ستھرائی ، صوفے اور قالین وغیرہ واش کرتے ہیں۔
مدعی کے مطابق 2 جنوری کو میرے بھتیجے اویس کو آن لائن صوفے اور قالین کی کلیننگ کے کام کا آرڈرگھوٹکی سندھ سے بک ہوا جس پر اویس نے اپنی والدہ سے بات چیت کی اسی تاریخ کو میرے دونوں بھتیجے اور ان کے دوست کو گھوٹکی جانے والی بس میں رات ڈھائی بجے کے قریب بیٹھا کر روانہ کر دیا۔
مدعی کے مطابق میرے بھتیجے اور ان کا دوست جیسے ہی گھوٹکی سندھ پہنچے تو اویس نے موبائل فون سے والدہ سے رابطہ کیا اور کہا کہ یہ لوگ مجھ ٹھیک نہیں لگ رہے جس پر ان کی والدہ نے انھیں دلاسہ دیا اور کچھ دیر کے بعد اویس کے دونوں فون نمبر بند ہوگئے۔
بعدازاں 3 جنوری کو دوپہر چار بجے اویس نے اپنے موبائل فون سے رابطہ کیا اور مجھے کہا کہ چاچو یہ ڈاکو ہیں اور ایک بندے کے 20 لاکھ اور تینوں کے 60 لاکھ روپے مانگ رہے ہیں، اسی دوران اویس سے ایک شخص نامعلوم نے فون لیا اور کہا کہ 60 لاکھ روپے انتظام کرو پھر یہ تینوں بچے آپکو ملیں گے۔
مدعی کے مطابق اس شخص نے 2 دن کا وقت دیا اس کے بعد نامعلوم شخص نے اویس کے موبائل فون نمبر سے بذریعہ واٹس ایپ اویس ، اس کے بھائی اور دوست انس کی ویڈیو بنا کر بھیجی جس میں تینوں بچوں کی ٹانگوں کو زنجیر سے باندھا ہوا تھا اور تینوں بچے کہہ رہے تھے آپ پیسوں کا انتظام کرلو نہیں تو یہ لوگ ہمیں جان سے مار دیں گے۔
اس کے بعد اویس کے موبائل فون نمبر سے ایک موبائل فون نمبر 03278403503 نمبر موصول ہوا اور کہا گیا کہ اس نمبر پر بیلنس لوڈ کراؤ ، مدعی کے مطابق نامعلوم شخص نے اتوار اور پیر کا وقت دیا ہے جس پر ہم بہت گھبرا گئے جس کے بعد میں اویس کی والد اور انس کی بہن کے ہمراہ تھانے آیا ہوں۔
میرا دعویٰ ملزم یا ملزمان اسم سکونت نامعلوم پر میرے دونوں بھتیجوں اور ان کے دوست کو صوفہ اور قالین کی صفائی کا جھانسہ دے کر گھوٹکی سندھ بلا کر اغوا کر کے تاوان طلب کرنے کا ہے لہٰذا ملزمان کے خلاف قانونی کارروائی عمل میں لائی جائے جس پر رضویہ پولیس نے نعمان کی مدعیت میں مقدمہ نمبر 14 سال 2025 بجرم دفعہ 365 اے کے تحت درج کر کے مزید تحقیقات کے لیے اینٹی وائلنٹ کرائم سیل پولیس کے حوالے کر دیا جو واقعہ کی مزید تحقیقات کر رہی ہے۔
.ذریعہ: Express News
کلیدی لفظ: مدعی کے مطابق موبائل فون فون نمبر اور ان کر دیا کے بعد
پڑھیں:
2.7 فیصد جی ڈی پی گروتھ بھی شرمندگی والا نمبر ہے، مزمل اسلم
مشیر خزانہ خیبر پختونخواخیبر پختونخوا کے مشیر خزانہ مزمل اسلم نے کہا ہے کہ حکومت کے مطابق سال کے اختتام پر جی ڈی پی گروتھ 2.7 فیصد ہے، پچھلے سال حکومت نے 3.6 فیصد جی ڈی پی گروتھ کا ہدف رکھا تھا، 2.7 فیصد جی ڈی پی گروتھ بھی شرمندگی والا نمبر ہے۔
ایک بیان میں مشیر خزانہ خیبر پختونخوا نے کہا کہ 2022 میں پی ٹی آئی حکومت کے اختتام پر شرح نمو 6.4 فیصد تھی، آبادی ڈھائی فیصد بڑھ رہی ہے۔ شرح نمو تین سال سے اوسط ڈیڑھ فیصد ہے۔
مزمل اسلم نے کہا کہ اس سال عید پر پہلی بار 30 فیصد مال مویشی کراچی سے واپس گئے، مہنگائی کی شرح کم کرنے میں بھی جھوٹ بولا گیا، زیادہ ٹیکسز کی وجہ سے عوام کی قوت خرید کم ہوگئی۔
وزیر خزانہ نے کہا کہ رواں مالی سال جی ڈی پی گروتھ 2.7 فیصد رہی، ہم استحکام کی طرف گامزن ہیں۔
انہوں نے کہا کہ گندم، گنا، چاول اور مکئی سمیت سب گرواٹ کا شکار ہیں، وفاقی حکومت خود کہہ رہی ہے کہ بڑی صنعتوں میں 1.5 فیصد کمی ہوئی۔
مزمل اسلم نے مزید کہا کہ ملک میں کور انفلیشن اب بھی 11.6 فیصد ہے۔
مشیر خزانہ خیبر پختونخوا نے کہا کہ پی ٹی آئی حکومت کے اختتام پر ملک کا قرض 43 ہزار 500 ارب روپے تھا، پی ڈی ایم حکومت کے بعد ملک کا قرض 75ہزار ارب روپے ہو چکا ہے۔
بنارس کی تاریخی اور مسلم اکثریتی بازار کے انہدام پر کورٹ سے راحت