تعلقات ختم کرنے سے انکار پر بوائے فرینڈ قتل؛ لڑکی کو سزائے موت
اشاعت کی تاریخ: 20th, January 2025 GMT
بھارت کی ریاست کیرالہ میں اپنے بوائے فرینڈ کو زہر دے کر قتل کرنے کی مجرمہ کو موت کی سزا سنا دی گئی ہے۔
کیرالہ سے تعلق رکھنے والی گریشما پر الزام تھا کہ 2022 میں اس نے اپنے بوائے فرینڈ کو جڑی بوٹیوں سے بنی دوا میں زہر ملا کر دیا تھا۔
بھارتی میڈیا کے مطابق 24 سالہ گریشما اپنے بوائے فرینڈ شیرون راج سے تعلقات ختم کرنا چاہتی تھی لیکن اس کے انکار پر چھٹکارا حاصل کرنے کےلیے اس نے قتل کا منصوبہ بنایا۔
مقامی عدالت میں گزشتہ ہفتے گریشما اور اس کے چچا کو 23 سالہ شیرون راج کے قتل کا مجرم قرار دیا گیا تھا۔
گریشما نے اپنی تعلیمی کامیابیوں، سابقہ مجرمانہ ریکارڈ نہ رکھنے اور اپنے والدین کی اکلوتی بیٹی ہونے کا حوالہ دے کر سزا میں نرمی کی درخواست کی تھی۔ لیکن عدالت نے قرار دیا کہ جرم کی سنگینی سے زیادہ ملزم کی عمر پر غور کرنے کی ضرورت نہیں ہے۔
عدالت نے کہا کہ استغاثہ نے جرم ثابت کرنے کے لیے حالات، ڈیجیٹل اور سائنسی ثبوتوں پر انحصار کیا۔
کیس کی تفصیلات کے مطابق گریشما نے اپنے بوائے فرینڈ کو جڑی بوٹیوں سے بنے ٹانک کے ساتھ زہر دیا تھا، جسے پینے کے 11 دن بعد وہ متعدد اعضاء ختم ہونے کے باعث ہلاک ہوگیا تھا۔ گریشما نے اس قتل کی منصوبہ بندی کی تھی کیونکہ راج نے تمل ناڈو کے ایک فوجی کے ساتھ اس کی شادی طے پانے کے بعد ان کا تعلق ختم کرنے سے انکار کردیا تھا۔
حکام کے مطابق گریشما نے اس سے پہلے بھی پھلوں کے جوس میں گولیاں ملا کر راج کو زہر دینے کی کوشش کی تھی لیکن اس کے کڑوے ذائقے کی وجہ سے اسے پینے سے انکار کرنے کے بعد وہ ایسا کرنے میں ناکام رہی تھی۔
ترواننت پورم ضلع کے علاقے پارسالا کا رہائشی 23 سالہ شیرون راج، بی ایس سی ریڈیالوجی کا طالب علم تھا۔
گریشما کو تعزیرات ہند کی مختلف دفعات کے تحت قتل سمیت مختلف جرائم کا قصوروار پایا گیا، جبکہ اس کے چچا نرمل کمار نائر کو ثبوت کو ضائع کرنے کا قصوروار پایا گیا۔ ملزمہ کی والدہ کو بھی حراست میں لیا گیا تھا، تاہم عدم ثبوت کی بنا پر بری کردیا گیا۔
ذریعہ: Express News
پڑھیں:
امریکا کا یوٹرن‘ یوکرین کو ٹوماہاک میزائل دینے سے انکار
data-id="863a0a8" data-element_type="widget" data-widget_type="theme-post-content.default">
251104-06-10
واشنگٹن (انٹرنیشنل ڈیسک) امریکی صدر ڈونلڈ ٹرمپ کا کہنا ہے کہ فی الحال یوکرین کو ٹوماہاک میزائل نہیں دیے جائیں گے۔ ٹرمپ نے کہا کہ وہ فی الحال ایسا کوئی معاہدہ کرنے پر غور نہیں کر رہے، جس کے تحت یوکرین کو روس کے خلاف استعمال کے لیے طویل فاصلے تک مار کرنے والے ٹوماہاک میزائل حاصل ہو سکیں۔منصوبہ یہ تھا کہ امریکا ٹوماہاک میزائل ناٹو ممالک کو فروخت کرے گا اور وہ ممالک انہیں یوکرین منتقل کر سکیں گے، تاہم ٹرمپ نے اس منصوبے پر ٹھنڈا ردِعمل ظاہر کیا ہے۔ انہوں نے کہا کہ وہ جنگ میں شدت نہیں چاہتے۔ انہوں نے ائر فورس ون میں صحافیوں سے بات کرتے ہوئے یہ تبصرہ کیا جو اس بات کی نشان دہی کرتا ہے کہ وہ اب بھی اس معاملے میں ہچکچاہٹ کے شکار ہیں۔ جب ان سے پوچھا گیا کہ کیا وہ میزائل فروخت کے کسی معاہدے پر غور کر رہے ہیں تو ٹرمپ نے جواب دیاکہ فی الحال نہیں۔ انہوں نے مزید کہا کہ میرا خیال بدل بھی سکتا ہے۔ یاد رہے کہ ٹرمپ اور ناٹو کے سیکریٹری جنرل مارک روٹے نے 22 اکتوبر کو وائٹ ہاؤس میں ملاقات کے دوران ٹوماہاک میزائل کے منصوبے پر بات چیت کی تھی۔ روٹے نے جمعہ کے روز کہا کہ یہ معاملہ زیرِ غور ہے اور فیصلہ کرنا امریکا کے اختیار میں ہے۔ٹوماہاک میزائل کی مار تقریباً ڈھائی ہزار کلومیٹر تک ہے، جو روس کے اندر گہرائی تک، بشمول ماسکو، ہدف کو نشانہ بنانے کے لیے کافی ہے۔ یوکرین کے صدر ولودیمیر زیلینسکی نے ان میزائلوں کی فراہمی کی درخواست کی ہے، لیکن کریملن نے خبردار کیا ہے کہ یوکرین کو ٹوماہاک میزائل دیے جانے کے کسی بھی اقدام کے نتائج اچھے برآمد نہیں ہوں گے۔
پاکستان میں امریکی خام تیل کی پہلی تاریخی درآمد، توانائی کے شعبے میں نیا دور شروع