شہزادی مہرہ اور فرنچ مونٹانا کی بڑھتی قربتیں، سوشل میڈیا پر ہلچل
اشاعت کی تاریخ: 10th, July 2025 GMT
دبئی کی شہزادی شیخہ مہرہ اور ریپر فرنچ مونٹانا کے درمیان قربتوں کی خبریں گردش کررہی ہیں، پیرس فیشن ویک میں دونوں ہاتھوں میں ہاتھ ڈالے نظر آئے۔
مراکشی نژاد امریکی ریپر فرنچ مونٹانا اور دبئی کی شہزادی شیخہ مہرہ (جو Xtianna کے نام سے بھی جانی جاتی ہیں) کے درمیان دوستی سے بڑھ کر تعلقات کی افواہیں شدت اختیار کر گئیں ہیں، دونوں کو پیرس فیشن ویک کے دوران ایک ساتھ ہاتھوں میں ہاتھ ڈالے دیکھا گیا۔
دونوں کی مشترکہ موجودگی اور انسٹاگرام پر اشاروں میں محبت کے اظہار نے سوشل میڈیا پر طوفان برپا کر دیا ہے۔
View this post on InstagramA post shared by Nukta Dubai (@nuktadubai)
شیخہ مہرہ نے انسٹاگرام اسٹوری میں ایک تصویر شیئر کی جس میں دو ہاتھ ایک تالے کو تھامے ہوئے ہیں اور اس پر دل والا اسٹیکر چسپاں ہے اور یہ تصویر پیرس کے مشہور لوو لاک برج (Pont des Arts) پر لی گئی ہے اور تصویر میں سامنے ایفل ٹاور بھی نظر آرہا ہے، اس پوسٹ سے شہزادی نے گویا اپنے تعلق کو جذباتی انداز میں ظاہر کیا ہے، جس سے شائقین نے ان کے ممکنہ رشتے کی تصدیق کا اندازہ لگایا۔
یہ پہلا موقع نہیں جب یہ جوڑی ایک ساتھ دیکھی گئی ہو، گزشتہ برس دبئی کے لگژری فور سیرنز ریزورٹ میں دونوں کی تصاویر وائرل ہوئیں، اس کے علاوہ صحرا میں ایک آؤٹنگ کے دوران فرنچ مونٹانا کو روایتی اماراتی لباس میں دیکھا گیا۔
واضح رہے کہ شیخہ مہرہ کی شادی شیخ مانع آل مکتوم سے اپریل 2023ء میں ہوئی تھی، جو جولائی 2024ء میں طلاق پر ختم ہوگئی، مہرہ نے انسٹاگرام پر طلاق کا اعلان کرتے ہوئے شوہر کی بےوفائی کو وجہ قرار دیا۔
اس کے بعد شہزادی نے Divorce کے نام سے ایک منفرد خوشبو برانڈ متعارف کروایا، جس کی قیمت 272 امریکی ڈالر رکھی گئی، اس پرفیوم لائن نے بین الاقوامی شہرت حاصل کی۔
فرنچ مونٹانا کا اصل نام کریم خربوش ہے، وہ مشہور گانوں Unforgettable اور No Stylist سے عالمی شہرت حاصل کر چکے ہیں، وہ افریقہ اور مشرق وسطیٰ میں فلاحی منصوبوں جیسے تعلیم اور صحت کی سہولیات کی فراہمی میں بھی بڑھ چڑھ کر حصہ لیتے رہے ہیں۔
اگرچہ دونوں نے باضابطہ طور پر تعلق کی تصدیق نہیں کی، لیکن میڈیا رپورٹس میں ذرائع کے حوالے سے کہا جارہا ہے کہ دونوں کے درمیان قریبی اور سنجیدہ تعلقات قائم ہیں۔
Post Views: 2.ذریعہ: Daily Mumtaz
کلیدی لفظ: فرنچ مونٹانا
پڑھیں:
شہزادی شیخہ اسما ‘ پاکستان کی خطرناک چوٹی نانگا پربت سر کرنے والی پہلی قطری خاتون بن گئیں
اسلام آباد(نوائے وقت رپورٹ) قطری شہزادی شیخہ اسما آل ثانی پاکستان کی خطرناک اور 8,126 میٹر بلند پہاڑی چوٹی نانگا پربت سر کرنے والی پہلی قطری خاتون بن گئیں۔شیخہ اسما نے شدید موسم، برفانی طوفان اور دشوار گزار راستوں کے باوجود نانگا پربت، جسے "قاتل پہاڑ" کے نام سے جانا جاتا ہے کی چوٹی پر قومی پرچم لہرایا۔ ان کا یہ کارنامہ نہ صرف کوہ پیمائی کی دنیا میں ایک نمایاں کامیابی ہے بلکہ عالمی سطح پر خواتین کو بااختیار بنانے کی تحریک میں بھی ایک روشن مثال کے طور پر دیکھا جا رہا ہے۔شیخہ اسما کا یہ کارنامہ اْن کی 14 بلند ترین چوٹیوں کی مہم میں نواں کامیاب مرحلہ ہے، نانگا پربت کی فتح کے ساتھ شیخہ اسما عالمی کوہ پیماؤں کی صف میں نمایاں ہو گئیں۔
روس کا یوکرین پر سب سے بڑا ڈرون حملہ، میزائل بھی فائر کیے