سربراہ ٹڈاپ کے استعفیٰ سے ہلچل، حکومت منظور نہ کرے ،بزنس کمیونٹی کا مطالبہ
اشاعت کی تاریخ: 24th, January 2025 GMT
کراچی (اوصاف نیوز) ٹریڈ اینڈ ڈویلپمنٹ اتھارٹی (ٹڈاپ) کے چیئرمین زبیر موتی والا کے استعفے نے کاروباری حلقوں میں شدید تشویش پیدا کر دی ہے۔ تاجر و صنعتکار برادری نے ان کے استعفیٰ کو ملکی برآمدات کے لئے نقصان دہ قرار دیتے ہوئے، وزیرِ اعظم اور وزیرِ تجارت سے مطالبہ کیا ہے کہ وہ زبیر موتی والا کا استعفیٰ مسترد کر دیں اور انہیں اپنے عہدے پر برقرار رکھیں۔
زبیر موتی والا نے گزشتہ روز ذاتی وجوہات کی بنا پر ٹڈاپ کے چیئرمین کے عہدے سے استعفیٰ دیا تھا، تاہم انہوں نے یہ بھی کہا کہ وزیرِ اعظم شہباز شریف، وزیرِ تجارت جام کمال اور ٹڈاپ کی ٹیم کے ساتھ ان کا تعاون جاری رہے گا۔
زبیر موتی والا کی قیادت میں ٹڈاپ نے متعدد کامیاب منصوبوں کی تکمیل کی جن میں فوڈ ایکسپو، TEXPO اور ویکس نیٹ نمائش شامل ہیں۔ ان نمائشوں نے نہ صرف پاکستانی مصنوعات کو عالمی سطح پر متعارف کرایا بلکہ پاکستان کی برآمدات میں بھی اضافہ کیا۔
ایسوسی ایشن آف بلڈرز اینڈ ڈویلپرز (آباد) کے سابق چیئرمین محمد حنیف گوہر نے کہا کہ زبیر موتی والا نے ٹڈاپ کے تحت پاکستان کی برآمدات کو نئی جہت دی ہے اور ان کی خدمات قابلِ قدر ہیں۔ انہوں نے مزید کہا کہ زبیر موتی والا کی قیادت میں ٹڈاپ نے پاکستان کی ٹیکسٹائل اور لیدر صنعت کو عالمی سطح پر فروغ دیا۔
محمد فاروق افضل، سی ای او آئی اینڈ ٹی گروپ نے وزیراعظم اور وزیرِ تجارت سے درخواست کی کہ وہ زبیر موتی والا کے استعفیٰ کو مسترد کریں اور انہیں اپنی مدت پوری کرنے کی ہدایت دیں۔
معروف بزنس مین منصور کادوانی نے بھی زبیر موتی والا کی اہمیت کو اجاگر کیا اور کہا کہ ان کے استعفیٰ سے پاکستانی برآمدات پر منفی اثرات مرتب ہو سکتے ہیں۔ ان کا کہنا تھا کہ ٹڈاپ اور زبیر موتی والا ایک دوسرے کے لئے لازم و ملزوم بن چکے ہیں۔
اس صورتحال میں بزنس کمیونٹی کی جانب سے زبیر موتی والا کے استعفیٰ کو واپس لینے کے مطالبات میں شدت آ گئی ہے اور امید کی جا رہی ہے کہ حکومت اس معاملے پر جلد فیصلہ کرے گی۔
.ذریعہ: Daily Ausaf
پڑھیں:
ڈی جی والڈ سٹی کامران لاشاری نے عہدے سے استعفیٰ دیدیا
لاہور(نیوز ڈیسک)ڈائریکٹر جنرل والڈ سٹی اتھارٹی کامران لاشاری نے عہدے سے استعفیٰ دیدیا، وزیراعلیٰ پنجاب کو بھیجے گئے استعفیٰ میں کہا ہے کہ کچھ ذاتی وجوہات کی وجہ سے ذمہ داری جاری نہیں رکھ سکتا۔
ڈی جی والڈ سٹی اتھارٹی کامران لاشاری عہدے سے مستعفی ہوگئے، انہوں نے اپنا استعفیٰ چیئر پرسن والڈ سٹی وزیراعلی پنجاب مریم نواز کو بھجوادیا۔
استعفیٰ میں کہا گیا ہے کہ میرے لئےعزت کی بات ہے کہ ڈی جی والڈ سٹی کی ذمہ دارایاں نبھائیں، میں نے پوری ایمانداری سے کوشش کی کہ کلچر کو فروغ دیا جائے، کلچر کے ذریعے دنیا کو پاکستان کا مثبت چہرہ دکھایا جائے۔
کامران لاشاری کا کہنا ہے کہ کچھ ذاتی وجوہات کی وجہ سے ذمہ داری جاری نہیں رکھ سکتا، بطور ڈی جی والڈ سٹی استعفیٰ منظور کیا جائے۔
تاہم ذرائع کا کہنا ہے کہ کامران لاشاری نے مغلیہ دور کے شاہی قلعہ، شالا مالار باغ سمیت تاریخی عمارتیں اثار قدیمہ کو واپس دینے پر استعفی دیا، شاہی قلعہ میں 1950ء کے رولز میں ترمیم کے بغیر میرج فنکشن استعفیٰ کی وجہ بنے۔
حکومت نے پی آئی اے کی نجکاری کا عمل دوبارہ شروع کردیا، پیشکشیں طلب
اداکارہ حرا مانی کی ہم شکل کی ویڈیو نے سوشل میڈیا پر تہلکہ مچا دیا