بین الاقوامی مقابلۂ حسنِ قرأت کا دوسرا روز، 12 قاری آج تلاوت پیش کریں گے
اشاعت کی تاریخ: 25th, November 2025 GMT
وزارتِ مذہبی امور و بین المذاہب ہم آہنگی کے زیرِ اہتمام پہلے بین الاقوامی مقابلۂ حسنِ قرأت کا دوسرا روز آج انتہائی روح پرور ماحول میں جاری ہے۔
دارالحکومت کے جناح کنونشن میں دنیا بھر سے آئے 12 ممتاز قاری اپنی خوبصورت آواز میں قرآنِ کریم کی تلاوت پیش کریں گے۔
مقابلے کے دوسرے دن مجموعی طور پر 2 گروپس تلاوت کریں گے۔
یہ بھی پڑھیں: حسن ابدال کی لائبریری میں محفوظ قرآن پاک کے نایاب نسخے
گروپ 3 میں لیبیا، آئیوری کوسٹ، نائجر، شام، عراق اور ازبکستان کے قاری حصہ لیں گے۔
جب کہ گروپ 4 میں مصر، نائجیریا، کرغزستان، سیرالیون، گنی اور پاکستان کے قاری تلاوت کی سعادت حاصل کریں گے۔
The Ministry of Religious Affairs extends a heartfelt welcome to all our distinguished guests participating in the first ever International Qirrat Competition.
— Ministry of Religious Affairs & Interfaith Harmony (@MORAisbOfficial) November 21, 2025
کل مقابلے کا تیسرا روز ہوگا جس میں گروپ 5 اور 6 کے شرکا اپنی قرات پیش کریں گے، جبکہ 27 نومبر کو سیمی فائنل اور فائنل کے مرحلے ہوں گے۔
مزید پڑھیں: 1500 سال پرانا قرآنی نسخہ، ایشیا کی دوسری بڑی لائبریری پاکستان کا فخر
بین الاقوامی مقابلۂ حسنِ قرأت کا یہ تاریخی ایونٹ نہ صرف پاکستان کے مذہبی وقار کو عالمی سطح پر اجاگر کرے گا بلکہ قرآنی تعلیمات اور روحانی اقدار کے فروغ میں بھی اہم کردار ادا کرے گا۔
وزارتی اعلامیے کے مطابق مقابلے کا بنیادی مقصد قرآنِ کریم کی ترویج، قرآنی علوم کی حوصلہ افزائی اور بین الاقوامی سطح پر حسنِ قرأت کے اعلیٰ معیارات کو فروغ دینا ہے۔
اسلامی تعاون تنظیم کے رکن ممالک سے تعلق رکھنے والے نامور قاری کے علاوہ دنیا بھر سے آنے والے شرکا کی کل تعداد 37 تک پہنچ چکی ہے۔
مزید پڑھیں:دعا اور قرآن پاک کی تلاوت سے کینسر پر مکمل قابو پایا، ونیزہ احمد کا انکشاف
24 سے 27 نومبر تک مختلف مراحل میں تلاوتوں کا جائزہ 4 بین الاقوامی ججز کی نگرانی میں لیا جائے گا۔
پاکستان کے معروف قاری سید صداقت علی چیف جج کے طور پر خدمات انجام دے رہے ہیں۔
مقابلے کے اختتام پر 29 نومبر کو ایک پروقار تقریب میں اول، دوم اور سوم پوزیشن حاصل کرنے والے قراء کرام کو انعامات سے نوازا جائے گا۔
نمایاں کارکردگی دکھانے والے قاری یکم دسمبر کو لاہور اور 3 دسمبر کو کراچی میں خصوصی محافل میں بھی شرکت کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اسلامی تعاون تنظیم پاکستان جناح کنونشن سینتر جناح کنونشن سینٹر قرآن کریم قرآنی تعلیمات مقابلۂ حسنِ قرأتذریعہ: WE News
کلیدی لفظ: اسلام اباد اسلامی تعاون تنظیم پاکستان قرآنی تعلیمات مقابلہ حسن قرأت بین الاقوامی کریں گے
پڑھیں:
غزہ میں تازہ صیہونی حملے میں24 فلسطینی شہید، پاکستان کی مذمت
پاکستان نے غزہ میں اسرائیلی قابض افواج کے حالیہ حملوں کی شدید ترین الفاظ میں مذمت کی ہے جن کے نتیجے میں متعدد فلسطینی شہریوں خصوصاً خواتین اور بچوں کی شہادتیں رپورٹ ہوئی ہیں جبکہ کئی افراد زخمی بھی ہوئے ہیں۔
ترجمان دفتر خارجہ کے مطابق ایسے اقدامات بین الاقوامی قانون، اقوام متحدہ کی متعلقہ قراردادوں اور حال ہی میں شرم الشیخ میں طے پانے والے امن معاہدے کی کھلی خلاف ورزی ہیں۔
بیان میں کہا گیا ہے کہ یہ حملے خطے میں دیرپا امن و استحکام کے لیے جاری بین الاقوامی کوششوں کو بھی شدید نقصان پہنچاتے ہیں۔
حکومتِ پاکستان نے عالمی برادری پر زور دیا ہے کہ وہ فوری اقدامات کرتے ہوئے اسرائیلی جارحیت اور جنگ بندی کی مسلسل خلاف ورزیوں کو روکے اور بین الاقوامی انسانی حقوق و انسانی قوانین کے تحفظ کو یقینی بنائے۔
پاکستان نے ایک مرتبہ پھر اپنے اصولی مؤقف کا اعادہ کرتے ہوئے کہا کہ وہ 1967ء سے قبل کی سرحدوں کے مطابق آزاد، خودمختار فلسطینی ریاست کے قیام کی حمایت کرتا ہے جس کا دارالحکومت القدس الشریف ہو۔
غزہ میں قابض صیہونی فورسز کی وحشیانہ کارروائیاں جاری ہیں اور جنگ بندی معاہدے کی مسلسل خلاف ورزیاں سامنے آئی ہیں۔
غزہ سٹی، دیرالبلاح، رفاہ اور نصیرات میں فضائی حملوں کے نتیجے میں 24 فلسطینی شہید اور بیسیوں زخمی ہو گئے، جن میں خواتین اور بچے بھی شامل ہیں۔
اسپتال، اسکول اور پناہ گاہیں بھی مسلسل حملوں کی زد میں ہیں، جبکہ شدید غذائی بحران کے باعث شہریوں کی زندگی مزید مشکلات کا شکار ہے۔
اسرائیل کی مغربی کنارے میں بھی پرتشدد کارروائیاں جاری ہیں، جس سے خطے میں انسانی بحران اور کشیدگی میں اضافہ ہو رہا ہے۔
نومنتخب وزیراعظم آزاد کشمیر راجہ فیصل ممتاز راٹھور کی وزیراعظم ہاوس آمد ; آزاد جموں وکشمیر پولیس کی جانب سے سلامی پیش کی گئی