راکھی ساونت پاکستان پہنچ گئیں؟ وسیم اکرم کے ہمراہ ویڈیو وائرل
اشاعت کی تاریخ: 27th, January 2025 GMT
پاکستان آنے کے لیے بےتاب بھارتی اداکارہ و رقاصہ راکھی ساونت کی مزاحیہ ویڈیو منظرِ عام پر آ گئی۔
فوٹو اینڈ ویڈیو شیئرنگ پلیٹ فارم پر بھارتی رقاصہ کی 2 مختلف ویڈیوز وائرل ہو رہی ہیں۔
پہلی ویڈیو میں انہیں تھائی لینڈ کے شہر پٹایا کے ٹرمینل 21 پر دیکھا جا سکتا ہے، تاہم بھارتی رقاصہ ازراہِ مذاق کہہ رہی ہیں کہ میں پاکستان پہنچ گئی ہوں اور ابھی لاہور ایئر پورٹ پر موجود ہوں۔
ویڈیو میں راکھی پاکستانی اداکارہ ہانیہ عامر کو مخاطب کرتے ہوئے یہ بھی کہہ رہی ہیں کہ میری فلائٹ تاخیر کا شکار تھی ہانیہ! تم 2 گھنٹے میرا انتظار کر کے چلی گئیں، مجھے اپنے سوٹ کیس نکالنے میں وقت لگ گیا، میں تمہارے ساتھ رہنے اور پاکستانی شوبز انڈسٹری میں کام کرنے کے لیے پاکستان پہنچ گئی ہوں۔
اس کے علاوہ ان کی ایک اور ویڈیو بھی وائرل ہو رہی ہے جس میں انہیں وسیم اکرم کے ساتھ تصویر بناتے ہوئے دیکھا جا سکتا ہے، جبکہ ویڈیو کے کیپشن پر ہندی میں لکھا ہے کہ راکھی ساونت حقیقی معنوں میں پاکستان پہنچ گئی ہیں۔
واضح رہے کہ تبدیلیٔ مذہب کی وجہ سے شہ سرخیوں کا حصہ بننے والی بالی ووڈ کی متنازع اداکارہ راکھی ساونت نے حال ہی میں ایک انٹرویو میں انکشاف کیا تھا کہ جب میں نے وسیم اکرم سے ہاتھ ملایا تو انہیں کرنٹ لگ گیا، وہ مجھ سے مل کر پانی پانی ہو گئے تھے۔
انہوں نے دوسری شادی کی خواہش ظاہر کرتے ہوئے کہا کہ میری خواہش ہے کہ اس بار میں دبئی میں کسی پاکستانی لڑکے سے شادی کروں اور چاہتی ہوں کہ وسیم اکرم بھی اس تقریب میں شرکت کریں۔
.ذریعہ: Daily Mumtaz
کلیدی لفظ: پاکستان پہنچ گئی راکھی ساونت وسیم اکرم
پڑھیں:
ملک بھر میں بارشوں اور سیلاب سے اموات 989 تک پہنچ گئیں
data-id="863a0a8" data-element_type="widget" data-widget_type="theme-post-content.default">
اسلام آباد: ملک بھر میں بارشوں اور سیلابی صورتحال کے باعث جاں بحق افراد کی تعداد بڑھ کر 989 تک جا پہنچی ہے جبکہ ایک ہزار 64 افراد زخمی ہوئے ہیں۔
نیشنل ڈیزاسٹر منیجمنٹ اتھارٹی (این ڈی ایم اے) کی رپورٹ کے مطابق گزشتہ 24 گھنٹوں کے دوران بلوچستان کے علاقے کوہلو میں ڈوبنے کے باعث مزید چار بچے جان سے گئے۔ یوں 26 جون سے اب تک قیمتی جانیں گنوانے والوں کی مجموعی تعداد 989 ہو گئی ہے۔
اعداد و شمار کے مطابق سب سے زیادہ اموات خیبرپختونخوا میں ریکارڈ کی گئیں جہاں 504 افراد زندگی کی بازی ہار گئے۔ پنجاب میں 287، سندھ میں 80، گلگت بلتستان میں 41، آزاد کشمیر میں 38، بلوچستان میں 30 اور اسلام آباد میں 9 ہلاکتیں رپورٹ ہوئیں۔
سیلابی ریلوں اور لینڈ سلائیڈنگ کے باعث ایک ہزار 64 افراد زخمی بھی ہوئے۔ قدرتی آفات کے اس سلسلے میں اب تک 8 ہزار 441 مکانات متاثر ہوئے جن میں سے 2 ہزار 216 مکمل طور پر منہدم اور 6 ہزار 265 جزوی طور پر تباہ ہوئے۔ اس کے علاوہ 239 پل اور 674 کلومیٹر طویل سڑکیں بھی سیلابی پانی کی نذر ہو گئیں، جبکہ 6 ہزار 500 سے زائد مویشی ہلاک ہوئے۔
دوسری جانب محکمہ موسمیات نے مون سون کے گیارھویں اسپیل کی پیشگوئی کرتے ہوئے مزید بارشوں کا الرٹ جاری کر دیا ہے۔ بحیرہ عرب سے مرطوب ہوائیں ملک کے بالائی علاقوں میں داخل ہو رہی ہیں جس کے باعث 16 سے 19 ستمبر کے دوران خیبرپختونخوا، گلگت بلتستان، کشمیر، اسلام آباد اور پنجاب کے مختلف اضلاع میں گرج چمک کے ساتھ بارش کا امکان ظاہر کیا گیا ہے۔
سینیٹ کی خالی نشست پر انتخاب، پنجاب اسمبلی میں ووٹنگ کا عمل جاری