چیمپینز ٹرافی کے ٹکٹ ڈیمانڈ میں غیرمعمولی اضافہ، پہلے مرحلے میں تمام ٹکٹس فروخت
اشاعت کی تاریخ: 29th, January 2025 GMT
چیمپینز ٹرافی کے ٹکٹ ڈیمانڈ میں غیرمعمولی اضافہ، پہلے مرحلے میں تمام ٹکٹس فروخت WhatsAppFacebookTwitter 0 29 January, 2025 سب نیوز
لاہور (سب نیوز )پاکستان میں شیڈول آئی سی سی چیمپینز ٹرافی 2025 کے ٹکٹس کی ڈیمانڈ آسمان کو چھونے لگی، نیشنل اسٹیڈیم کراچی میں پہلے مرحلے میں ٹکٹس فروخت ہونے کے بعد مزید ٹکٹس فروخت کے لیے پیش کردیے گئے۔ آئی سی سی کی جانب سے آن لائن ٹکٹوں کی بکنگ کا سلسلہ جاری ہے، پاکستان اور نیوزی لینڈ کے میچ کی آن لائن ٹکٹس صبح کے وقت ہی فروخت ہوچکی تھیں جس کے بعد ٹکٹس کا نیا سیٹ فروخت کے لیے پیش کیا گیا۔
آئی سی سی کے پلیٹ فارم پر کراچی کے نیشنل اسٹیڈیم میں ہونے والے پاک نیوزی لینڈ میچز کے ٹکٹس تاحال دستیاب ہیں، ایک شخص اپنے قومی شناختی کارڈ نمبر پر 4 ٹکٹ حاصل کرسکتا ہے۔اس کے علاوہ راولپنڈی میں شیڈول پاکستان اور بنگلہ دیش کے میچ کے بھی ٹکٹس دستیاب ہیں، پاکستان میں فزیکل ٹکٹس کی فروخت بھی جلد شروع ہوگی۔دوسری جانب، قذافی اسٹیڈیم لاہور میں جاری تعمیرات کی ڈیڈلائن ختم ہونے میں ایک دن باقی ہے جبکہ اسٹیڈیم کے اندر کرسیاں لگانے کا کام 95 فیصد مکمل کرلیا گیا ہے۔
جون 2024 میں شروع ہونے والا کام اب اپنے آخری مراحل میں داخل ہوچکا ہے، اسٹیڈیم میں لائٹوں کی ٹیسٹنگ روزانہ کی بنیاد پر کی جا رہی ہے، جبکہ دونوں اطراف ایس ایم ڈی اسکرینز بھی روشن ہوچکی ہیں۔پی سی بی حکام کے مطابق مین پویلین مکمل طور پر تیار ہوچکا ہے، پی سی بی آفس بلڈنگ میں جاری فنشنگ ورک بھی ایک ہفتے میں مکمل کیے جانے کا امکان ہے۔
.ذریعہ: Daily Sub News
کلیدی لفظ: ٹکٹس فروخت
پڑھیں:
مہنگی چینی کی فروخت پر پنجاب بھر میں کریک ڈاؤن، ہزاروں دکانداروں کے خلاف کارروائی
وزیراعلیٰ پنجاب مریم نواز شریف کی ہدایت پر صوبے بھر میں چینی کی مہنگے داموں فروخت کرنے والوں کے خلاف بھرپور کریک ڈاؤن جاری ہے۔ صرف گزشتہ 24 گھنٹوں میں 2950 دکانداروں کے خلاف کارروائیاں کی گئیں، جن میں سے 28 افراد کو گرفتار کیا گیا، 182 افراد کے خلاف مقدمات درج ہوئے جبکہ 2740 افراد پر جرمانے عائد کیے گئے۔
لاہور میں 92 دکانداروں کے خلاف کارروائیضلع لاہور میں مہنگے داموں چینی فروخت کرنے پر 92 دکانداروں کے خلاف کارروائی عمل میں لائی گئی، 7 افراد پر مقدمات درج ہوئے جبکہ 3 کو گرفتار کر لیا گیا۔
دیگر اضلاع میں کارروائیوں کی تفصیلکین کمشنر پنجاب نوید شہزاد مرزا کے مطابق مختلف اضلاع میں درج ذیل کارروائیاں کی گئیں:
سیالکوٹ: 770 دکانداروں کے خلاف
گوجرانوالہ: 30 دکانداروں کے خلاف
شیخوپورہ: 103 دکانداروں کے خلاف
رحیم یار خان: 170
ڈیرہ غازی خان اور مظفر گڑھ: 13، 13
کوٹ ادو: 9
میانوالی: 114
لیہ: 174
ملتان: 15
بہاولنگر: 23
بہاولپور: 175
ساہیوال: 28
اوکاڑہ: 8
پاکپتن: 13
راولپنڈی: 58
اٹک: 22
جہلم: 24
چکوال: 20
مری: 16
فیصل آباد: 770 (سب سے زیادہ)
چنیوٹ: 78
ٹوبہ ٹیک سنگھ: 57
جھنگ: 149
مریم نواز شریف حکومت کا عزمکین کمشنر پنجاب نوید شہزاد مرزا نے میڈیا کو بتایا کہ حکومت پنجاب کی جانب سے جاری کردہ نوٹیفکیشن پر ہر صورت عمل درآمد یقینی بنایا جائے گا۔ چینی کی ناجائز منافع خوری برداشت نہیں کی جائے گی، اور خلاف ورزی کرنے والوں کے خلاف سخت قانونی کارروائی جاری رہے گی۔
واضح رہے کہ یہ کریک ڈاؤن اس وقت کیا جا رہا ہے جب مارکیٹ میں چینی کی قیمتیں سرکاری نرخ سے تجاوز کر رہی ہیں، جس سے عوام شدید متاثر ہو رہے ہیں۔ وزیراعلیٰ پنجاب نے سختی سے ہدایت کی ہے کہ اشیائے ضروریہ کی قیمتوں پر کنٹرول اور ذخیرہ اندوزی کے خاتمے کے لیے فوری اقدامات کیے جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب چینی کی قیمت مریم نواز شریف
پاکستان اور کینیڈا کا اقتصادی اور تجارتی تعلقات کو مضبوط بنانے پر اتفاق