MPFاور NLF کا کمشنر سیسی کے اعزاز میں استقبالیہ
اشاعت کی تاریخ: 3rd, February 2025 GMT
مہران پروگریسو فیڈریشن اور نیشنل لیبر فیڈریشن حیدرآباد کے زیر اہتمام کمشنر سندھ ایمپلائز سوشل سیکورٹی انسٹی ٹیوشن (سیسی) میانداد راہجو کی مزدور طبقے کی فلاح و بہبود کے لیے کی گئی خدمات کے اعتراف میں ایک تقریب منعقد کی گئی۔ یہ تقریب حیدرآباد پریس کلب میں منعقد ہوئی، جس میں ممتاز مزدور رہنماؤں، مختلف اداروں اور فیکٹریوں کی اجتماعی سودا کار تنظیموں اور حیدرآباد کے قرب و جوار کے درجنوں مزدوروں نے شرکت کی۔ مقامی سوشل سیکورٹی انتظامیہ کے نمائندے، چیف میڈیکل آفیسرز، میڈیکل سپرنٹنڈنٹس اور فیلڈ ڈائریکٹرز بھی اس موقع پر موجود تھے۔ تقریب میں مزدور تحریک کے ممتاز رہنماؤں نے خطاب کیا۔
نیشنل لیبر فیڈریشن سندھ کے صدر شکیل شیخ نے کمشنرسوشل سیکورٹی کی مزدوروں کی بہبود وصحت عامہ کی بہتری کے لیے کی جانے والی انتھک کوششوں کو سراہا۔ انہوں نے سیسی حیدرآباد اسپتال میں معیاری ادویات، تشخیصی ٹیسٹوں اور بجلی کی بلاتعطل فراہمی کے لیے جنریٹر کی تنصیب جیسے اقدامات کی تعریف کی۔ مہران مزدور فیڈریشن کے چیئرمین اور سیسی گورننگ باڈی کے رکن واحد بخش شورو نے کہا کہ یہ تقریب خاص طور پر کمشنر سیسی میانداد راہجو کو خراج تحسین پیش کرنے کے لیے منعقد کی گئی ہے۔ انہوں نے کمشنر سیسی کی جانب سے کیے جانے والے اہم اقدامات کو تفصیلاً بیان کیا، جن میں مزدور مریضوں کی کرائے کی مد میں دیے جانے والے معاوضے کو 500 روپے سے بڑھا کر 3ہزار روپے تک کا اضافہ، مزدوروں کے لیے 50ہزار روپے تک کی ادائیگی کی سہولت مقامی سطح پر ان کے گھر کی دہلیز پر فراہم کرنا، مقامی مزدور قیادت کو شامل کرکے اسپتال مینجمنٹ کمیٹیاں قائم کرنا، زخمی مزدوروں اور پسماندگان کو دیے جانے والی پنشن والے معاوضے کو ایک ہزار روپے سے 7ہزار روپے اور 3,700 روپے سے 12ہزار روپے تک بڑھانا شامل ہے۔ اس کے علاوہ کمشنر سیسی نے خصوصی طور پر سکھر اور اس کے قرب و جوار کے مزدوروں کو بہتر طبی سہولیات فراہم کرنے کے لیے 50 بستروں پر مشتمل اسپتال کی تعمیر اور فعال کرنا اور نوری آباد میں 50 بستروں کا اسپتال بھی تکمیل کے مراحل میں ہے۔
کوٹری ایسوسی ایشن آف ٹریڈ اینڈ انڈسٹری کے ایگزیکٹو کمیٹی کے رکن اور آجروں کے نمائندے خلیل بلوچ نے کمشنر میانداد راہجو کے انقلابی اقدامات کو سراہا۔ انہوں نے کہا کہ یہ اصلاحات بہت پہلے ہو جانی چاہیے تھیں، لیکن کمشنر نے سیسی کو ایک غیر فعال ادارے سے ایک متحرک اور مزدور دوست ادارہ بنانے میں کلیدی کردار ادا کیا ہے۔ انہوں نے طبی سہولیات کو مزید بہتر بنانے پر زور دیا تاکہ نہ صرف مزدور بلکہ آجر اور ان کے بچے بھی سیسی اسپتالوں میں بہترین علاج حاصل کر سکیں۔ بطور مہمان خصوصی کمشنر سیسی میانداد راہجو نے اس عزم کا اظہار کیا کہ وہ سندھ کے مزدور طبقے کے لیے عالمی معیار کی طبی سہولیات فراہم کریں گے۔ انہوں نے مستقبل کے لیے اپنے وژن کا خاکہ پیش کیا، جس کے مطابق مزدور نمائندوں کوادارہ جاتی فیصلہ سازی میں شامل کرنا سب سے اہم قرار پایا۔ انہوں نے شرکاء کو بتایا کہ مزدوروں کو معاوضے کی ادائیگی کے معاملات کو مقامی سطح پر حل کرنا ان کے لیے باعث اطمینان ہے۔ انہوں نے کہا کہ سندھ کے مزدور طبقے کے لیے جدید ترین اسپتال قائم کرنا ان کا دیرینہ خواب ہے۔ اس کے علاوہ کراچی میں مزدوروں کے لیے کینسر اسپتال کی تعمیر پر بھی کام ہو رہا ہے۔
اپنے وژن کے مطابق وہ پنجاب ماڈل کی طرز پر پبلک پرائیویٹ پارٹنرشپ کو فروغ دینے کے حامی ہیں۔ انہوں نے مزدوروں کو یہ خوشخبری بھی سنائی کہ اگلے ہفتے سیسی سندھ بھر کے مزدوروں کے لیے معیاری تشخیصی سہولیات فراہم کرنے کی غرض سے لیاقت میڈیکل یونیورسٹی جامشورو کے ساتھ ایک مفاہمتی یاد داشت پر دستخط کرنے جار ہے ہیں۔ جس کے نتیجے میں مزدوروں کو بہترین تشخیصی سہولیات حاصل ہو جائیں گی۔ انہوں نے مزید کہا کہ وہ ڈا کٹروں اور کنسلٹنٹس کے لیے تنخواہوں میں اضافہ کرنے جارہے ہیں تا کہ ادارے کو بہترین ڈاکٹروں کی خدمات حاصل ہو سکیں۔ اس کے علاوہ حیدرآباد اسپتال کو کسی بہتر مقام پر منتقل کرنا اور لاڑکانہ میں اسپتال کے قیام کا ارادہ بھی رکھتے ہیں۔ کمشنرسیسی میانداد راہجو نے حاضرین کو یقین دلایا کہ وہ مزدوروں کی فلاح و بہبود کے لیے ہر ممکن کوشش کریں گے اور اعتماد سازی کے لیے خود بھی سیسی کی طبی سہولیات استعمال کرتے ہیں۔ تقریب کے اختتام پر کمشنر میانداد راہجو کو سندھ کی ثقافتی نشان اجرک اور سندھی ٹوپی پیش کر کے ان کی مزدور طبقے کے لیے شاندار خدمات کا اعتراف کیا گیا۔
.ذریعہ: Jasarat News
کلیدی لفظ: میانداد راہجو طبی سہولیات مزدوروں کو انہوں نے کے مزدور کے لیے کہا کہ
پڑھیں:
پنجاب میں بلدیاتی انتخابات کا انعقاد صوبائی حکومت اور الیکشن کمیشن کی مشترکہ ذمہ داری ہے، چیف الیکشن کمشنر
چیف الیکشن کمشنر سکندر سلطان راجا نے کہا کہ پنجاب میں بلدیاتی انتخابات کا انعقاد صوبائی حکومت اور الیکشن کمیشن دونوں کی مشترکہ ذمہ داری ہے۔
الیکشن کمیشن آف پاکستان کے زیرِ صدارت پنجاب میں بلدیاتی انتخابات کے انعقاد سے متعلق ایک اہم اجلاس اسلام آباد میں ہوا۔ اجلاس کی صدارت چیف الیکشن کمشنر سکندر سلطان راجا نے کی، جس میں الیکشن کمیشن کے معزز ممبران، سیکرٹری الیکشن کمیشن، پنجاب حکومت کے چیف سیکرٹری، سیکرٹری لوکل گورنمنٹ پنجاب اور دیگر اعلیٰ حکام نے شرکت کی۔
اجلاس میں پنجاب میں بلدیاتی انتخابات کے انعقاد کے سلسلے میں مختلف انتظامی و قانونی امور کا تفصیلی جائزہ لیا گیا۔ چیف الیکشن کمشنر نے کہا کہ پنجاب میں بلدیاتی انتخابات کا انعقاد صوبائی حکومت اور الیکشن کمیشن دونوں کی مشترکہ ذمہ داری ہے۔
مزید پڑھیں: وزیراعلیٰ خیبر پختونخوا سہیل آفریدی کی نااہلی کے لیے الیکشن کمیشن میں درخواست دائر
انہوں نے پنجاب حکومت پر زور دیا کہ وہ الیکشن کمیشن کو ضروری رولز، ڈیٹا، نوٹیفکیشنز اور نقشہ جات فوری طور پر فراہم کرے تاکہ الیکشن کمیشن بروقت حلقہ بندی (Delimitation) کے عمل کا آغاز کر سکے۔
چیف سیکرٹری پنجاب نے اجلاس کو بتایا کہ لوکل گورنمنٹ ایکٹ 2025ء کے تحت حلقہ بندی رولز کا ڈرافٹ الیکشن کمیشن کو ارسال کر دیا گیا ہے، جس پر الیکشن کمیشن کی رائے جلد حاصل کی جائے گی۔
چیف الیکشن کمشنر نے ہدایت دی کہ الیکشن کمیشن کی رائے صوبائی حکومت کو فوری طور پر فراہم کی جائے تاکہ عمل میں تاخیر نہ ہو۔
چیف سیکریٹری پنجاب نے آگاہ کیا کہ لوکل گورنمنٹ کنڈکٹ آف الیکشن رولز کا ڈرافٹ 15 نومبر 2025 تک الیکشن کمیشن کو ارسال کر دیا جائے گا، جبکہ ڈیمارکیشن نوٹیفکیشنز — ٹاؤن، میونسپل کارپوریشن، میونسپل کمیٹی اور تحصیل کونسلز — کے نوٹیفکیشنز 22 دسمبر 2025 تک فراہم کر دیے جائیں گے۔
مزید پڑھیں: سزا یافتہ افراد الیکشن کمیشن یا پارلیمنٹ کا حصہ نہیں بن سکتے، پشاور ہائیکورٹ
اسی طرح یونین کونسلز کی تعداد سے متعلق نوٹیفکیشنز 31 دسمبر 2025 تک الیکشن کمیشن کو دیے جائیں گے، جبکہ تمام شہری و دیہی اداروں کے مصدقہ نقشہ جات 10 جنوری 2026 تک الیکشن کمیشن کو فراہم کیے جائیں گے۔
چیف سیکرٹری نے بتایا کہ ان دستاویزات کی فراہمی کے بعد الیکشن کمیشن حلقہ بندیوں کا باضابطہ آغاز کر سکے گا۔ الیکشن کمیشن نے زور دیا کہ تمام امور مقررہ شیڈول کے مطابق ہر صورت مکمل کیے جائیں تاکہ بلدیاتی انتخابات کا عمل بروقت ممکن ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن بلدیاتی انتخابات چیف الیکشن کمشنر سکندر سلطان راجا صوبائی حکومت
ترکیہ برطانیہ سے 20 یورو فائٹر طیارے خریدے گا، معاہدے طے