چینی ثقافت کی لاہور میں پذیرائی
اشاعت کی تاریخ: 6th, February 2025 GMT
نئے قمری سال کا جشن ایشیا کے متعدد ممالک میں منایا جاتا ہے اس موقع پر آتش بازی کے مظاہرے ہوتے ہیں، لوگ زرق برق ملبوسات پہنتے ہیں سرخ لالٹینیں روشن کی جاتی ہیں اور طرح طرح کے پکوان تیار کیے جاتے ہیں۔اس سال کوچین میں سانپ کا سال کہا جاتا ہے، نئے سال کے آغاز پر چین میں کروڑوں افراد اپنے آبائی علاقوں کا رخ کرتے ہیں۔ عوامی جمہوریہ چین میں نئے سال کی 15 روزہ تقریبات جوش وخروش سے جاری رہتی ہیں، ہفتہ تعطیلات منانے کے ساتھ چین سمیت دنیا بھر میں چینی باشندے نئے سال کے تہوار کی خوشیوں میں شریک ہوتے ہیں۔ چینی نئے قمری سال کو بہار کا تہوار بھی کہا جاتا ہے اور یہ چین کا سب سے اہم تہوار ہے۔ چائنیز نئے سال کے موقع پر ہر گھر میں سرخ جوڑے آویزاں کرتے، آتش بازی اور پٹاخے چلائے جاتے ہیں اور ساتھ ہی بری روحوں سے بچنے کیلئے اپنے گھروں کو روشن اور صاف رکھا جاتا ہے۔ چین میں نئے سال کی ابتدائی صبح، لوگ عام طور پر رشتہ داروں اور دوستوں سے ملکر دعائوں اور نیک خواہشات کا تبادلہ کرتے ہیں۔ یہ رسم و رواج ہزاروں سال سے نسل در نسل منتقل ہوتے چلے آ رہے ہیں۔
چین میں نئے سال کے آغاز کے حوالے سے پاکستان میں سفارت خانے سمیت دیگر بڑے شہروں میں بھی سرکاری تقریبات رکھی گئی تھیں، جہاں برادر ملک سے اظہار یکجہتی کیلئے وزیراعظم پاکستان سمیت وفاقی وزراء نے بھی بڑی تعداد میں شرکت کی اور چین کے نئے سال کی خوشیوں میں شریک ہوئے۔ لاہور سمیت ملک کے بڑے شہروں میں چینی قونصل خانوں میں سرکاری سطح پر تقریبات کا انعقاد کیا گیا جس میں قومی وصوبائی سیاسی قائدین نے شرکت کی۔ چین اور پاکستان کے شہریوں نے بھی ان تقریبات میں بڑھ چڑھ کر حصہ لیا اور خوشیوں کوایک دوسرے کیساتھ مل کر منایا۔ لاہور میں ٹرانسپورٹ کے شعبے میں جدت اور نئے رفعتیں متعارف کرانے والے اورنج لائن میٹرو ریل ٹرانزٹ سسٹم کیجانب سے سانپ کے نئے چینی سال کو منانے کیلئے بڑے پیمانے پر تقریب کا اہتمام کیا گیا۔ 3 فروری 2025 کو، اورنج لائن میٹرو ریل ٹرانزٹ سسٹم نے آئی سی بی سی لاہور برانچ اور پنجاب ماس ٹرانزٹ اتھارٹی کے تعاون سے انارکلی اسٹیشن (اسٹیشن نمبر 13) پر چینی نئے سال کا جشن منایا جس میں مسافروں، چینی ملازمین، اور معزز مہمانوں نے شرکت کی۔
آئی سی بی سی لاہور برانچ میں کارپوریٹ بینکنگ کے سربراہ مسٹر سو منگنگ اور پی ایم اے کے جنرل منیجر آپریشنز مسٹر محمد اوزیر شاہ بطور مہمان خاص شریک ہوئے۔ تقریب میں خطاطی کا مقابلہ، کوئز مقابلہ، اور پرائز پونگ شامل تھے، مسافروں کی تفریح اور جوش میں اضافہ کیلئے کنفیوشس انسٹی ٹیوٹ کے طلباء نے چینی گانا پیش کیا جس پر شائقین داد دئیے بغیر نہ رہ سکے۔ اورنج لائن کے ملازمین نے ایک شاندار شیر ڈانس پیش کیا، جس نے سٹیشن کو توانائی اور ثقافتی رونق سے بھر دیا جبکہ کیک کاٹنے کی تقریب چینی اور پاکستانی کمیونٹی کے درمیان اتحاد کی علامت تھی۔ تہوار کے جذبے کو مزید بڑھاتے ہوئے آئی سی بی سی تھیم والی ٹرین کو اس موقع کی مناسبت سے خوبصورتی سے سجایا گیا، جس سے مسافروں کے لیے چینی نئے سال کا ایک دلکش تجربہ ہوا۔ جیسے ہی ٹرین نے شہر کا رخ کیا مسافروں نے خوشگوار احساس سے متحرک ماحول کا لطف اٹھایا، جبکہ بہت سے لوگوں نے سانپ کے نئے چینی سال کی مناسبت سے تیاریوں، اور مخلوط ثقافتی اقدام کی تعریف کی۔
لاہوریوں نے چینی ثقافتی تہوار میں گہری دلچسپی کا اظہار کرتے ہوئے ثقافتی پرفارمنسز کو خوب سراہا، شائقین نے چینی شہریوں سے محبت کا اظہار کرتے ہوئے خوب سیلفیاں لیں اور پاک چین دوستی کو لازوال قرار دیا۔ شہریوں نے چینی ثقافتی تہوار سے روشناس کرانے اور بہترین انتظامات پر اورنج لائن میٹرو ریل ٹرانزٹ سسٹم مینجمنٹ کی کاوشوں کا اعتراف کیا تو دوسری جانب آئی سی بی سی کی شرکت نے پاکستان چین دوستی کو مالی تعاون سے بڑھ کر مضبوط کرتے ہوئے بین الثقافتی رابطوں کے عزم پر زور دیا۔
اورنج لائن میٹرو ریل ٹرانزٹ سسٹم انتظامیہ نے آئی سی بی سی لاہور برانچ اور پی ایم اے کے تعاون پر شکریہ ادا کیا، انتظامیہ نے باور کرایا کہ اورنج لائن میٹرو اتحاد، ثقافتی ہم آہنگی اور بین الاقوامی دوستی کو فروغ دینے کے لیے وقف ہے۔ پاک چین دوستی کے فروغ کیلئے دونوں ممالک کے لوگوں کو ثقافت اور روایات سے روشناس کرانا بہترین اقدام ہے، جس کیلئے چینی قونصل خانہ اور اورنج لائن میٹرو ریل ٹرانزٹ سسٹم پاکستانی اداروں کے باہمی اشتراک سے ایسی تقاریب منعقد کراتے رہتے ہیں بلاشبہ اقتصادی اور معاشی تعلقات کے ساتھ ثقافتی ہم آہنگی اور تعلقات بہت اہمیت کے حامل ہیں۔
.ذریعہ: Nai Baat
کلیدی لفظ: نئے سال کے نے چینی چین میں جاتا ہے سال کی
پڑھیں:
چین اور امریکہ کے درمیان ٹک ٹاک کے مسئلے کے مناسب حل کے لیے بنیادی فریم ورک پر اتفاق
چین اور امریکہ کے درمیان ٹک ٹاک کے مسئلے کے مناسب حل کے لیے بنیادی فریم ورک پر اتفاق WhatsAppFacebookTwitter 0 16 September, 2025 سب نیوز
بیجنگ :
چینی نائب وزیر تجارت لی چھنگ گانگ نے بتایا ہے کہ چین اور امریکہ کے درمیان بات چیت سے ٹک ٹاک کے مسئلے کے مناسب حل ، سرمایہ کاری کی رکاوٹوں میں کمی اور اقتصادی و تجارتی
تعاون کے فروغ کیلئے ایک بنیادی فریم ورک پر اتفاق کیا گیا ہے۔
منگل کے روز چینی میڈیا کے مطابق
چین اور امریکہ کے اقتصادی و تجاری وفود کے درمیان اسپین کے شہر میڈرڈ میں مذاکرات ہوئے ۔مذاکرات کے بعد چینی وفد کی جانب سے منعقدہ پریس کانفرنس میں لی چھنگ گانگ نے کہا کہ گزشتہ دو دنوں میں چین اور امریکہ نے دونوں ممالک کے سربراہان مملکت کے درمیان ٹیلی فون پر طے پانے والے اتفاق رائے کو فعال طور پر نافذ کیا اور چین-امریکہ اقتصادی اور تجارتی مشاورتی میکانزم کو فعال طور پر اپنایا ۔
انھوں نے کہاکہ باہمی احترام اور برابری کی بنیاد پر ٹک ٹاک سمیت دوطرفہ اقتصادی اور تجارتی مسائل پر جامع ،گہری اور تعمیری بات چیت کی گئی۔
پریس کانفرنس کے دوران،چین کی سائبر اسپیس ایڈمنسٹریشن کے ڈپٹی ڈائریکٹر وانگ جِنگ تاؤ نے میڈیا کے سوالات کا جواب دیتے ہوئے کہا کہ کاروباری اداروں کی خواہشات اور مارکیٹ کے اصولوں کا مکمل احترام کرتے ہوئے،چین اور امریکہ ٹک ٹاک کے امریکی صارفین کے ڈیٹا اور مواد کی حفاظت کے آپریشنز کو آؤٹ سورسنگ آپریشنز کے ذریعے ٹک ٹاک کے مسئلے کو حل کرنے اور اس کے الگورتھم اور دیگر دانشورانہ املاک کے حقوق کے استعمال کا لائسنس دینے پر ایک بنیادی اتفاق رائے پر پہنچ گئے ہیں۔چینی حکومت قانون کے مطابق ٹک ٹاک سے متعلق ٹیکنالوجی کی برآمد اور دانشورانہ املاک کے استعمال کے حقوق کی منظوری دے گی۔
وانگ جِنگ تاؤ نے کہا کہ چینی حکومت ہمیشہ چینی سرمایہ کاری سے چلنے والے اداروں کے جائز حقوق اور مفادات کے تحفظ کو یقینی بنانے پر کاربند ہے اور بیرون ملک ان کی فعال ترقی کی حمایت کرتی ہے۔
امید ہے کہ امریکہ دونوں فریقوں کے درمیان ہونے والے اتفاق رائے کے مطابق، ٹک ٹاک سمیت تمام چینی کمپنیوں کے لیے امریکہ میں کھلا، منصفانہ، برابری پر مبنی اور غیر امتیازی مسابقتی ماحول فراہم کرے گا ، اور چین امریکہ اقتصادی اور تجارتی تعلقات کی مستحکم، صحت مند اور پائیدار ترقی کو فروغ دے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبردوحہ پر حملے سے 50 منٹ پہلے صدر ٹرمپ کو خبر تھی، امریکی میڈیا کا دھماکہ خیز انکشاف دوحہ پر حملے سے 50 منٹ پہلے صدر ٹرمپ کو خبر تھی، امریکی میڈیا کا دھماکہ خیز انکشاف قطر اور دیگر ممالک کی پالیسیوں نے اسرائیل کو عالمی طور پر تنہا کردیا، نیتن یاہو کا اعتراف دوحہ حملہ: پاکستان اور کویت کی درخواست پر اقوام متحدہ کی کونسل کا ہنگامی اجلاس آج جنیوا میں ہوگا اسرائیلی جارحیت کو کسی بھی بہانے جواز فراہم کرنا ناقابل قبول ہے، اعلامیہ قطر اجلاس گریٹر اسرائیل عالمی امن کیلئے خطرہ ہے؛ تمام حدیں پار کردیں، امیر قطر عرب اسلامی سربراہی اجلاس،قطر پر اسرائیلی حملے کا جواب واضح اور فیصلہ کن ہونا چاہیے، مسلم ممالک کی تجویزCopyright © 2025, All Rights Reserved
رابطہ کریں ہماری ٹیم
اسپیکر خیبرپختونخوا اسمبلی نے اپنی ہی حکومت کی کارکردگی پر سوالات اٹھادیے