حمائمہ ملک کو بھائی فیروز خان کے حالیہ تنازع پر حمایت کرنا مہنگا پڑگیا
اشاعت کی تاریخ: 11th, February 2025 GMT
حمائمہ ملک کو بھائی فیروز خان کے حالیہ تنازع پر ان کی حمایت میں سامنے آنا مہنگا پڑ گیا، سوشل میڈیا صارفین نے انہیں آڑے ہاتھوں لے لیا۔
فیروز خان کی ایک پریس کانفرنس میں تاخیر سے آمد کے بعد خاتون صحافی سے تلخ کلامی کی ویڈیو وائرل ہونے پر ان کی بہن اداکارہ حمائمہ ملک نے بھی ویڈیو جاری کردی۔اداکارہ نے اپنی ویڈیو میں کہا کہ چاہے یوٹیوبر ہو، ٹک ٹاکر یا اداکار میڈیا کسی کو اسٹار نہیں بناتا، عوام اور مداح انہیں اسٹارز بناتے ہیں۔ان کا کہنا تھا کہ میڈیا ہمیں عوام تک پہنچانے کا صرف ایک ذریعہ ہے۔اسی حوالے سے حمائمہ ملک نے اپنی انسٹاگرام اسٹوری میں ایک پول بھی کروایا تھا۔
پول میں انہوں نے اپنے فالوورز سے سوال کیا کہ ’اسٹارز کو اسٹار کون بناتا ہے؟‘ان کی ویڈیو پر صارفین نے ملے جلے کمنٹس کیے، اکثریت نے انہیں تنقید کا نشانہ بنایا۔ایک صارف کا کہنا تھا کہ ’یہ پوری فیملی ہی توجہ حاصل کرنے میں لگی رہتی ہے۔‘ایک کمنٹ میں کسی نے لکھا کہ’ اسٹارز چاہے مداح بناتے ہیں لیکن کسی جگہ تاخیر سے پہنچنا غیر پیشہ ورانہ حرکت ہے۔’ایک صارف کا کہنا تھا کہ بھائی کی بدتمیزی کو سپورٹ کرتے ہوئے ایک بہن’
یاد رہے کہ فیروز خان کی جانب سے پریس کانفرنس میں مبینہ طور پر ڈھائی گھنٹے تاخیر سے پہنچنے کے معاملے پر اداکار اور خاتون صحافی کے درمیان چپقلش کی ویڈیو وائرل ہوئی تھی۔جس میں خاتون صحافی اداکار کو پریس کانفرنس میں تاخیر سے پہنچنے پر آڑے ہاتھوں لیتے ہوئے کہتی ہیں کہ میڈیا آپ لوگوں کو اسٹار بناتا ہے۔
جس پر اداکار کا ردعمل دیتے ہوئے کہنا تھا کہ ’میڈیا نہیں، مداح اسٹارز بناتے ہیں۔‘ویڈیو میں اداکار کو شکوہ کرتے دیکھا جاسکتا ہے کہ میڈیا گزشتہ تین سال سے ان کے پیچھے پڑا ہوا ہے۔دوسری جانب سوشل میڈیا پر صحافی کے ساتھ متنازع ویڈیو وائرل ہونے کے بعد فیروز خان کی ایک اور ویڈیو سامنے آئی تھی، جس میں انہیں تاخیر سے پہنچنے پر معذرت کرتے دیکھا جا سکتا ہے۔
صدر نے وزیراعظم پر مقدمہ دائر کردیا
.ذریعہ: Daily Ausaf
کلیدی لفظ: کہنا تھا کہ حمائمہ ملک فیروز خان تاخیر سے
پڑھیں:
ویڈیو لنک کسی صورت قبول نہیں مقصد عمران خان کو آئسولیٹ کرنا ہے، علیمہ خان
راولپنڈی:علیمہ خان نے کہا ہے کہ جی ایچ کیو حملہ کیس کے وڈیو لنک ٹرائل سے پنجاب حکومت اور ہوم ڈیپارٹمنٹ پنجاب عمران خان کو آئسولیٹ کرنا چاہتے ہیں، وڈیو لنک ٹرائل کسی صورت قبول نہیں کریں گے۔
عدالت میں پیشی کے بعد میڈیا سے گفت گو میں انہوں نے کہا کہ عمران خان کو گولیاں لگی تھیں اور گولی لگنے کے باوجود کہتے تھے وڈیو لنک نہیں ہوگا عمران خان پیش ہوں تو ٹرائل ہوگا عمران خان کی زندگی خطرے میں تھی مگر ہماری استدعا کے باوجود وڈیو لنک ٹرائل نہیں کیا گیا، اب کسی صورت ایسا نہیں ہونے دیں گے، عمران خان کو جیل سے عدالت پیش کیا جائے ویڈیو لنک قبول نہیں۔
علیمہ خان کا کہنا تھا کہ یہ عمران خان کی آواز بند کرنا چاہتے ہیں مگر ہم عمران خان کو جلدی ریلیز کرائیں گے، عمران خان پر مقدمات بنائے گئے عمران خان کے وکیل یہاں ہوں گے اور وہ جیل میں ہوں گے تو وہ وکیل سے کیسے مشاورت کریں گے؟ ویڈیو لنک کا مقصد عمران خان کو آئسولیشن میں ڈالنا ہے۔
انہوں نے کہا کہ 26 ویں ترمیم کی وجہ سے یہ سب کچھ ہو رہا ہے، وکلاء کو اکٹھا ہوکر چھبیسویں ترمیم کے خلاف احتجاج کرنا چاہیے، آج چھبیسویں ترمیم کا عمران خان فوکس ہے کل جو بندہ عدالت میں آئے گا اسے اس کا سامنا کرنا پڑے گا، عمران خان کی ویڈیو لنک کے ذریعے سماعت کا مقصد یہ ہے کہ وہ فیملی اور وکلاء سے نہ مل سکیں، توشہ خانہ ٹرائل کے بعد عمران خان اور بشریٰ بی بی کو طویل آئسولیشن میں ڈال دیا جائے گا، جیل ٹرائل سے ہم اہل خانہ کو عمران خان سے ملاقات کا موقع مل جاتا ہے۔
علیمہ خان کا کہنا تھا کہ مجھ پر انڈہ پھینکنے والی خواتین کو کارکنوں نے پکڑ کر پولیس کے حوالے کیا، انڈہ پھینکنے والی دونوں خواتین پکڑی گئیں، خواتین کو اوپر کے حکم سے چھوڑ دیا گیا، اڈیالہ میں کچھ لوگ آکر میڈیا کو بدنام کرتے ہیں، اگر کسی عورت پر انڈہ پھینکتے وقت اس کا بیٹا بھی وہاں ہو تو بتاوٴ بیٹے کا رد عمل کیا ہوگا؟ انڈہ پھینکنے والی عورت کل پھر آئی جسے ہماری کارکن نے پہچان کر پکڑ لیا مگر اسے پولیس نے پھر بھگا دیا، کل اس خاتون نے پتھر مارا آئندہ وہ گولی بھی مار سکتی ہے۔
سونے کی قیمت نئی بلند ترین سطح پر پہنچ گئی