وزیراعلیٰ پنجاب مریم نواز کی سرمایہ کاروں کو بڑی پیشکش
اشاعت کی تاریخ: 11th, February 2025 GMT
وزیراعلیٰ پنجاب مریم نواز نے کہا ہے کہ پنجاب میں صنعتکاروں کو کاروبار کے لیے ہر قسم کی آسانی دینا چاہتے ہیں، صنعتکار جتنی انڈسٹری لگا سکتے ہیں لگائیں، فوری طورپر این او سی ملےگا۔
صوبائی کابینہ کے اجلاس کے اجلاس سے خطاب کرتے ہوئے مریم نواز نے کہاکہ انڈسٹری لگانے کے لیے مشکل پراسس کو آسان اور بزنس فرینڈلی بنائیں گے۔
یہ بھی پڑھیں پنجاب کابینہ نے پارا چنار کے لیے ادویات سمیت امدادی سامان بھیجنے کی منظوری دے دی
وزیراعلیٰ کی زیرصدارت صوبائی کابینہ کا 23واں اجلاس ہوا جس میں 90 نکات پر غور کرتے ہوئے اہم فیصلے کیے گئے۔
صوبائی کابینہ نے اسپیشل اکنامک زون انڈسٹریل اسٹیٹ، سمال انڈسٹریل اسٹیٹ کے لیے ’زیرو ٹائم ٹو سٹارٹ پالیسی‘ کی منظوری دے دی۔
کابینہ نے ماس ٹرانزٹ سسٹم میں اسپیشل افراد اورسینیئر سٹیزن کے لیے مفت سفر کی سہولت کی منظوری دے دی، جبکہ طلبہ کے لیے خصوصی اسٹوڈنٹ ٹریول کارڈ متعارف کرانے کی تجویز پراتفاق کیا گیا۔
وزیراعلیٰ نے ٹرام سروس شروع کرنے کے لیے پلان طلب کرلیا، جبکہ کینسر کے مریضوں کی کیموتھراپی کے متبادل ’کرایو بلیشن‘ مشین کے لیے 580 ملین کے فنڈز کی منظوری دے دی گئی۔
وزیراعلیٰ مریم نوازشریف نے کینسر کا جدید طریقہ علاج بھی متعارف کرانے کا فیصلہ کیا۔
کابینہ نے پنجاب بھر میں اسپیشل ایجوکیشن سینٹرز کو سینٹر آف ایکسیلنس بنانے کے لیے فنڈز کی منظوری دی، جبکہ وزیراعلیٰ مریم نوازشریف نے اسپیشل ایجوکیشن مراکز کو اسپیشل افراد کے لیے فرینڈلی اور بہتربنانے کی ہدایت کی۔
کابینہ نے پنجاب میں اسپیشل افراد کے لیے خصوصی ٹرانسپورٹ متعارف کرانے کا اصولی فیصلہ کیا، جبکہ 5ہزار 960 کانسٹیبل بھرتی کرنے کی منظوری بھی دے دی گئی۔
اس کے علاوہ ماس ٹرانزٹ اتھارٹی میں 127 بھرتیوں کے لیے پابندی میں نرمی کی منظوری دے دی گئی، جبکہ چلڈرن پروٹیکشن اینڈ ویلفیئر بیورومیں 87 آسامیوں پر بھرتیوں کی منظوری دی گئی۔
کابینہ نے بیسک اینڈ کلینکل سائنسز کے لیے عمر کی حد 65 سال کرنے کی منظوری دے دی، جبکہ اسپیشلائزڈ ہیلتھ کیئر اینڈ میڈیکل ایجوکیشن کے آئی سی ٹی میں 25 آسامیوں پر بھرتی کی منظوری دی گئی۔
صوبائی کابینہ نے تونسہ اورمنکیرہ کے 4 دانش اسکولوں میں اسٹاف کی بھرتی کی منظوری دے دی، جبکہ فاریسٹ ڈیپارٹمنٹ میں خالی آسامیوں پر بھرتی کے لیے ضمنی گرانٹ کی منظوری دی گئی۔
صوبائی کابینہ نے مری میں ٹریفک مینجمنٹ پلان کے تحت 500 آسامیوں پر بھرتیوں کا اصولی فیصلہ کرلیا، جبکہ پنجاب میں ایکسل روڈ مینجمنٹ سسٹم کے نفاذ کے لیے موٹروہیکل آرڈیننس 1965 میں ترمیم کی منظوری بھی دے دی گئی۔
وزیراعلیٰ مریم نوازشریف نے سڑکوں پر گڑھے فوری طورپر پُر کرنے کی ہدایت کی۔
کابینہ نے نگہبان رمضان پیکج کے لیے 30 ارب روپے کی منظوری دی گئی، جس سے 30 ملین افراد مستفید ہوں گے، اجلاس میں فیصلہ کیا گیا کہ پنجاب میں اگلے سال سے نگہبان رمضان پیکج کا اے ٹی ایم کارڈ متعارف کرایا جائےگا۔
اجلاس میں گفتگو کرتے ہوئے مریم نواز نے کہاکہ پنجاب میں پہلی مرتبہ عوام کو لائنوں میں نہیں لگنا پڑےگا، گھر بیٹھے 10 ہزار روپے ملیں گے۔
یہ بھی پڑھیں پنجاب کابینہ نے اپنی چھت اپنا گھر پروگرام کی منظوری دیدی
کابینہ نے گندم کے کاشتکاروں کے لیے لینڈ لیور کی جگہ بھی ایک ہزار مفت ٹریکٹر دینے کی منظوری دے دی، جبکہ ریسکیو 1122 کی سروسز کی 353 گاڑیوں کی مرحلہ وار تبدیلی کا فیصلہ کیا گیا، پہلے مرحلے میں 117 ریسکیو 1122 ایمبولینسز مہیاکی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اہم فیصلے صوبائی کابینہ اجلاس مریم نواز وزیراعلٰی پنجاب وی نیوز.ذریعہ: WE News
کلیدی لفظ: اہم فیصلے صوبائی کابینہ اجلاس مریم نواز وی نیوز آسامیوں پر بھرتی کی منظوری دی گئی کی منظوری دے دی صوبائی کابینہ کابینہ نے مریم نواز فیصلہ کیا کے لیے
پڑھیں:
وزیراعلیٰ مریم نواز سے جرمن پارلیمنٹ کی رکن کی ملاقات، مختلف امور اور تجاویز پر تبادلہ خیال
وزیراعلیٰ مریم نواز سے جرمن پارلیمنٹ کی رکن دِریا تُرک نَخباؤر (Derya Türk-Nachbaur) نے ملاقات کی۔
ملاقات میں دوطرفہ تعلقات، پارلیمانی تعاون، خواتین کی بااختیاری، تعلیم، نوجوانوں کے تبادلے، ماحولیات اور کلین انرجی کے منصوبوں پر تفصیلی بات چیت ہوئی۔
مریم نواز نے جرمن مہمان کا پرتپاک خیرمقدم کیا اور حالیہ سیلاب کے دوران اظہارِ یکجہتی پر شکریہ ادا کیا۔ انہوں نے کہا کہ پنجاب کے تاریخی و ثقافتی شہر لاہور میں جرمن مہمانوں کا خیرمقدم کرنا باعثِ اعزاز ہے۔
وزیراعلیٰ نے فریڈرک ایبرٹ فاؤنڈیشن کی 100 ویں سالگرہ پر مبارکباد دی اور پاکستان میں 35 سالہ خدمات کو سراہا۔ انہوں نے کہا کہ اس ادارے نے جمہوریت، سماجی انصاف اور مکالمے کے فروغ میں نمایاں کردار ادا کیا ہے۔
یہ بھی پڑھیں:مولانا فضل الرحمان نے مریم نواز کی جانب سے ائمہ کرام کو ماہانہ وظیفے دینے کا فیصلہ مسترد کردیا
مریم نواز نے کہا کہ فلڈ کے دوران اظہارِ ہمدردی اور یکجہتی پاک جرمن دوستی کا مظہر ہے۔ دونوں ممالک جمہوریت، برداشت اور پارلیمانی طرزِ حکمرانی پر یقین رکھتے ہیں جو ترقی و امن کی بنیاد ہیں۔
وزیراعلیٰ نے کہا کہ دِریا تُرک نَخباؤر کا کام شمولیتی پالیسی سازی، صنفی مساوات اور انسانی حقوق کے فروغ کی شاندار مثال ہے۔
تربیتی ورکشاپس اور پارلیمانی تبادلوں کی تجویز
مریم نواز نے فریڈرک ایبرٹ فاؤنڈیشن کے تحت قانون سازوں، نوجوان رہنماؤں اور خواتین ارکانِ اسمبلی کے لیے تربیتی ورکشاپس منعقد کرنے کی تجویز دی۔ ان کا کہنا تھا کہ پارلیمانی تبادلوں سے خود مختاری کے جرمن ماڈل سے سیکھنے کا موقع ملے گا۔
انہوں نے کہا کہ جرمنی 1951 سے پاکستان کا قابلِ اعتماد ترقیاتی شراکت دار ہے اور پنجاب میں ماحولیات، توانائی، صحت، تربیت اور خواتین کے معاشی کردار کے فروغ میں اہم کردار ادا کیا ہے۔
وزیراعلیٰ نے نوجوانوں کی روزگار صلاحیت میں اضافے کے لیے جرمنی کے ڈوال ووکشینل ٹریننگ ماڈل کو اپنانے کی خواہش کا اظہار کیا۔
تجارتی تعلقات میں خوش آئند پیشرفت
مریم نواز نے کہا کہ پاکستان اور جرمنی کے درمیان تجارت 2024 میں 3.6 ارب امریکی ڈالر تک پہنچنا خوش آئند ہے۔ پنجاب جرمنی کی قابلِ تجدید توانائی، زرعی ٹیکنالوجی، آئی ٹی سروسز اور کلین مینوفیکچرنگ میں سرمایہ کاری کا خیرمقدم کرتا ہے۔
یہ بھی پڑھیں:ہتھیار اٹھانے والی جماعت سیاسی یا مذہبی نہیں رہتی، مریم نواز ٹی ایل پی کے خلاف کھل کر بول پڑیں
انہوں نے کہا کہ تعلیم حکومتِ پنجاب کے اصلاحاتی ایجنڈے کا بنیادی ستون ہے، نصاب کی جدت، ڈیجیٹل لرننگ اور عالمی تحقیقی روابط پر کام جاری ہے۔ 10 ہزار سے زائد پاکستانی طلبہ جرمن جامعات میں زیرِ تعلیم ہیں۔
مریم نواز نے کہا کہ ای بائیک اسکیم، ہونہار اسکالرشپ پروگرام اور ویمن اینکلیوز جیسے منصوبے خواتین کی باعزت معاشی شرکت کو یقینی بنا رہے ہیں۔
انہوں نے کہا کہ بادشاہی مسجد، لاہور قلعہ، شالامار گارڈن اور داتا دربار پنجاب کے مشترکہ تہذیبی ورثے کی علامت ہیں۔ ثقافتی تعاون مؤثر سفارت کاری ہے اور ہم جرمن اداروں کے ساتھ مشترکہ فن و ثقافت منصوبوں کا خیرمقدم کرتے ہیں۔
وزیراعلیٰ مریم نواز نے کہا کہ پاکستان اور جرمنی امن، ترقی اور انسانی وقار کی مشترکہ اقدار کے حامل ہیں، اور پارلیمانی روابط و پائیدار ترقی کے ذریعے دوستی کو مزید مضبوط بنانے کے لیے پُرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرمن پارلیمنٹ جرمنی دِریا تُرک نَخباؤر مریم نواز وزیراعلٰی پنجاب
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا