چیف جسٹس سے سینئر وکلا کی ملاقات، انصاف تک رسائی مضبوط بنانے کیلئے اہم اعلان
اشاعت کی تاریخ: 20th, February 2025 GMT
اسلام آباد:
چیف جسٹس یحییٰ آفریدی نے سینئر وکلا کو یقین دہانی کرائی ہے کہ وہ "رسائی برائے انصاف" پروگرام کے تحت ان کے مسائل کے حل کے لیے پرعزم ہیں اور انصاف تک رسائی مضبوط بنانے کے لیے ہزارہ ڈویژن کے دور دراز علاقوں کا دورہ کرنے کا اعلان کردیا۔
سپریم کورٹ سے جاری اعلامیے کے مطابق چیف جسٹس یحییٰ آفریدی سے ہزارہ ڈویژن کے سینئر وکلا نے ملاقات کی، ہزارہ ڈویژن بار ایسوسی ایشنز کے سینئر وکلا کے وفد کی قیادت بار کے صدر سردار امان نے کی۔
اعلامیے میں کہا گیا کہ چیف جسٹس نے وفد کا خیرمقدم کیا اور انصاف تک رسائی مضبوط بنانے کے لیے ہزارہ ڈویژن کے دور دراز علاقوں کا دورہ کرنے کا اعلان کردیا۔
چیف جسٹس یحییٰ آفریدی نے کہا کہ عدلیہ اور وکلا کی اجتماعی دانش اور کردار ایک مؤثر عدالتی نظام کے لیے ناگزیر ہے، وکلا اور عدلیہ کا باہمی تعاون قانون کی حکمرانی کو برقرار رکھنے کے لیے بنیادی حیثیت رکھتا ہے۔
اعلامیے کے مطابق چیف جسٹس نے کہا کہ وکلا برادری کے تعاون کے بغیر منصفانہ اور مؤثر عدالتی نظام کے مقصد کو حاصل نہیں کیا جا سکتا۔
سینئر وکلا کے وفد نے چیف جسٹس کا شکریہ ادا کیا اور چیف جسٹس کو ہزارہ ڈویژن بار ایسوسی ایشنز اور سائلین کو درپیش چیلنجز اور وکلاء کی استعداد کار بڑھانے کے اقدامات سے آگاہ کیا۔
چیف جسٹس نے وفد کو یقین دلایا کہ وہ "رسائی برائے انصاف" پروگرام کے تحت ان کے مسائل کے حل کے لیے پرعزم ہیں اور فیڈرل جوڈیشل اکیڈمی اپنی ویب سائٹ پر تربیتی پروگرامز اپلوڈ کر چکی ہے، ہزارہ بار ڈویژن کے وکلا ان کورسز سے مستفید ہو کر اپنی قانونی مہارت اور پیشہ ورانہ ترقی کو فروغ دے سکتے ہیں۔
.ذریعہ: Express News
کلیدی لفظ: ہزارہ ڈویژن سینئر وکلا چیف جسٹس ڈویژن کے کے لیے
پڑھیں:
پنجاب میں شجرکاری کا بڑا اعلان، صوبے کو سرسبز بنانے کا جامع پلان تیار
راولپنڈی:وزیراعلیٰ پنجاب مریم نواز شریف کی ہدایات کی روشنی میں پنجاب کو سرسبز بنانے کے لئے جامع پلان تشکیل دے دیا گیا جس کے تحت پنجاب بھر میں گرین پروگرام کے تحت وسیع پیمانے پر شجرکاری اور ماحولیاتی منصوبے شروع کیے جائیں گے ۔
تفصیلات کے مطابق وزیراعلیٰ پنجاب پلانٹ فار پاکستان انیشی ایٹو کے تحت 50,869 ایکڑ رقبے پر 4 کروڑ 20 لاکھ درخت لگانے کا جامع منصوبہ بنایا گیا ہے جبکہ وزیراعلیٰ ایگرو فاریسٹری انیشی ایٹو کے تحت جنگلات کے غیر استعمال شدہ 3,790 ایکڑ رقبے پر تقریباً 13 لاکھ 75 ہزار درخت لگائے جائیں گے۔
اس بارے میں پنجاب کے بڑے شہروں راولپنڈی ، ملتان، لاھور، فیصل آباد سیالکوٹ، گجرات، ساہیوال میں موجود سرکاری زمنیوں پر شجر کاری کی جائے گی جبکہ مقامی ضلعی انتظامیہ کے زیر کنٹرول علاقوں میں شجر کاری سارا سال کی جائے گی۔ دنیا بھر کی طرح پاکستان بھی موسمیاتی تبدیلی کا شکار ہوگیا ہے، میدانی علاقوں کے ساتھ ساتھ پہاڑی علاقوں میں درجہ حرارت بڑھ گیا ہے۔
رکن قومی اسمبلی بریسٹر دانیال چوہدری کا کہنا ہے کہ شجر کاری کے ذریعے موسمیاتی تبدیلی کا مقابلہ کیا جاسکتا ہے، وزیراعلیٰ پلانٹ فار پاکستان انیشی ایٹو ایک شاندار اقدام ہے۔
ایکسپریس سے گفتگو کرتے ہوئے انہوں نے کہا کہ راولپنڈی شہر اور کینٹ میں شجر کاری نہ ہونے کے برابر ہے، فینسی پودوں کے علاوہ مقامی درختوں کی شجر کاری اہم ترین ہے، پارکس اینڈ ہارٹیکلچر راولپنڈی کو راولپنڈی شہر اور کینٹ کی مرکزی اور چھوٹی سڑکوں کے پاس زیادہ سے زیادرخت لگانے چاہیے تاکہ وزیراعلیٰ پلانٹ فار پاکستان انیشی ایٹو پروگرام کو کامیاب کیا جاسکے۔
مسلم لیگ ن کے رہنما چوہدری تنویر کا قتل کیس میں 2 روزہ جسمانی ریمانڈ منظور