گھر پر پیش آیا فلمی منظر،جب ہمایوں سعید کو ’دیوانی مداح‘ سے اہلیہ نے بچایا
اشاعت کی تاریخ: 5th, October 2025 GMT
معروف اداکار و پروڈیوسر ہمایوں سعید نے اپنے کیریئر کے دوران پیش آنے والے ایک دلچسپ اور حیران کن واقعے کا انکشاف کیا ہے۔
ایک ٹی وی پروگرام ’ہسنا منع ہے‘ میں گفتگو کرتے ہوئے انہوں نے بتایا کہ ان کی اہلیہ، پروڈیوسر ثمینہ ہمایوں سعید نے ایک موقع پر انہیں ایک ’دیوانی مداح‘ سے بچایا۔
یہ بھی پڑھیں:ہمایوں سعید نے ٹیلنٹ ہنٹ پروگرام کا آغاز کردیا
ہمایوں سعید کے مطابق ایک روز ایک خاتون مداح ان کے گھر پہنچ گئی اور اصرار کرنے لگی کہ وہ انہیں اپنا شوہر سمجھتی ہے اور ان سے شادی کرنا چاہتی ہے۔
اداکار کے بقول میں اتنا حیران رہ گیا کہ فوراً اوپر گیا اور اپنی بیوی ثمینہ کو بلایا کہ آ کر مجھے اس صورتحال سے نکالو۔
ثمینہ ہمایوں نیچے آئیں، مداح سے بات کی، اور معاملہ بخیر انجام پا گیا۔
ہمایوں سعید نے پروگرام میں اپنی جوانی کے دنوں کی ایک اور یاد بھی شیئر کی، جب وہ 18 سال کی عمر میں ایک لڑکی سے محبت کرتے تھے۔ وہ اپنے چچا کے گھر بطور اُستاد جاتے اور چھت پر چڑھ کر اس لڑکی کی ایک جھلک دیکھنے کی کوشش کرتے۔
ایک موقع پر تو وہ اس لڑکی کو دیکھنے کے لیے ٹرین میں سوار ہو کر حیدرآباد تک چلے گئے۔
اداکار نے کہا کہ ان دنوں وہ ابھی ثمینہ سے نہیں ملے تھے، لیکن آج وہ اپنی کامیابی اور زندگی میں نظم و ضبط کا کریڈٹ اپنی اہلیہ کو دیتے ہیں، جنہوں نے ہمیشہ ان کے ساتھ کھڑے رہ کر ان کی زندگی کو ایک بہتر سمت دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ثمینہ دیوانی مداح ہسنا منع ہے ہمایوں سعید.ذریعہ: WE News
کلیدی لفظ: دیوانی مداح ہسنا منع ہے ہمایوں سعید ہمایوں سعید نے
پڑھیں:
خوشحال سندھ کے عوام کی حالت زار ناقص گورننس کی بدترین مثال ہے، کاشف سعید شیخ
اجلاس سے خطاب میں جماعت اسلامی سندھ کے امیر نے کہا کہ نومبر میں لاہور میں جماعت اسلامی کا اجتماع تاریخی ثابت ہوگا۔ اسلام ٹائمز۔ جماعت اسلامی سندھ کے امیر کاشف سعید شیخ نے کہا ہے کہ خوشحال سندھ کے عوام کی حالت زار ناقص گورننس کی بدترین مثال ہے، پیپلز پارٹی کی سندھ حکومت کو بتانا چاہیے کہ 2000 ارب روپے سے زائد خرچ کرنے کے باوجود سندھ کے عوام کی حالت زار اور محرومیوں کا شکار کیوں ہیں؟ ان خیالات کا اظہار انہوں نے قبا آڈیٹوریم کراچی میں منعقدہ برادر تنظیموں کے اجلاس سے خطاب کرتے ہوئے کیا۔ اجلاس میں جماعت اسلامی سندھ کے جنرل سیکریٹری محمد یوسف، ڈپٹی جنرل سیکریٹری نواب مجاہد بلوچ، مولانا آفتاب ملک، سہیل احمد شارق سمیت وکلاء، مزدوروں، علمائے کرام اور طلبہ تنظیموں کے صوبائی عہدیداروں نے شرکت کی۔ اجلاس میں اجتماع عام کی تیاریوں اور عوام کی شرکت کے حوالے سے منصوبہ بندی کی گئی۔
کاشف سعید شیخ نے کہا کہ اس جدید دور میں بھی سندھ کے عوام پینے کے صاف پانی، سڑکوں، صحت اور تعلیم جیسی بنیادی سہولتوں سے محروم ہیں، جس کی وجہ سے خطرناک بیماریاں پھیل رہی ہیں۔ انہوں نے کہا کہ سندھ کا دارالحکومت کراچی بھی موئن جو دڑو بنا ہوا ہے، شہر کا انفرااسٹکچر اور سڑکیں تباہ ہیں، ٹرانسپورٹ کا کوئی نظام نہیں، مگر شہریوں کا چالان بھی ہوگا اور بھاری جرمانے بھی یہ سراسر ظلم ہے۔ انہوں نے کہا کہ ضلع گھوٹکی صنعتی زون ہونے کے باوجود مقامی لوگوں کو نظر انداز کرنا سندھ کے لوگوں کے ساتھ ناانصافی اور حکومتی نااہلی کا واضح ثبوت ہے۔ صوبائی امیر نے کہا کہ نومبر میں مینار پاکستان لاہور پر ہونے والا جماعت اسلامی کا اجتماع عام تاریخی ثابت ہوگا، برادر تنظیموں کے قائدین اجتماع کی کامیابی کیلئے اپنا بھرپور کردار ادا کریں۔
ہم عوام کے لیے کام کرتے ہیں،ان کوریلیف دیناہماری ترجیح ہے،شازیہ مری کامریم نوازکوجواب