سبی میں تنظیم کی مضبوطی اور فعالیت ضروری ہے، علامہ ظفر عباس شمسی
اشاعت کی تاریخ: 19th, November 2025 GMT
صوبائی ورکنگ کمیٹی کے اراکین علامہ ظفر عباس شمسی اور علامہ سہیل شیرازی نے سبی کا دورہ کیا۔ جہاں تنظیمی ڈھانچہ کی فعالیت پر اجلاس منعقد ہوئی۔ اسلام ٹائمز۔ مجلس وحدت مسلمین جنوبی بلوچستان کی ورکنگ کمیٹی کے اراکین علامہ سید ظفر عباس شمسی اور علامہ سہیل اکبر شیرازی نے آج ضلع سبی کا اہم تنظیمی دورہ کیا۔ اس موقع پر ضلع کی تنظیمی صورتحال، یونٹس کی کارکردگی اور آئندہ حکمت عملی کا تفصیلی جائزہ لیا گیا۔ دورے کے دوران ضلع سبی کی ورکنگ کمیٹی تشکیل دی گئی، جس کے تحت سید آفتاب علی شاہ نقوی کو ضلعی ورکنگ کمیٹی کا آرگنائزر مقرر کیا گیا۔ ان کے علاوہ عباس علی، علی لاشاری، سیفل خان اور عابد علی لاشاری کو رکن ورکنگ کمیٹی منتخب کیا گیا۔ اجلاس کے موقع پر تنظیمی اراکین سے خطاب کرتے ہوئے علامہ سید ظفر عباس شمسی نے کہا کہ سبی میں تنظیم کی مضبوطی اور فعالیت وقت کی اہم ضرورت ہے۔
انہوں نے ہدایت کی کہ تمام یونٹس کی تجدید و تشکیل نو فوری طور پر کی جائے۔ تنظیم کو عوامی سطح پر فعال، منظم اور متحرک بنایا جائے۔ کارکنان کے مابین روابط، باہمی تعاون اور تنظیمی ذمہ داریوں کو مزید مضبوط کیا جائے۔ اس موقع پر ایم ڈبلیو ایم رہنماء علامہ سہیل اکبر شیرازی نے خطاب کرتے ہوئے کہا کہ مجلس وحدت مسلمین ایک منظم اور مربوط تنظیمی ڈھانچے کے ذریعے ہی اپنی جدوجہد کو موثر بنا سکتی ہے۔ تنظیمی ساخت کا بنیادی مقصد یہ ہے کہ ہر ضلع، تحصیل اور یونٹ اپنی ذمہ داریوں کو مربوط انداز میں انجام دے سکے۔ فعال یونٹس مقامی مسائل کو بہتر سمجھتے ہیں اور تنظیمی پالیسیوں کو عوامی سطح تک پہنچاتے ہیں۔ منظم تنظیم ہی کسی بھی فکری و سیاسی جدوجہد کو آگے بڑھانے اور میدان میں عملی کردار ادا کرنے کی صلاحیت رکھتی ہے۔
ذریعہ
ذریعہ: Islam Times
کلیدی لفظ: ورکنگ کمیٹی
پڑھیں:
کالم نگار کو بیوروکریسی کے بارے میں مبینہ ریمارکس پر نوٹس صرف مؤقف حاصل کرنے کے لیے جاری کیا گیا تھا، اس پر کوئی ایف آئی آر درج نہیں کی گئی، سینیٹ کی قائمہ کمیٹی برائے اطلاعات و نشریات کے اجلاس میں این سی سی آئی کی بریفنگ
اسلام آباد (ڈیلی پاکستان آن لائن)سینیٹر سرمد علی کی قائم مقام صدارت میں پی ٹی وی ہیڈ کوارٹر اسلام آباد میں سینیٹ کی قائمہ کمیٹی برائے اطلاعات و نشریات کا اجلاس منعقد ہوا جس میں این سی سی آئی اے کی جانب سے سوشل میڈیا کے اعداد و شمار اور میٹا کی جانب سے قابلِ اعتراض مواد ہٹانے کے حوالے سے بریفنگ دی گئی۔ این سی سی آئی اے نے واضح کیا کہ اس سے قبل کمیٹی کو جو اعداد و شمار فراہم کیے گئے تھے، وہ میٹا کے عوامی سطح پر دستیاب ڈیٹا پر مبنی تھے۔ کمیٹی نے اس وضاحت کو قبول کیا اور تصدیق شدہ حقائق کی بنیاد پر ذمہ دارانہ رپورٹنگ کی ضرورت پر زور دیا۔
کمیٹی نے بیوروکریسی کے بارے میں مبینہ متنازعہ ریمارکس پر ایک اخبار کے کالم نگار کو نوٹس جاری کرنے کے معاملے کا بھی جائزہ لیا۔ این سی سی آئی اے نے کمیٹی کو بتایا کہ یہ نوٹس پاس (PAS) افسران ایسوسی ایشن کے صدر کی طرف سے درج کرائی گئی شکایات کے بعد صرف کالم نگار کا مؤقف حاصل کرنے کے لیے جاری کیا گیا تھا۔ مزید آگاہ کیا گیا کہ پیکا کے تحت کوئی ایف آئی آر درج نہیں کی گئی، کالم نگار نے تاحال نوٹس کا جواب نہیں دیا، اور یہ مضمون اخبار کے ای پیپر سے ہٹا دیا گیا ہے، اگرچہ یہ کالم نگار کے فیس بک پیج پر اب بھی دستیاب ہے۔
سینیٹ کی قائمہ کمیٹی برائے اطلاعات و نشریات کا اجلاس،فلم "بلھا" پر پابندی یا نام تبدیلی کی سفارش، صحافیوں کے ہاؤسنگ کوٹے اور پیکا کیسز پر اہم فیصلے
بحث کے دوران اراکین نے پارلیمنٹ میں دی گئی حکومت کی اس یقین دہانی کو دہرایا کہ پیکا کا استعمال اخبارات اور ٹیلی ویژن کی ویب سائٹس یا ڈیجیٹل پلیٹ فارمز کے خلاف نہیں کیا جائے گا کیونکہ ان کے منظم کردہ مواد کو بالترتیب پریس کونسل اور پیمرا کنٹرول کرتے ہیں۔ سینیٹر پرویز رشید نے اس بات پر زور دیا کہ حقائق واضح کرنے کے لیے کالم نگار کو نوٹس کا جواب دینے کا کہا جائے۔ کمیٹی نے متفقہ طور پر مشاہدہ کیا کہ ہر فرد کی عزت اور تقدس کا احترام کیا جانا چاہیے۔ مشاورت کے بعد، قائم مقام چیئرمین نے این سی سی آئی اے کو ہدایت کی کہ وہ شکایت اور شکایات کنندہ دونوں کو پریس کونسل آف پاکستان کے پاس بھیجیں، جو کہ شائع شدہ کالم کا جائزہ لینے اور اس معاملے پر فیصلہ کرنے والا مناسب فورم ہے۔
کمیٹی نے صوبائی حکام سے پیکا کے مقدمات کی این سی سی آئی اے کو منتقلی کا بھی جائزہ لیا۔ سینیٹر وقار مہدی کے سوال پر این سی سی آئی اے کے حکام نے کمیٹی کو بتایا کہ سندھ سے اب تک صرف نو مقدمات منتقل کیے گئے ہیں، جبکہ دیگر صوبوں میں مقدمات کی منتقلی کا عمل ابھی باقی ہے۔ تفصیلی غوروخوض کے بعد، سینیٹر سرمد علی نے ہدایت کی کہ تمام متعلقہ صوبائی حکام کو خطوط بھیجے جائیں تاکہ عمل درآمد کے لیے سینیٹ کی ذیلی کمیٹی برائے اطلاعات و نشریات کی سفارشات اور رپورٹ کے ساتھ زیر التوا مقدمات کی منتقلی کو تیز کیا جا سکے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی