لال قلعہ دھماکے میں ہلاک کشمیری نوجوان سرینگر میں سپرد خاک
اشاعت کی تاریخ: 19th, November 2025 GMT
میاں مہر علی نے کشمیری باشندوں کو نشانہ بنائے جانے کی مذمت کرتے ہوئے کہا کہ پوری کشمیری قوم کو سزا نہیں دی جانی چاہئے کیونکہ کشمیری قوم دہشتگردی نہیں ہے۔ اسلام ٹائمز۔ دہلی کے لال قلعے میں 10 نومبر کو بم دھماکے میں جاں بحق ہوئے کشمیری نوجوان کی جسد خاکی آج وسطی کشمیر کے گاندربل ضلع پہنچائی گئی جہاں مرحوم کو آبائی علاقہ بابا نگری، وانگتھ میں پر نم آنکھوں کے ساتھ سپرد لحد کیا گیا۔ مرحوم کی آخری رسومات میں سینکڑوں مقامی شہریوں نے شرکت کی۔ دہلی بم دھماکے میں فوت ہونے والوں میں بلال احمد سنگو بھی شامل تھے۔ وسطی کشمیر کے گاندربل ضلع سے تعلق رکھنے والا یہ نوجوان برسوں سے دہلی میں مزدوری کرکے اپنے اور اہل خانہ کے لئے نان شبینہ کا انتظام کر رہا تھا۔ آج صبح بلال کی جسد خاکی بابا نگری، گاندربل پہنچائی گئی جہاں اسے پر نم آنکھوں کے ساتھ سپرد خاک کیا گیا۔
بلال احمد کے اہل خانہ کا کہنا ہے کہ 10 نومبر کو ہوئے دھماکے کے بعد سے ان کا کا بلال کے ساتھ رابطہ منقطع ہوگیا تھا اور وہ اس کی عافیت کے حوالہ سے کافی پریشان تھے۔ مقامی باشندوں نے بتایا کہ تصویر وائرل ہونے کے بعد ہی وہ بلال کی شناخت کر پائے اور اس کی اطلاع انہوں نے مقامی پولیس اسٹیشن کو دی۔ مقامی باشندوں نے حکام سے متوفی کے اہل خانہ کی امداد کرنے کی اپیل کی ہے۔ ادھر کنگن کی ممبر اسمبلی میاں مہر علی نے بھی نماز جنازہ میں شرکت کی اور لواحقین کی ڈھارس بندھائی۔
بعد ازاں میڈیا نمائندوں کے ساتھ بات کرتے ہوئے ایم ایل اے نے کہا کہ دلسوز واقعے میں بلال احمد فوت ہوگیا اور لوگوں کو یہ معلوم ہونا چاہیئے کہ دہشتگردی کے متاثر سبھی ہیں اور خاص طور پر کشمیری قوم بھی۔ انہوں نے کشمیری باشندوں کو نشانہ بنائے جانے کی مذمت کرتے ہوئے کہا کہ جموں و کشمیر کے وزیراعلیٰ عمر عبداللہ نے بھی اس حوالہ سے واضح کیا ہے کہ پوری کشمیری قوم کو سزا نہیں دی جانی چاہیئے کیونکہ کشمیری قوم دہشت گردی نہیں ہے۔
ذریعہ
ذریعہ: Islam Times
کلیدی لفظ: کے ساتھ
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی