چین کے سابق وزیر زراعت کو رشوت لینے پر سزائے موت سنا دی گئی
اشاعت کی تاریخ: 29th, September 2025 GMT
چین کے سابق وزیر برائے زراعت و دیہی امور تانگ رینجیان کو بدعنوانی کے سنگین الزامات ثابت ہونے پر سزائے موت سنا دی گئی ہے۔
چین کے سرکاری میڈیا نے سابق وزیر زراعت کو رشوت لینے کے جرم میں سزائے موت کی تصدیق کردی۔
یہ بھی پڑھیں: چینی سرمایہ کاروں کا عدالت سے رجوع، سندھ حکومت اور پولیس کا ردعمل سامنے آگیا
رپورٹس کے مطابق تانگ رینجیان کو 2 سال کی معطلی کے ساتھ سزائے موت سنائی گئی ہے، جس کا مطلب ہے کہ اگر وہ اس مدت کے دوران کوئی سنگین جرم نہیں کرتے تو سزائے موت پر عملدرآمد مؤخر رہ سکتا ہے۔
چین میں بدعنوانی کے بڑے مقدمات میں جہاں ملزم تعاون کرتا ہے، اس طرح کی سزا عام قانونی روایت کا حصہ ہے۔
عدالت نے نہ صرف ان کے تمام سیاسی حقوق منسوخ کر دیے بلکہ ذاتی جائیداد ضبط کرنے کا حکم بھی جاری کیا۔ اس کے ساتھ ساتھ رشوت کے ذریعے حاصل کیے گئے تمام غیر قانونی اثاثے ریاست کے حوالے کرنے کی بھی ہدایت دی گئی۔
عدالتی فیصلے میں کہا گیا ہے کہ 2007 سے 2024 کے درمیان تانگ رینجیان نے مرکزی اور صوبائی سطح پر اپنے سرکاری اختیارات کا غلط استعمال کرتے ہوئے مختلف افراد کو کاروباری معاہدے، نوکریوں میں ترقی اور منصوبوں کی منظوری دلوانے میں غیر قانونی مدد فراہم کی۔ اس کے عوض انہیں 268 ملین یوآن (قریباً 38 ملین امریکی ڈالر) رشوت میں دیے گئے۔
عدالت نے اپنے فیصلے میں کہاکہ تانگ کی سرگرمیوں سے عوامی مفاد اور ریاستی اداروں کو شدید نقصان پہنچا، جس کی بنا پر سزائے موت دی گئی۔ تاہم چونکہ ملزم نے اپنے جرائم کا اعتراف کیا، تفتیش میں مکمل تعاون کیا اور غیر قانونی دولت واپس کی، اس لیے عدالت نے رعایت دیتے ہوئے سزا کو 2 سال کے لیے معطل کردیا۔
یہ بھی پڑھیں: سابق تبتی کمیونسٹ پارٹی سربراہ وویِنگ جے کو بدعنوانی پر سزائے موت (معطل) سنا دی گئی
یہ مقدمہ چین میں جاری انسداد بدعنوانی مہم کا حصہ ہے، جس کے تحت حالیہ برسوں میں متعدد اعلیٰ عہدیداروں کو انصاف کے کٹہرے میں لایا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بدعنوانی چین رشوت سابق وزیر زراعت سزائے موت وی نیوز.ذریعہ: WE News
کلیدی لفظ: بدعنوانی چین رشوت سزائے موت وی نیوز پر سزائے موت
پڑھیں:
سیلاب سے نقصانات، فی الحال عالمی امداد نہ لینے کا فیصلہ کیا ہے، وفاقی وزیر خزانہ
پشاور میں پاکستان بزنس سمٹ سے خطاب کرتے ہوئے وفاقی وزیر خزانہ نے کہا کہ اس وقت سیلاب کے دوران عالمی امداد کے لیے نہیں جائیں گے، جب مکمل نقصانات کا اندازہ ہو تب عالمی برادری کے پاس تعمیر نو کے لیے رجوع کریں گے۔ سیلاب میں صوبوں نے امدادی اور بحالی سرگرمیوں میں اہم کردار ادا کیا۔ اسلام ٹائمز۔ وفاقی وزیر خزانہ محمد اورنگزیب کا کہنا ہے کہ سیلاب کے نقصانات سے متعلق فیصلہ کیا ہے کہ فوراً امداد نہیں مانگیں گے، کوشش ہے کہ پہلے سیلاب متاثرہ علاقوں میں اپنے زور بازو معاملات ٹھیک کریں۔ پشاور میں پاکستان بزنس سمٹ سے خطاب کرتے ہوئے وفاقی وزیر خزانہ نے کہا کہ اس وقت سیلاب کے دوران عالمی امداد کے لیے نہیں جائیں گے، جب مکمل نقصانات کا اندازہ ہو تب عالمی برادری کے پاس تعمیر نو کے لیے رجوع کریں گے۔ سیلاب میں صوبوں نے امدادی اور بحالی سرگرمیوں میں اہم کردار ادا کیا۔ محمد اورنگزیب نے کہا کہ وزیر اعظم، فیلڈ مارشل، نائب وزیر اعظم اور وزیر منصوبہ بندی احسن اقبال اور دیگر وفود نے نیویارک، بیجنگ اور دیگر ممالک کے دورے کیے۔ ان دوروں سے ملک میں سرمایہ کاری اور تجارت کو فروغ ملے گا اور معشیت مضبوط ہوگی۔
انہوں نے کہا کہ تین عالمی ریٹنگ ایجنسیوں نے ہمیں اَپ گریڈ کیا ہے تو اس سے کمرشل بینکوں اور عالمی اداروں کے ساتھ فنڈز کے معاملات میں مدد ملے گی۔ اگر ہم نے اپنے وسائل پر صحیح کام کیا تو 2047 تک عالمی بینک کے مطابق تین ٹریلین معشیت بن سکتے ہیں۔ وزیر خزانہ نے کہا کہ آبادی اور موسمیاتی تبدیلی کنٹرول ہو تو آگے جا سکتے ہیں۔ وزیر اعظم نے 300 روزہ پلان بنانے کا کہا ہے، جس پر وزارت خزانہ، وزرات موسمیاتی تبدیلی اور دیگر ادارے کام کر رہے ہیں۔ معاشی استحکام کے لیے شارٹ ٹرم اور لانگ ٹرم اقدامات کر رہے ہیں۔
پی سی بی کا سوریا کمار یادیو کے بعد ارشدیپ سنگھ کیخلاف ایکشن