30 ایوارڈز حاصل کرنے والی وہ فلم جس کو کاجول اور اجے دیوگن نے ٹھکرا کر غلطی کی
اشاعت کی تاریخ: 27th, February 2025 GMT
سن 2004 میں یش چوپڑا نے ویر زارا کے ساتھ ہدایتکاری کی دنیا میں واپسی کی، جو ہندوستان اور پاکستان کے پس منظر پر مبنی ایک محبت کی کہانی ہے مگر کیا آپ جانتے ہیں اس فلم کیلئے پہلے اجے اور کاجول کو کاسٹ کرنے کی تجویر دی گئی تھی۔
ویر زارا میں شاہ رخ خان کو بھارتی فضائیہ کے افسر ویر پرتاپ سنگھ اور پریتی زنٹا نے پاکستانی لڑکی زارا حیات خان کا کردار ادا کیا تھا۔ اس سرحد پار رومانس نے شائقین کے دلوں پر قبضہ کر لیا اور یہ فلم دنیا بھر سے 105 کروڑ روپے کما کر ایک بلاک بسٹ ثابت ہوئی۔
اطلاعات کے مطابق یش چوپڑا آدتیہ چوپڑا کی بلاک بسٹر فلم دل والے دلہنیا لے جائیں گے میں کامیاب جوڑی کے طور پر اُبھرنے کے بعد شاہ رخ خان اور کاجول کو ایک ساتھ کاسٹ کرنا چاہتے تھے۔ تاہم کاجول نے نامعلوم وجوہات کی بنا پر اس کردار سے انکار کر دیا اور فلم بالآخر پریتی زنٹا کے مقدر میں آ گئی۔
فلم ویر زارا میں رانی مکھرجی نے پاکستانی وکیل سمیعہ صدیقی کا معاون کردار ادا کیا تھا۔ یش چوپڑا شروع میں اس کردار کے لیے ایشوریہ رائے کو کاسٹ کرنا چاہتے تھے۔ لیکن اس وقت سلمان خان کے ساتھ ان کے خراب تعلقات اور سیٹ پر ان کی مسلسل مداخلت کی وجہ سے انہیں چلتے چلتے اور ویر زارا کو چھوڑنا پڑا، اور ان کی جگہ رانی مکھرجی نے دونوں فلموں میں لے لی۔
منوج باجپائی نے یش چوپڑا کی اس روم کام ویر زارا میں زارا کے منگیتر رضا شیرازی کا ایک چھوٹا کردار بھی ادا کیا۔ لیکن، یہ کردار سب سے پہلے اجے دیوگن کو آفر کیا گیا تھا۔ تاہم اجے نے بھی اسے مسترد کر دیا، کیونکہ وہ اپنے ہم عصر شاہ رخ خان کے مقابل مہمان کے کردار میں نظر نہیں آنا چاہتے تھے۔
.
ذریعہ: Express News
پڑھیں:
پریانکا چوپڑا عالمی سازش کے خلاف مشن پر نکل پڑیں
بالی ووڈ اور ہالی ووڈ اسٹار پریانکا چوپڑا اور جان سینا کی فلم ’ہیڈز آف اسٹیٹ‘ کا ٹریلر جاری کر دیا گیا ہے۔
اس فلم میں پریانکا چوپڑا عالمی سازش کے خلاف مشن پر ایکشن کرتی نظر آئیں گی۔ ایکشن سے بھرپور اس فلم میں کامیڈی کا تڑکہ بھی ہوگا۔
بڑے پردے پر یہ فلم 2 جولائی کو ریلیز ہوگی جس میں پریانکا چوپڑا، جان سینا، ادریس ایلبر اور جیک کوائیڈ اہم کرداروں میں نظر آئیں گے۔ فلم کی ہدایت کاری ایلیا نیشولر نے کی ہے۔
ہیڈ آف اسٹیٹ کی کہانی امریکی صدر (جان سینا) اور برطانوی وزیر اعظم (ادریس ایلبر) کے گرد گھومتی ہے جو دشمن علاقے میں پھنس جاتے ہیں۔ پریانکا چوپڑا ایم آئی 6 ایجنٹ ’نوئل بِسے‘ کا کردار ادا کر رہی ہیں، جو ان دونوں رہنماؤں کو بچانے اور ایک بین الاقوامی سازش کو روکنے کی مہم پر نکلتی ہیں۔
ٹریلر میں مزاحیہ اور سنسنی خیز مناظر شامل ہیں، جن میں ہوائی جہاز پر حملہ، رہنماؤں کی جان بچانا، اور پھر دنیا کو بچانے کے لیے ان کا اتحاد دکھایا گیا ہے۔
ہیڈز آف اسٹیٹ 2 جولائی کو پرائم ویڈیو پر انگریزی کے ساتھ ہندی، تمل، تیلگو اور ملیالم زبانوں میں ریلیز کی جائے گی۔
یاد رہے کہ پریانکا چوپڑا کے کیریئر میں سال 2025 خاص اہمیت رکھتا ہے۔ وہ جلد ہی ایس ایس راجمولی کی فلم SSMB29 میں مہیش بابو کے ساتھ نظر آئیں گی، جو ان کی تقریباً 20 سال بعد تیلگو سینما میں واپسی ہوگی۔ اس کے علاوہ وہ The Bluff اور Citadel سیزن 2 میں بھی جلوہ گر ہوں گی۔
علی ترین کے بعد پی ایس ایل ماڈل پر ایک اور فرنچائز اونر نے سوال اٹھادیا