جے یو آئی قائد حزب اختلاف کےلئے پی ٹی آئی کےامیدوار محمود خان اچکزئی کی حمایت پررضا مند
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: جمعیت علمائے اسلام (ف) نے قومی اسمبلی میں قائد حزب اختلاف کے عہدے کے لیے پختونخوا ملی عوامی پارٹی کے محمود خان اچکزئی کو نامزد کرنے پر پاکستان تحریک انصاف (پی ٹی آئی) کی حمایت کرنے پر اتفاق کر لیا۔
جے یو آئی (ف) کی جانب سے آج ایکس پر جاری بیان میں کہا گیا ہے کہ پی ٹی آئی کا ایک وفد اسلام آباد میں مولانا فضل الرحمٰن کی رہائش گاہ پر پہنچا ، وفد میں اسد قیصر، پی ٹی آئی خیبر پختونخوا کے صدر جنید اکبر، اور شہرام خان ترکئی شامل تھے، جبکہ جے یو آئی (ف) کے سربراہ کے ہمراہ مولانا صلاح الدین ایوبی، ایڈووکیٹ جلال الدین، اور ان کے صاحبزادے مولانا اسجد محمود موجود تھے۔
ملاقات کے دوران جے یو آئی (ف) نے پختونخوا ملی عوامی پارٹی کے سربراہ اور پاکستان تحریک انصاف کے قومی اسمبلی میں امیدواربرائے قائد حزب اختلاف کےلئے محمود خان اچکزئی کی نامزدگی کی حمایت پر رضامندی ظاہر کی۔
واضح رہے کہ قومی اسمبلی کے ایوان زیریں میں قائد حزب اختلاف کی نشست 5 اگست کو پی ٹی آئی کے عمر ایوب خان کی نااہلی کے بعد سے خالی ہے۔
ذریعہ: Jasarat News
کلیدی لفظ: قائد حزب اختلاف جے یو ا ئی پی ٹی ا ئی
پڑھیں:
مدارس جدید چیلنجز کا بھرپور مقابلہ کررہے ہیں‘ مولانا عبد الوحید
data-id="863a0a8" data-element_type="widget" data-widget_type="theme-post-content.default">
251212-08-9
کراچی ( اسٹاف رپورٹر) ناظم اعلیٰ جمعیت اتحاد العلما کراچی مولانا عبد الوحید کی زیر صدارت جمعیت اتحا د العلما کراچی کے ذمے داران کا اجلاس جمعرات کو ادارہ نورحق میں منعقد ہوا ، اجلاس سے خطاب کرتے ہوئے مولانا عبد الوحید نے کہا کہ مدارس دینی و عصری علوم سے مکمل ہم آہنگ ہیں اور جدید چیلنجز کا بھر پور مقابلہ کررہے ہیںاور پاکستان کے زمینی اور نظریاتی دفاع کے لیے متحرک کردار ادا کررہے ہیں۔ اجلاس میں رمضان سے قبل ہونے والی ختم بخاری کی تقاریب کا جائزہ لیا گیا اور بھر پور منصوبہ بندی کی گئی ، ان تقاریب میں ہزاروں کی تعداد میں علما کرام، طلبہ اورعوام الناس کی شرکت ہوگی۔ مزید برآں کراچی کی صورتحال پر تشویش کا اظہار کرتے ہوئے خاص طور پر ٹینکرو ڈمپر مافیا کے سامنے بند باندھنے کا مطالبہ کیا گیا اور حالیہ حادثے میں شہید ہونے والے طالب علم عابد رئیس کی المناک موت پر تشویش کا اظہار کیا گیا، اجلاس میں مطالبہ کیا گیا کہ شہید طالب علم سمیت تمام جاں بحق افراد کے قاتلوں کو کٹہرے میں لایا جائے اور انہیں قرار واقعی سزا دی جائے ۔ اجلاس میں مولانا محمد نسیم ، مولانا آفتاب ملک ، مولانا یامین منصوری سمیت متعدد علما کرام نے شرکت کی ۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر