سونا ایک دن قیمت کم ہونے کے بعد آج پھر مہنگا ہوگیا
اشاعت کی تاریخ: 7th, March 2025 GMT
کراچی:
سونے کی قیمت میں ایک دن کمی کے بعد آج پھر اضافہ ہوگیا۔
بین الاقوامی بلین مارکیٹ میں فی اونس سونے کی قیمت 28ڈالر کے اضافے سے 2ہزار 921ڈالر کی سطح پر آ گئی۔
دوسری جانب مقامی صرافہ مارکیٹوں میں بھی جمعہ کو 24قیراط کے حامل فی تولہ سونے کی قیمت 3ہزار روپے کے اضافے سے 3لاکھ 7ہزار روپے کی سطح پر آگئی ہے جب کہ فی 10 گرام سونے کی قیمت 2571روپے کے اضافے سے 2لاکھ 63ہزار 203روپے کی سطح پر پہنچ گئی۔
یہ خبر بھی پڑھیں: سونا سستا ہوگیا، عالمی اور مقامی مارکیٹوں میں قیمت کم
دریں اثنا ملک میں فی تولہ چاندی کی قیمت 31روپے کے اضافے سے 3400روپے اور فی 10 گرام چاندی کی قیمت بھی 26روپے کے اضافے سے 2914روپے کی سطح پر آگئی۔
واضح رہے کہ گزشتہ روز بین الاقوامی بلین مارکیٹ میں فی اونس سونے کی قیمت میں 28ڈالر کی کمی ہونے سے نئی عالمی قیمت 2893ڈالر کی سطح پر آگئی تھی جب کہ مقامی مارکیٹوں میں فی تولہ سونے کی قیمت میں 3 ہزار روپے کی کمی ہوئی تھی۔
.ذریعہ: Express News
کلیدی لفظ: سونے کی قیمت کے اضافے سے کی سطح پر میں فی
پڑھیں:
منڈی بہاءالدین میں 8 سالہ بچی کے قتل کا معمہ حل ہوگیا
— فائل فوٹومنڈی بہاء الدین کے علاقے مراد وال میں 8 سال کی بچی کے قتل کے معاملے میں پیشرفت سامنے آگئی۔
پولیس کے مطابق خاتون نے دوسری شادی کے لیے اپنی بیٹی کو قتل کیا اور اغواء کا ڈرامہ رچایا۔
پولیس نے بتایا کہ بچی کی والدہ نے اعتراف جرم کر لیا۔
پولیس کے مطابق وزیر اعلیٰ پنجاب مریم نواز نے واقعہ کا نوٹس لیا تھا۔
واضح رہے کہ دو روز قبل بچی لاپتہ ہوئی اور گزشتہ روز اس کی لاش کھیت سے ملی تھی۔
پی پی 52 سیالکوٹ ضمنی انتخاب میں ووٹوں کی گنتی جاری، ن لیگ آگے، پی ٹی آئی پیچھے