روہت شرما 12 بار مسلسل ٹاس ہارنے والے دوسرے کپتان بن گئے
اشاعت کی تاریخ: 9th, March 2025 GMT
بھارتی کرکٹ ٹیم کے کپتان روہت شرما نے تسلسل کے ساتھ 12 دفعہ ٹاس ہارنے کا منفی ریکارڈ اپنے نام کرلیا۔
وہ ایک درجن بار لگاتار ٹاس ہارنے والا دوسرا کپتان بن گیا۔ ان کے علاوہ ویسٹ انڈیز کے برائن لارا واحد کپتان تھے جنہوں نے 1998 اور 1999 میں 12 بار تسلسل کے ساتھ ٹاس ہارے۔
یہ بھی پڑھیے: روہت شرما کا مستقبل کیا ہوگا؟ چیمپیئنز ٹرافی کا فائنل اہمیت اختیار کرگیا
روہت شرما ون ڈے ورلڈ کپ 2023 کے فائنل کے بعد سے لگاتار ٹاس ہارنا شروع ہوئے تھے اور آج 12ویں بار ٹاس نیوزی لینڈ کے خلاف چیمپیئنز ٹرافی کے فائنل میں ہارے۔
برائن لارا اور روہت شرما کے بعد نیدرلینڈ کے کپتان پیٹر بورین 11 بار مسلسل ٹاس ہار کر اس فہرست میں تیسرے نمبر پر ہیں۔
انہوں نے 2011 اور 2013 کے درمیان 11 مرتبہ لگاتار ٹاس ہارے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روہت شرما کرکٹ.ذریعہ: WE News
کلیدی لفظ: روہت شرما کرکٹ روہت شرما
پڑھیں:
لیونل میسی 2026 کے فیفا ورلڈ کپ میں بطور کپتان شرکت کریں گے، ارجنٹینا فٹبال ایسوسی ایشن کی تصدیق
عالمی شہرت یافتہ فٹبال اسٹار لیونل میسی 2026 میں ہونے والے فیفا ورلڈ کپ میں ارجنٹینا کی قیادت کریں گے۔ یہ اعلان ارجنٹائن فٹبال ایسوسی ایشن (AFA) کے ایک سینئر عہدیدار نے دبئی میں ایک تقریب کے دوران کیا، جس میں میسی کی قومی ٹیم میں واپسی کو بھی باضابطہ تسلیم کیا گیا۔
میسی کی قومی ٹیم میں واپسی38 سالہ لیونل میسی نے 7 ماہ کے وقفے کے بعد حالیہ انٹرنیشنل میچز میں ارجنٹینا کی نمائندگی کی، جہاں وہ چلی کے خلاف بطور متبادل کھلاڑی میدان میں آئے اور کولمبیا کے خلاف میچ میں ابتدائی کھلاڑی کے طور پر شریک ہوئے۔ اگرچہ میسی مارچ میں انجری کے باعث غیر حاضر رہے، مگر ٹیم نے ان کے بغیر ہی ورلڈ کپ 2026 کے لیے کوالیفائی کر لیا۔
یہ بھی پڑھیں اسٹار فٹبالر میسی کی اہلیہ جذبات کی رو میں کیا کربیٹھیں؟
باقی میچز اور تیاریارجنٹینا کو کوالیفائنگ مرحلے کے دوران اب 2 مزید میچز کھیلنے ہیں:
9 ستمبر: وینزویلا کے خلاف، بیونس آئرس میں
14 ستمبر: ایکواڈور کے خلاف، ایکواڈور میں
کلب سطح پر شاندار کارکردگیدوسری جانب، میسی نے امریکا میں اپنے کلب انٹر میامی کے لیے شاندار فارم برقرار رکھتے ہوئے نیویارک ریڈ بُلز کے خلاف 5-1 فتح میں 2 گول اور 2 اسسٹ فراہم کیے۔ یہ ان کی 7 میچز میں چھٹی بارس تھی، جس نے انہیں ایک بار پھر شائقین کا مرکز بنا دیا ہے۔
AFA کے اعلیٰ عہدیدار کی تصدیقدبئی میں اے ایف اے اور لولو فنانشل ہولڈنگز کے درمیان شراکت داری کے اعلان کے دوران، اے ایف اے کے چیف مارکیٹنگ اور کمرشل آفیسر لیاندرو پیٹرسن نے تصدیق کی ’میسی جسمانی طور پر مکمل فٹ ہیں۔ ان کا حالیہ سیزن شاندار رہا ہے، اور ہمیں یقین ہے کہ وہ 2026 کے ورلڈ کپ میں نمایاں کردار ادا کریں گے۔ ارجنٹینا فتح کا نہ صرف مضبوط امیدوار بنے گا، بلکہ میسی اس ٹورنامنٹ کے ستاروں میں شامل ہوں گے۔‘
کوچ لیونل اسکالونی کی قیادت کو سراہا گیاپیٹرسن نے قومی کوچ لیونل اسکالونی کے کردار کو بھی سراہا اور کہا ’اسکالونی محض کوچ نہیں بلکہ ارجنٹائن کے اقدار کے سفیر ہیں۔ ان کی اور میسی کی موجودگی نے ارجنٹینا کو دنیا بھر میں ایک مثبت تشخص دیا ہے۔‘
شراکت داری اور عالمی رسائیدبئی میں منعقدہ تقریب میں لولو ایکسچینج اور لولو منی کو اے ایف اے کے ریجنل فِن ٹیک پارٹنرز کے طور پر متعارف کرایا گیا، جو مشرق وسطیٰ، بھارت، اور جنوب مشرقی ایشیا میں شائقین سے جُڑنے میں مدد دیں گے۔ لولو فنانشل ہولڈنگز کے بانی عدیب احمد نے کہا
یہ بھی پڑھیں کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
’ارجنٹینا کی ٹیم صرف ایک فٹبال ٹیم نہیں بلکہ اُمید، استقامت اور خوشی کی علامت ہے۔ ہم 10 ممالک میں 347 مقامات پر شائقین کے لیے ایک بڑی مہم کا آغاز کریں گے۔‘
ارجنٹینا کی مشرق وسطیٰ میں سرگرمیاںہیڈ کوچ اسکالونی نے اشارہ دیا کہ وہ آئندہ سرما میں دوبارہ مشرق وسطیٰ کا دورہ کریں گے تاکہ ٹیم کی سرگرمیاں جاری رکھی جا سکیں۔ انہوں نے کہا کہ کھیل ہمارے دل و دماغ میں رچ بس گیا ہے۔ یہ شراکت داری صرف آغاز ہے۔ ہم طویل المدتی شراکت کے خواہاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارجنٹینا فیفا فٹبال کپ 2026 لیونل میسی
شہزادی مہرہ اور فرنچ مونٹانا کی بڑھتی قربتیں، سوشل میڈیا پر ہلچل