پورٹ قاسم اراضی اسکینڈل کی تحقیقات کا فیصلہ، وزیر اعظم نے 3 رکنی کمیٹی بنا دی
اشاعت کی تاریخ: 9th, March 2025 GMT
ویب ڈیسک : وفاقی حکومت نے پورٹ قاسم اراضی اسکینڈل کی تحقیقات کے لیے 3 رکنی کمیٹی قائم کردی ۔
وفاقی حکومت کی جانب سے پورٹ قاسم اٹھارٹی کی زمین اونے پونے دام فروخت کرنے کا نوٹس لیا گیا، جس کے بعد قیمتی زمین کے اسکینڈل کی تحقیقات کا فیصلہ کیا گیا۔ اس سلسلے میں وزیر اعظم شہباز شریف نے 3 رکنی انکوائری کمیٹی قائم کر دی۔
چیئرمین وزیر اعظم انسپکشن کمیشن، آئی بی اور ایف آئی اے کے ڈائریکٹرز کمیٹی کا حصہ ہیں، وزیر اعظم کی جانب سے کمیٹی کو خصوصی ٹاسک سونپ دیا گیا ہے۔ پورٹ قاسم اتھارٹی کی زمین چھوٹے اور درمیانے انڈسٹریل پارک کیلیے دی گئی، زمین کی لیزنگ میں مالی بے ضابطگیوں کی تحقیقات 3 رکنی کمیٹی کرے گی۔
حج اور عمرہ زائرین کو ہنگامی طبی امداد دینے کیلئے اسکوٹر سروس کا آغاز
کمیٹی لیز منسوخی کے خلاف حکم امتناع ختم کرنے کیلیے پورٹ قاسم اتھارٹی کی قانونی حکمت عملی کا جائزہ لے گی، اتھارٹی بورڈ کی طرف سے مدعی سے عدالت آؤٹ آف کورٹ تصفیہ کے عوامل کی تحقیقات ہوں گی، کمیٹی تصفیہ سمیت دیگر تمام قانونی آرا کا بھی جائزہ لے گی۔
.ذریعہ: City 42
کلیدی لفظ: کی تحقیقات پورٹ قاسم
پڑھیں:
سوست پورٹ پر کسٹم گھپلا کیس میں 12 ملزمان کی ضمانت قبل از گرفتاری منسوخ
ملزمان پر الزام ہے کہ انہوں نے 9 کروڑ مالیت کے سامان پر کسٹم ڈیوٹی چھوٹ کیلئے ہیرا پھیری کی کوشش کی۔ فریقین کے وکلاء کے دلائل سننے کے بعد عدالت نے ملزمان کی ضمانت قبل ازگرفتاری منسوخ کر دی۔ اسلام ٹائمز۔ سوست ڈرائی پورٹ پر 9 کروڑ سے زائد مالیت کے سامان کی کلیئرنس میں مبینہ ہیرا پھیری کے کیس میں 12 ملزمان کی ضمانت قبل از گرفتاری منسوخ کر دی گئی اور کسٹم کے 2 انسپکٹرز کے ناقابل ضمانت وارنٹ جاری کر دئے گئے۔ تفصیلات کے مطابق کسٹم جج گلگت بلتستان غلام عباس چوپا نے سوست میں 9 کروڑ 22 لاکھ 70 ہزار 2 سو 2 روپے مالیت کے سامان کے کلیرنس میں مبینہ گھپلا/ہیرا پھیری پر 12 ملزمان کی قبل از گرفتاری ضمانت منسوخ کر دی اور عدالت نے کسٹم کے 2 انسپکٹرز کے ناقابل ضمانت وارنٹ بھی جاری کر دیئے۔ ملزمان پر الزام ہے کہ انہوں نے 9 کروڑ مالیت کے سامان پر کسٹم ڈیوٹی چھوٹ کیلئے ہیرا پھیری کی کوشش کی۔ فریقین کے وکلاء کے دلائل سننے کے بعد عدالت نے ملزمان کی ضمانت قبل ازگرفتاری منسوخ کر دی۔