یوکرین کی جزوی جنگ بندی کی تجویز'امید افزا'، امریکہ
اشاعت کی تاریخ: 11th, March 2025 GMT
اسلام آباد (اُردو پوائنٹ ۔ DW اردو۔ 11 مارچ 2025ء) یوکرین اور روس کے درمیان جنگ بندی کے لیے مذاکرات کی کوششوں کے دوران ہی دونوں میں شدید لڑائی بھی جاری ہے اور تازہ اطلاعات کے مطابق گزشتہ رات یوکرین نے روسی دارالحکومت ماسکو کو درجنوں ڈرونز کا نشانہ بنایا۔
حملے کے سبب آگ بھڑک اٹھی جس کی وجہ سے ماسکو کے دو ہوائی اڈوں کو بند کرنے پر مجبور ہونا پڑا اور مکانات کو بھی نقصان پہنچا ہے۔
ماسکو کے میئر سرگئی سوبیانین نے ٹیلی گرام پر لکھا کہ ڈرونز کو ماسکو ریجن کے رامینسکوئے اور ڈوموڈیڈوو اضلاع میں مار گرایا گیا۔ انہوں نے کہا کہ ابتدائی معلومات کے مطابق کوئی نقصان یا کسی کو کوئی چوٹ نہیں آئی۔
روس یوکرین جنگ: کییف اور واشنگٹن کے اعلیٰ حکام میں جدہ میں مذاکرات
سعودی عرب میں آج بات چیتامریکی وزیر خارجہ مارکو روبیو نے کہا کہ وہ بحیرہ احمر پر واقع سعودی عرب کے ساحلی شہر جدہ میں منگل کے روز ہونے والے امریکہ اور یوکرین کے درمیان مذاکرات سے پہلے "پرامید" محسوس کر رہے ہیں۔
(جاری ہے)
ان کا کہنا تھا کہ وہ یوکرین کی طرف سے روس کے ساتھ جنگ کے خاتمے کے لیے جزوی جنگ بندی کی تجویز میں امید کو دیکھتے ہیں۔ روبیو نے کہا، "میں یہ نہیں کہہ رہا کہ صرف یہی کافی ہے، تاہم یہ ایک اس طرح کی رعایت ہے، جو تنازعے کو ختم کرنے کے لیے آپ کو درکار ہوتی ہے۔"
البتہ امریکی وزیر خارجہ نے کہا کہ میٹنگ کے دوران اہم بات یہ دیکھنی ہو گی کہ یوکرینی "مشکل کام" کرنے کے لیے کتنے تیار ہیں، جیسا کہ روسیوں کو بھی جنگ ختم کرنے کے لیے کرنا پڑے گا۔
روبیو نے یہ بھی اشارہ کیا کہ اگر بات چیت اچھی رہی، تو یوکرین مزید امریکی امداد کی توقع کر سکتا ہے۔ انہوں نے یوکرین کے صدر وولودیمیر زیلنسکی سے غیر رسمی ملاقات کو بھی مسترد نہیں کیا، جو سعودی عرب کا دورہ کر رہے ہیں۔
روبیو نے زور دے کر کہا کہ ماسکو اور کییف دونوں کو "اس بات کو سمجھنے کی ضرورت ہے کہ اس صورتحال کا کوئی فوجی حل نہیں ہے۔
لہذا اس جنگ کا واحد حل سفارت کاری اور انہیں ایک میز پر لانا ہے، جہاں یہ ممکن ہو سکتا ہے۔"یوکرین پر مزید 100 سے زائد روسی ڈرون حملےہوئے، کییف
جزوی جنگ بندی کی تجویزیوکرین کے ایک اہلکار نے خبر رساں ادارے اے ایف پی کو بتایا کہ توقع ہے کہ کییف منگل کے روز ہونے والے مذاکرات کے دوران روس کے ساتھ فضائی اور بحری جنگ بندی کی تجویز پیش کرے گا۔
واضح رہے کہ روس نے اس سے قبل عارضی جنگ بندی کے خیال کو مسترد کرتے ہوئے کہا تھا کہ یہ یوکرین کی جانب سے وقت خریدنے اور اپنی عسکری قوت کی تباہی کو روکنے کی ایک کوشش ہے۔
یوکرین کے صدر وولودیمیر زیلنسکی نے پیر کے روز ولی عہد شہزادہ محمد بن سلمان سے ملاقات کے لیے سعودی عرب پہنچے تھے۔ انہوں نے پیر کو دیر گئے اپنے ویڈیو خطاب میں کہا کہ وہ مذاکرات کے "عملی نتیجے" کی امید کر رہے ہیں اور اس میں یوکرین کا موقف "بالکل تعمیری" ہو گا۔
امریکی وزیر خارجہ مارکو روبیو روس اور یوکرین کے درمیان تین سال سے جاری جنگ کو ختم کرنے کے طریقوں پر منگل کے روز یوکرینی حکام کے ساتھ بات چیت کے لیے ایک وفد کی قیادت کر رہے ہیں۔
صدر ٹرمپ کا عنقریب سعودی عرب کا دورہ، مقصد 'بڑا کاروباری معاہدہ'
صدر زیلنسکی کا کہنا ہے کہ وہ منگل کے روز امریکی حکام کے ساتھ ہونے والی بات چیت میں شرکت نہیں کریں گے۔
زیلنسکی کے مطابق یوکرینی وفد میں ان کے چیف آف اسٹاف آندری یرمک کے علاوہ وزرا خارجہ اور دفاع اور صدارتی انتظامیہ کے ایک اعلیٰ فوجی اہلکار بھی شامل ہوں گے۔
ٹرمپ کے ایلچی پوٹن سے ملاقات کریں گےبلومبرگ اور روئٹرز نیوز ایجنسیوں نے گمنام ذرائع کے حوالے سے اطلاع دی ہے کہ امریکی صدر ڈونلڈ ٹرمپ کے خصوصی ایلچی اسٹیو وٹکوف روسی صدر ولادیمیر پوٹن سے ملاقات کے لیے ماسکو کے دورے کا منصوبہ بنا رہے ہیں۔
البتہ اس کی کوئی مزید تفصیلات نہیں بتائی گئی ہیں۔یوکرین جنگ: امن منصوبوں پر سعودی عرب میں اگلے ہفتے بات چیت
وٹکوف سرکاری طور پر ٹرمپ کے مشرق وسطیٰ کے ایلچی ہیں، تاہم انہوں نے یوکرین کی تین سال سے جاری جنگ کو ختم کرنے کی کوششوں میں بھی اہم کردار ادا کیا ہے۔
ادھر ٹرمپ نے بھی پوٹن کے ساتھ ملاقات کی خواہش کا اظہار کیا ہے اور جنوری میں اقتدار سنبھالنے کے بعد سے وہ روس کے ساتھ سابقہ بائیڈن انتظامیہ کے منجمد تعلقات کو پگھلانے کی کوشش کر رہے ہیں۔
یوکرین: ٹرمپ کی وارننگ کے مدنظر یورپی یونین کا سربراہی اجلاس
امن کی کوششوں میں سعودی کردار کی تعریفصدر زیلنسکی نے کہا کہ امریکہ اور یوکرین کے اہم مذاکرات کے موقع پر ان کی سعودی عرب کے لی عہد شہزادہ محمد بن سلمان سے اچھی ملاقات ہوئی۔
انہوں نے ایکس پر ایک پوسٹ میں کہا، "میں نے حقیقی امن کو قریب لانے میں ولی عہد کی کوششوں کا اعتراف کیا۔ سعودی عرب سفارت کاری کے لیے ایک اہم پلیٹ فارم فراہم کرتا ہے اور ہم اس کی تعریف کرتے ہیں۔"
.ذریعہ: UrduPoint
کلیدی لفظ: تلاش کیجئے جنگ بندی کی تجویز منگل کے روز کر رہے ہیں یوکرین کی کی کوششوں یوکرین کے نے کہا کہ روبیو نے انہوں نے کے ساتھ کرنے کے بات چیت کے لیے روس کے
پڑھیں:
جرمن وزیر خارجہ کا غیراعلانیہ دورہ یوکرین
اسلام آباد (اُردو پوائنٹ ۔ DW اردو۔ 30 جون 2025ء) جرمن وزارت خارجہ نے پیر کے روز کہا کہ جرمن وزیر خارجہ یوہان واڈے فیہول یوکرین کے دارالحکومت کییف پہنچ گئے ہیں، جہاں یوکرین کی حمایت پر بات چیت کریں گے۔ یوکرین روس کے مکمل پیمانے پر حملے کے خلاف اپنی تین سال سے زیادہ کی لڑائی جاری رکھے ہوئے ہے۔
پوٹن جرمن چانسلر اور یوکرین کے صدر سے ملاقات کے لیے تیار
کییف پہنچنے کے بعد دیے گئے ایک بیان میں واڈے فیہول نے روس کے صدر ولادیمیر پوٹن پر تنقید کرتے ہوئے کہا کہ روسی رہنما کسی بھی قیمت پر یوکرین کو فتح اور محکوم بنانا چاہتے ہیں۔
انہوں نے کہا، ’’ہم یوکرین کے ساتھ جدید فضائی دفاع اور دیگر ہتھیاروں، نیز انسانی اور اقتصادی امداد کے ساتھ مضبوطی سے کھڑے رہیں گے تاکہ وہ کامیابی سے اپنا دفاع جاری رکھ سکے-‘‘
امریکہ کے بعد جرمنی یوکرین کا دوسرا بڑا حمایتی ہے۔
(جاری ہے)
واڈے فیہول کا دورہ ایسے وقت میں ہوا ہے جب امریکہ، جس کی کییف سے وابستگی پر سوالیہ نشان لگ گیا ہے، کی طرف سے چھوڑے گئے خلاء کو پُر کرنے کے لیے یورپ جدوجہد کر رہا ہے۔
جرمنی طویل فاصلے تک مار کرنے والے میزائلوں کی تیاری میں یوکرین کی مدد کرے گا
واشنگٹن نے جنوری کے اوائل سے کییف کے لیے کسی نئی مدد کا اعلان نہیں کیا ہے۔
یوکرین ہتھیار ڈال دے، پوٹن کی خواہشجرمن وزیر خارجہ نے کہا کہ روس کے صدر ولادیمیر پوٹن چاہتے ہیں کہ یوکرین ہتھیار ڈال دے۔
واڈے فیہول کا کہنا تھا کہ تین سال سے زائد عرصے سے جاری جنگ کے خاتمے کے لیے تعطل کا شکار امن مذاکرات کے درمیان، ''پوٹن جنگ بندی کے لیے آمادہ نظر نہیں آتے۔
وہ مذاکرات نہیں چاہتے، وہ یوکرین کا سر تسلیم خم کرانا چاہتے ہیں۔‘‘روس سے معاہدے سے پہلے ٹرمپ یوکرین کا دورہ کریں، زیلنسکی
جرمن وزارت خارجہ کی طرف سے جاری کردہ ایک بیان میں واڈے فیہول نے کہا، ’’یوکرین کی آزادی اور خود مختاری ہماری خارجہ اور سلامتی کی پالیسی کا سب سے اہم کام ہے۔‘‘
انہوں نے کہا کہ روس ’’ہماری حمایت کو کمزور کرنے پر شرط لگا رہا ہے‘‘ اور ’’کسی بھی قیمت پر اپنی فتح اور یوکرین سے سر تسلیم خم کرانا چاہتا ہے، خواہ اس کے لیے لاکھوں اضافی جانیں ضائع ہو جائیں۔
‘‘جرمن وزیر خارجہ نے کہا ''یوکرین اس بات کا تعین کرے گا کہ آیا یورپ ایک ایسی جگہ ہے جہاں آزادی ہے اور انسانی وقار غالب ہے- یا ایسا براعظم بن جاتا ہے جہاں تشدد کے ذریعہ نئی سرحدیں کھینچی جاتی ہیں۔‘‘
جرمن وزیر خارجہ کی حیثیت سے واڈے فیہول کا کییف کا یہ پہلا دورہ ہے۔ وہ یوکرین کے اپنے ہم منصب اور دیگر اعلیٰ رہنماؤں سے ملاقات کریں گے۔ اس دورے میں ان کے ساتھ اہم کاروباری شخصیات بھی ہیں۔
ادارت: صلاح الدین زین
پاک فوج سوات میں سیلابی صورتحال سے نمٹنے کے لئے پہنچ گئی