عدالت کا زخمی ڈیلیوری بوائے کو 13 ارب 90 کروڑ روپے ادا کرنے کا حکم
اشاعت کی تاریخ: 17th, March 2025 GMT
نیویارک (نیوزڈیسک)امریکی ریاست کیلیفورنیا کی ایک عدالت کی جانب سے ملٹی نیشنل کافی کمپنی اسٹاربکس کو پانچ کروڑ ڈالرز (تقریباً 13 ارب 90 کروڑ پاکستانی روپے) بطور ہرجانہ ڈیلیوری بوائے کو ادا کرنے کا حکم دیا ہے، رائیڈر کافی کی وجہ سے جھلس کر بری طرح زخمی ہوا تھا۔
عدالت نے فیصلہ سنایا کہ یہ رقم مائیکل گارشیا نامی ڈیلیوری بوائے کو ادا کی جائے گی جو اسٹاربکس کا فوڈ پیکج پہنچاتے وقت ایک گرم مشروب گرنے کے باعث جھلس گیا تھا۔
میڈیا رپورٹس کے مطابق یہ حادثہ آٹھ فروری 2020 کو اس وقت پیش آیا تھا جب مائیکل گارشیا نے لاس اینجلس میں ایک سٹاربکس ڈرائیو تھرو سے آرڈر اٹھایا تھا۔
عدالتی دستاویزات کے مطابق حادثہ اس وجہ سے پیش آیا کہ اسٹاربکس کی آٹومیٹک کافی مشین گرم مشروبات کو کنستر میں اچھی طرح سے پیک کرنے میں ناکام رہی۔
مائیکل گارشیا کا جسم اس حادثے کی وجہ سے تیسرے درجے تک جل گیا تھا، ان کا اعصابی نظام بری طرح سے متاثر ہوا تھا اور جسم کو کافی نقصان پہنچا تھا۔
مائیکل گارشیا کے وکیل مائیکل پارکر نے میڈیا سے گفتگو میں بتایا کہ میرے مؤکل کو تین مشروبات پر مشتمل ایک پارسل دیا گیا تھا لیکن ایک گرم مشروب ٹھیک سے نہیں رکھا گیا، یہ گارشیا کی گود میں گر گیا اور ان کے جسم کو کافی نقصان پہنچا۔
’گارشیا کےلیے جسمانی اور جذباتی طور پر یہ زخم تباہ کن تھے، اس حادثے کی وجہ سے نوجوان کی زندگی کے معیار پر بہت گہرا اثر پڑا ‘۔جیوری نے مائیکل گارشیا کے حق میں فیصلہ دیا ہے اور جسمانی تکلیف، ذہنی دباؤ اور طویل المدتی معذوری کو مدنظر رکھتے ہوئے کمپنی کو بھاری ہرجانہ ادا کرنے کا حکم دیا۔
کافی کمپنی اسٹاربکس نے جیوری کے فیصلے سے اختلاف کا اظہار کرتے ہوئے اعلٰی عدالت میں اس کے خلاف اپیل کرنے کا اعلان کیا ہے۔
ترجمان اسٹار بکس نے کہا کہ ’ہم مسٹر گارشیا کے ساتھ ہمدردی رکھتے ہیں لیکن ہم جیوری کے اس فیصلے سے متفق نہیں کہ یہ ہماری غلطی تھی اور ہمیں دی گئی ہرجانے کی رقم ضرورت سے زیادہ لگتی ہے۔‘
سپرنٹنڈنٹ اڈیالا جیل کی عمران خان سے ملاقاتوں کےکیسز یکجا کرنے کی درخواست منظور
ذریعہ: Daily Ausaf
پڑھیں:
مسابقتی کمیشن کا 68 ارب روپے کے جرمانے ریکور نہ کرنے کا انکشاف
قومی اسمبلی کی پبلک اکاؤنٹس کمیٹی کے اجلاس میں مسابقتی کمیشن آف پاکستان کی جانب سے 68 ارب روپے کے عائد کردہ جرمانے ریکور نہ کرنے کا انکشاف ہوا ہے۔
پی اے سی اجلاس نوید قمر کی زیر صدارت ہوا، اجلاس میں خزانہ ڈویژن آڈٹ پیراز کا جائزہ لیا گیا، نوید قمر نے چیئرمین مسابقتی کمیشن سے استفسار کیا کہ آپ اپنا کام نہیں کرتے، آپکا کام صوبے، عدالتیں اور وفاقی حکومتی کرتی ہیں، آپ نے یہ جرمانے کیوں ریکور نہیں کیے، آپ نے بڑے بڑے کارٹیلز پر ہاتھ نہیں ڈالا۔
نوید قمر نے کہا کہ ایسا لگتا ہے آپ کچھ نہیں کررہے صرف چھوٹے کاروباروں پر ہاتھ ڈالتے ہیں، اربوں روپے کے کیسوں میں کروڑوں کے وکیل ہوتے ہیں اور آپ کا ایک ایل ایل بی کا چھوٹا وکیل ہوتا یے۔
نوید قمر نے مسابقتی کمیشن کے چیئرمین سے استفسار کیا کہ ہم آپ کے جوابات سے مطمئن نہیں ہیں، اگر یہی کارکردگی رہی تو ہمارے بچے بھی آئیندہ سالوں میں یہی جوابات سن رہے ہونگے، آپ کے سسٹم میں کچھ اصلاحات ہونی چاہیے،
تین مہینے کے بعد آپ آئیں اور ایک جامع منصوبہ اس کمیٹی کے سامنے رکھیں۔
وقت ختم ، اب کسی سے کوئی مذاکرات نہیں ہوں گے،عمران خان