پاکستانی نژاد آسٹریلوی کرکٹر کا دوران میچ انتقال، وجہ کیا بنی؟
اشاعت کی تاریخ: 17th, March 2025 GMT
پاکستانی نژاد آسٹریلوی کرکٹر میچ کے دوران ہیٹ ویو کے باعث انتقال کر گئے۔
آسٹریلیا کے شہر ایڈیلیڈ میں مقامی کلب کرکٹر جنید ظفر خان شدید گرمی میں کھیلے جانے والے میچ کے دوران میدان میں گر کر جاں بحق ہو گئے۔
جنید ظفر خان، جن کی عمر 40 کی دہائی میں تھی، ہفتے کے روز کانکورڈیا کالج اوول میں کھیلے جانے والے میچ کے دوران اچانگ گر پڑے، پیرامیڈیکس کی جانب سے اسے طبی امداد دی گئی تاہم اسے جائے وقوعہ پر ہی مردہ قرار دے دیا گیا۔
یہ بھی پڑھیں: کرکٹ میچ کے دوران بھاگتے ہوئے بھارتی کھلاڑی جاں بحق: ویڈیو وائرل
بیورو آف میٹرولوجی کے مطابق واقعے کے وقت درجہ حرارت 40 ڈگری سینٹی گریڈ سے زیادہ تھا، ایڈیلیڈ ٹرف کرکٹ ایسوسی ایشن کے قوانین میں کہا گیا ہے کہ اگر درجہ حرارت 42 ڈگری سینٹی گریڈ سے زیادہ ہو تو کھیلوں کو منسوخ کر دینا چاہیے، میچز 40 ڈگری سینٹی گریڈ تک گرمی میں جاری رہ سکتے ہیں۔
اولڈ کنکورڈینز کرکٹ کلب نے جنید ظفر خان کے انتقال کی تصدیق کرتے ہوئے اپنے بیان میں کہا ہے کہ کھلاڑی کے انتقال پر بہت افسردہ ہیں، پیرا میڈکس نے بہترین کوشش کی لیکن افسوس کہ وہ جانبر نہ ہوسکا۔
یہ بھی پڑھیں: برازیل: فٹبال میچ کے دوران جھگڑا، ایک تماشائی کو زندہ جلا دیا
یاد رہے کہ جنید ظفر خان 2013 میں ٹیک انڈسٹری میں کام کرنے کے لیے پاکستان سے ایڈیلیڈ چلے گئے، انہیں دوستوں اور ساتھی کھلاڑیوں نے ایک مہربان اور فیاض شخص کے طور پر یاد کیا ہے۔
ایک اور قریبی دوست نجم حسن نے کہا کہ جنید ظفر خان روزے رکھ رہے تھے لیکن میچ کے دن وہ پانی پیتے دکھائی دیے۔
یہ واقعہ جنوبی آسٹریلیا اور ملک کے دیگر حصوں کو متاثر کرنے والی شدید گرمی کی لہر کے درمیان پیش آیا ہے، سڈنی اور وکٹوریہ میں درجہ حرارت 40 ڈگری سینٹی گریڈ کے قریب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسٹریلیا انتقال ایڈیلیڈ پاکستان جنید ظفر خان کلب کرکٹر ہیٹ ویو.ذریعہ: WE News
کلیدی لفظ: ا سٹریلیا انتقال پاکستان کلب کرکٹر ہیٹ ویو ڈگری سینٹی گریڈ میچ کے دوران
پڑھیں:
جعلی ڈگری کیس، جسٹس طارق محمود جہانگیری کو بطور جج کام سے روک دیا گیا
اسلام آباد: جعلی ڈگری کیس میں اہم پیش رفت سامنے آئی ہے، جس کے تحت اسلام آباد ہائی کورٹ نے جسٹس طارق محمود جہانگیری کو بطور جج فرائض انجام دینے سے عارضی طور پر روک دیا ہے۔ یہ فیصلہ اس وقت تک نافذ العمل رہے گا جب تک سپریم جوڈیشل کونسل اس معاملے پر اپنا حتمی فیصلہ نہیں سنا دیتی۔
اسلام آباد ہائی کورٹ کے چیف جسٹس سردار محمد سرفراز ڈوگر اور جسٹس محمد اعظم خان پر مشتمل دو رکنی بینچ نے یہ حکم جاری کیا۔ عدالت نے معروف قانون دان بیرسٹر ظفر اللہ خان اور اشتر اوصاف علی کو عدالتی معاون مقرر کیا، جبکہ اٹارنی جنرل سے درخواست کی سماعت کے قابل ہونے پر قانونی معاونت طلب کی گئی ہے۔
یہ فیصلہ ایڈووکیٹ میاں داؤد کی جانب سے دائر کردہ کو وارنٹو رٹ پٹیشن پر دیا گیا۔ تاہم، کیس کی سماعت کے دوران درخواست گزار عدالت میں پیش نہ ہو سکے۔ ان کے معاون وکیل نے عدالت کو بتایا کہ وہ میڈیکل ایمرجنسی کی وجہ سے غیر حاضر ہیں اور سماعت ملتوی کرنے کی استدعا کی۔
دورانِ سماعت اسلام آباد بار ایسوسی ایشن اور اسلام آباد بار کونسل کے نمائندگان روسٹرم پر آ گئے اور اس درخواست پر تحفظات کا اظہار کیا۔ وکلا نمائندگان نے پٹیشن کو ناقابلِ سماعت قرار دیتے ہوئے خارج کرنے کا مطالبہ کیا۔
چیف جسٹس نے ریمارکس دیے کہ فی الوقت عدالت صرف ابتدائی اعتراضات کا جائزہ لے رہی ہے، اور ابھی نہ تو جج صاحب کو اور نہ ہی کسی دوسرے فریق کو نوٹس جاری کیا گیا ہے۔ عدالت نے واضح کیا کہ جب تک سپریم جوڈیشل کونسل کوئی فیصلہ نہیں دیتی، یہ معاملہ اسلام آباد ہائی کورٹ میں زیر التوا رہے گا۔
عدالت اس اہم آئینی سوال پر غور کر رہی ہے کہ اگر کسی جج کے خلاف شکایت سپریم جوڈیشل کونسل میں زیر سماعت ہو، تو کیا ایسی صورتحال میں آئین کے آرٹیکل 199 کے تحت ہائی کورٹ میں درخواست دائر کی جا سکتی ہے؟
اسلام آباد بار کونسل کے رکن راجہ علیم عباسی نے مؤقف اختیار کیا کہ ججز کے خلاف شکایات کا اختیار صرف سپریم جوڈیشل کونسل کو حاصل ہے، اور اگر عدالتیں اس نوعیت کی پٹیشنز کو سماعت کے لیے منظور کرتی رہیں تو یہ عدلیہ کے وقار کے لیے نقصان دہ ہو گا۔
عدالت نے بار کے نمائندوں سے استفسار کیا کہ آیا وہ اس کیس میں فریق ہیں؟ ساتھ ہی کہا کہ اگر نوٹس جاری کیا گیا تو تمام متعلقہ فریقین کو سنا جائے گا۔ اسلام آباد بار ایسوسی ایشن کے صدر نعیم علی گجر نے کہا کہ بار اس معاملے میں ایک اسٹیک ہولڈر ہے اور ان کا مؤقف ہے کہ یہ درخواست قابلِ سماعت نہیں۔
چیف جسٹس نے جواب میں کہا کہ بار کا آئینی مؤقف قابلِ قدر ہے، تاہم اس وقت عدالت صرف ابتدائی قانونی اعتراضات پر غور کر رہی ہے۔
Post Views: 6
کرینہ کپور کے دلچسپ جواب پر مداحوں میں چہ میگوئیاں