پاکستان اسٹاک مارکیٹ میں تیزی کی وجوہات کیا رہیں؟
اشاعت کی تاریخ: 19th, March 2025 GMT
پاکستان اسٹاک مارکیٹ ایک بار پھر بلند سطح کی طرف گامزن ہے، پاکستان اسٹاک ایکسچینج میں 100 انڈیکس تاریخ کی بلند ترین سطح پر پہنچنے کے بعد 972 پوائنٹس اضافے سے 117974 پر بند ہوا، بازار میں 54 کروڑ شیئرز کے سودے 32 ارب روپے میں طے ہوئے۔
آج کاروباری اوقات کار کے دوران 100 انڈیکس کی بلند ترین سطح 118243 پوائنٹس رہی، اسٹاک مارکیٹ ماہر شہریار بٹ کا کہنا ہے کہ پاکستان اسٹاک ایکسچینج گزشتہ 5 سیشن سے مثبت کارکردگی کا مظاہرہ کررہی ہے۔
یہ بھی پڑھیں: نئے سال کے پہلے روز پاکستان اسٹاک ایکسچینج میں نیا ریکارڈ قائم
’3800 پوائنٹس کا اضافہ ہوچکا ہے اور انڈیکس ایک بار پھر تیزی سے ریکارڈ بلندی کی طرف بڑھ رہا ہے، آج مارکیٹ کا آغاز مثبت انداز میں ہوا اور ایک وقت میں نفسیاتی حد 1 لاکھ 18 ہزار کو چھو لیا تھا، جس کے بعد مارکیٹ ریڈ زون میں داخل ہوئی۔‘
شہریاربٹ کے مطابق 1 لاکھ 16 ہزار پوائنٹس تک گرنے کے بعد مارکیٹ نے پھر سر اٹھایا اور 972 پوائنٹس کے ساتھ کاروباری دن کا اختتام 1 لاکھ 17 ہزار 974 پوائنٹس پر ہوا، مارکیٹ میں مسلسل اضافہ دیکھنے میں آرہا ہے۔
مزید پڑھیں: پاکستان اسٹاک ایکسچینج میں تیزی کا رجحان برقرار
شہریار بٹ کے مطابق اسٹاک ایکسچینج میں تیزی کی وجہ آئی ٹی کی برآمدات میں 18 فیصد اضافہ ہے، اس کے علاوہ کرنٹ اکاؤنٹ سرپلس میں نظر آرہا ہے، پراپرٹی سیکٹر میں بہتری دکھائی دے رہی ہے اور سب سے بڑھ کر یہ کہ وزیراعظم 23 مارچ کو بجلی کی نرخوں میں بڑا ریلیف دینے جا رہے ہیں۔
’آئی ایم ایف کے ساتھ مذاکرات آگے بڑھنا بھی ایک وجہ ہے اور موسمیاتی تبدیلی کے حوالے سے بھی ممکن ہے کہ کچھ اداروں کی جانب سے فنڈز پاکستان کو مل جائیں یہ وہ عوامل ہیں جو پاکستان اسٹاک مارکیٹ پر مثبت اثرات مرتب کر رہے ہیں، امید ظاہر کی جارہی ہے کہ کل مارکیٹ نیا ریکارڈ بنا سکتی ہے۔‘
مزید پڑھیں: معاشی محاذ پر مشکل ترین سال جھیلنے کے بعد 2025 کیسا رہے گا؟
اسٹاک مارکیٹ کے ماہر محسن مسیڈیا کے مطابق گزشتہ کچھ عرصے سے اسٹاک مارکیٹ بہتر کارکردگی کا مظاہرہ کرتی دکھائی دے رہی ہے، مارکیٹ میں کوئی منفی رجحان یا شیئرز فروخت کرنے کا کوئی دباؤ نہیں ہے۔
’مارکیٹ ایک لاکھ 10 ہزار سے ایک لاکھ 15 ہزار پوائنٹس کے بیچ پھنسی ہوئی تھی اور بالآخر آج بڑا اضافہ ممکن ہوا، مارکیٹ کی کارکردگی دیکھ کر کہا جاسکتا ہے کہ مارکیٹ نیا ریکارڈ قائم کرسکتی ہے۔‘
ان کا کہنا تھا کہ وزیر اعظم پاکستان کا ممکنہ دورہ سعودی عرب اور سعودی حکومت کے پاکستان سے متعلق مثبت بیانات اور آئی ایم ایف مذاکرات کی کامیابی اسٹاک مارکیٹ میں بہتری کی وجوہات میں شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف اسٹاک ایکسچینج اسٹاک مارکیٹ پوائنٹس شہریاربٹ محسن مسیڈیا مذاکرات.ذریعہ: WE News
کلیدی لفظ: ا ئی ایم ایف اسٹاک ایکسچینج اسٹاک مارکیٹ پوائنٹس شہریاربٹ محسن مسیڈیا مذاکرات پاکستان اسٹاک ایکسچینج اسٹاک ایکسچینج میں اسٹاک مارکیٹ مارکیٹ میں کے بعد
پڑھیں:
بیرون ممالک روزگار کے لیے جانے والے پاکستانیوں کی تعداد میں کمی کیوں ہو رہی ہے؟
پاکستان سے بیرون ملک روزگار کے لیے جانے والے افراد کی تعداد میں مسلسل کمی ملکی معیشت کے لیے ایک سنگین خطرہ بنتی جا رہی ہے۔ 2024 میں 7 لاکھ 27 ہزار افراد روزگار کے سلسلے میں بیرون ملک گئے، جو 2023 کے 8 لاکھ 62 ہزار کے مقابلے میں 15 فیصد کم ہے۔
ماہرین کے مطابق اس کمی سے ترسیلات زر جو پاکستان کی معیشت میں ریڑھ کی ہڈی کی حیثیت رکھتی ہیں، پر براہِ راست اثر پڑ رہا ہے۔
یہ بھی پڑھیں: امریکا کی جانب سے پاکستانیوں کے ویزوں کی منسوخی برین ڈرین میں کمی کا سبب بن سکتی ہے؟
پاکستان سے ورک فورس بیرون ممالک جانے میں کمی کیوں ہو رہی ہے؟ اور اس کے کیا نتائج ہوں گے؟
’آنے والے دنوں میں پاکستانی ورک فورس کے لیے مشکلات بڑھ سکتی ہیں‘اس حوالے سے بات کرتے ہوئے اوورسیز ایمپلائمنٹ پروموٹرز ایسوسی ایشن کے وائس چیئرمین عدنان پراچہ نے کہاکہ پاکستان کے زرمبادلہ کے ذخائر میں کمی آنا شروع ہو گئی ہے، اور ماہانہ بنیادوں پر 11 فیصد کمی ریکارڈ کی گئی ہے اور خدشہ ہے کہ آئندہ مہینوں میں یہ کمی مزید بڑھے گی۔
انہوں نے کہاکہ اس صورتحال کی ایک بڑی وجہ وہ مسائل ہیں جن کا سامنا بیرون ملک لیبر فورس بھیجنے والے پروموٹرز کو کرنا پڑ رہا ہے۔
ان کا کہنا تھا کہ سعودی عرب جانے کے لیے جو میڈیکل اور دیگر ٹیسٹ کیے جاتے ہیں، ان میں کرپشن بڑھ گئی ہے، جس پر سعودی کمپنیوں کی جانب سے شکایات موصول ہونا شروع ہو گئی ہیں۔ آنے والے دنوں میں ان شکایات میں اضافے کا امکان ہے، جو پاکستانی ورک فورس کے لیے مشکلات پیدا کر سکتا ہے۔
عدنان پراچہ کے مطابق پاکستان میں بائیو میٹرک کے نظام کو بھی فوری طور پر بہتر بنانے کی ضرورت ہے۔ جو بائیومیٹرک محض ایک سے 2 گھنٹے میں مکمل ہونا چاہیے، اس میں اکثر 2 دن لگ جاتے ہیں۔
’بائیومیٹرک کے لیے بھی لوگوں سے زیادہ فیس وصولی جارہی ہے‘’ملک بھر میں صرف 5 بائیومیٹرک سینٹرز قائم ہیں، جہاں دور دراز علاقوں سے لوگ صبح سورج نکلنے سے پہلے پہنچ کر لائنوں میں لگ جاتے ہیں اور بعض اوقات شام تک انتظار میں رہتے ہیں۔‘
انہوں نے کہاکہ بائیومیٹرک فیس 1500 روپے ہے لیکن کرپشن کی وجہ سے 5 ہزار روپے تک وصول کیے جا رہے ہوتے ہیں۔ یہ رشوت نہ صرف مزدوروں پر بوجھ ہے بلکہ ورک فورس کو بیرونِ ملک بھیجنے کی لاگت میں بھی اضافہ کرتی جا رہی ہے۔
انہوں نے کہاکہ حکومت کو چاہیے کہ صرف رائے لینے کے بجائے پروموٹرز کی نمائندگی کو یقینی بنائے تاکہ یہ بزنس مزید شفاف اور مؤثر ہو سکے۔ اس وقت زرمبادلہ ملکی معیشت کے لیے نہایت اہم ہے، گزشتہ مالی سال میں جو ترسیلات زر پاکستان کو موصول ہوئیں، ان میں اضافہ ہونا ناگزیر ہے۔
’6 ماہ کے دوران صرف 3 لاکھ 36 ہزار 999 پاکستان بیرون ملک گئے‘پاکستان بیورو آف امیگریشن اینڈ اوورسیز ایمپلائمنٹ کے تازہ ترین اعداد و شمار کے مطابق رواں سال کے پہلے 6 ماہ (جنوری تا جون) میں کل 3 لاکھ 36 ہزار 999 پاکستانی بیرونِ ملک روزگار کے لیے روانہ ہوئے۔ جبکہ اگست 2025 تک یہ تعداد بڑھ کر 4 لاکھ 51 ہزار 933 ہوگئی ہے۔
اعداد و شمار بتاتے ہیں کہ پاکستان کی قریباً 55 فیصد ورک فورس سعودی عرب جاتی ہے۔ اس کی ایک بڑی وجہ مذہبی اور جذباتی وابستگی بھی ہے۔ پاکستانی ورک فورس کے لیے سعودی عرب جانا ایک خواب کی حیثیت رکھتا ہے۔
پہلے 6 ماہ میں سعودی عرب میں 2 لاکھ 42 ہزار 337 اور یو اے ای میں 13 ہزار 865 (جولائی تک) پاکستانی پہنچے۔
’2 ماہ کی تربیت سے کسی بھی عام شخص کو پروفیشنل نہیں بنایا جا سکتا‘اسکلز ڈیویلپمنٹ کے حوالے سے سوال کے جواب میں عدنان پراچہ نے کہاکہ پاکستان اس میدان میں خاطر خواہ کامیابی حاصل نہیں کر سکا۔ اربوں روپے اس منصوبے پر خرچ کیے جا رہے ہیں مگر مطلوبہ نتائج سامنے نہیں آ رہے۔
انہوں نے کہاکہ محض 2 ماہ کی تربیت سے کسی بھی عام شخص کو پروفیشنل نہیں بنایا جا سکتا۔ بہتر یہ ہے کہ پہلے سے موجود ہنرمند افراد کو ٹیسٹ اور سرٹیفکیشن کے ذریعے استعمال میں لایا جائے تاکہ وہ فوری طور پر روزگار حاصل کر سکیں۔
ان کا کہنا تھا کہ ہماری پالیسیوں کا حال یہ ہے کہ ہنرمند کو بے روزگار اور غیر ہنرمند کو تربیت دے کر وقت ضائع کیا جا رہا ہے۔ حالانکہ ترجیح یہ ہونی چاہیے کہ پہلے سے موجود اسکلڈ ورک فورس کو مارکیٹ میں کھپایا جائے تاکہ غربت کی لکیر سے نیچے جانے سے پہلے ہی لوگوں کو سہارا دیا جا سکے۔
انہوں نے کہاکہ اعداد و شمار کے مطابق گزشتہ سال پاکستان سے قریباً 8 لاکھ 62 ہزار افراد بیرون ملک گئے تھے، لیکن رواں سال یہ تعداد کم ہوکر 7 لاکھ سے بھی کم رہ گئی ہے۔
’دوسری طرف حکومت اربوں روپے اسکلز ڈیویلپمنٹ پر خرچ کر رہی ہے لیکن اس کا براہِ راست فائدہ مزدور طبقے کو نہیں پہنچ رہا۔‘
’ترسیلات زر میں کمی سے کرنسی کی قدر پر دباؤ بڑھے گا‘معاشی ماہر راجا کامران کے مطابق زرمبادلہ کے ذخائر اور پاکستانی ورک فورس کی تعداد میں کمی ملکی معیشت کے لیے سنگین چیلنجز کا باعث بن سکتی ہے۔
ان کا کہنا ہے کہ ترسیلات زر پاکستانی معیشت کی ریڑھ کی ہڈی ہیں، اور ان میں کمی سے کرنسی کی قدر پر دباؤ بڑھے گا، جو مہنگائی اور غربت میں اضافے کا سبب بن سکتا ہے۔
راجا کامران نے خبردار کیا کہ اگر بیرونِ ملک روزگار کے مواقع کم ہوتے رہے تو مقامی سطح پر روزگار کے متبادل مواقع پیدا کرنا ناگزیر ہو جائے گا، ورنہ معاشی عدم استحکام معاشرتی مسائل کو جنم دے سکتا ہے۔
’حکومت کو اوورسیز ایمپلائمنٹ پروموٹرز کے مسائل فوری حل کرنے کے ساتھ ساتھ مقامی سطح پر چھوٹے اور درمیانے درجے کے کاروباروں کو فروغ دینا چاہیے۔‘
’اسکلز ڈیویلپمنٹ پروگرامز کو شفاف اور مؤثر بنانے کے لیے کرپشن کا خاتمہ ضروری‘ان کے مطابق اسکلز ڈیویلپمنٹ پروگرامز کو شفاف اور مؤثر بنانے کے لیے کرپشن کا خاتمہ ضروری ہے۔ اس کے علاوہ نئی بین الاقوامی مارکیٹس میں پاکستانی ورک فورس کے لیے مواقع تلاش کرنے سے زرمبادلہ کے ذخائر میں بہتری آ سکتی ہے، جو غربت کی شرح کم کرنے اور معاشی استحکام کے لیے کلیدی ثابت ہو سکتا ہے۔
یاد رہے کہ 2024 میں پاکستان سے قریباً 7 لاکھ 27 ہزار افراد بیرون ملک روزگار کے لیے روانہ ہوئے، جو 2023 کی 8 لاکھ 62 ہزار کی تعداد سے 15 فیصد کم ہے۔
یہ بھی پڑھیں: کیا بیرونِ ملک مقیم پاکستانی، قومی تشخص خراب کر رہے ہیں؟
2025 کے پہلے 8 ماہ (جنوری تا اگست) میں یہ تعداد قریباً 4 لاکھ 52 ہزار رہی جبکہ ہدف 8 لاکھ افراد کا تھا۔ جو پچھلے سالوں کے مقابلے میں بھی کم ہے۔ یہ کمی ملکی معیشت کے لیے سنگین چیلنج ہے کیونکہ ترسیلات زر (30 بلین سے زیادہ سالانہ) ملکی معیشت کی ریڑھ کی ہڈی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اوورسیز ایمپلائمنٹ اوورسیز پاکستانی بیرون ممالک روزگار تارکین وطن زرمبادلہ ذخائر میں کمی ملکی معیشت ورک فورس وی نیوز
کرینہ کپور کے دلچسپ جواب پر مداحوں میں چہ میگوئیاں