روس یوکرین جنگ: بجلی گھروں پر حملے نہ کرنے کے اعلان کا خیرمقدم
اشاعت کی تاریخ: 20th, March 2025 GMT
اسلام آباد (اُردو پوائنٹ ۔ UN اردو۔ 20 مارچ 2025ء) اقوام متحدہ کے سیکرٹری جنرل انتونیو گوتیرش نے یوکرین اور روس میں توانائی کے نظام پر حملے بند کرنے کے لیے دونوں ممالک اور امریکہ کی جانب سے کیے گئے اعلانات کا خیرمقدم کیا ہے۔
سیکرٹری جنرل کا کہنا ہے کہ ہر انداز میں جنگ بندی خوش آئند ہے لیکن اس سے یوکرین میں منصفانہ امن کی راہ ہموار ہونی چاہیے جس کی بنیاد اقوام متحدہ کے چارٹر، بین الاقوامی قانون اور یوکرین کی علاقائی سالمیت کے حوالے سے سلامتی کونسل کی قراردادوں پر ہو۔
انہوں نے یہ بات بیلجیئم کے دارالحکومت برسلز میں کہی ہے جہاں وہ یورپی شراکت داروں کے ساتھ اعلیٰ سطحی اجلاس اور بات چیت کے لیے موجود ہیں۔ قبل ازیں سیکرٹری جنرل امریکہ کے صدر ٹرمپ اور روسی صدر پوٹن کی جانب سے جنگ بندی کو بحیرہ اسود تک وسعت دینے کے اعلانات کا بھی خیرمقدم کر چکے ہیں جو دنیا بھر میں خوراک اور کھادیں برآمد کرنے کا اہم تجارتی راستہ ہے۔
(جاری ہے)
بحری تجارت کا اہم راستہسیکرٹری جنرل کے ترجمان سٹیفن ڈوجیرک کی جانب سے جاری کردہ بیان میں کہا گیا تھا کہ اقوام متحدہ کے چارٹر اور بین الاقوامی قانون کے تحت بحیرہ اسود میں محفوظ اور آزادانہ جہاز رانی کے لیے معاہدہ طے پانے سے عالمگیر غذائی تحفظ اور تجارتی ترسیلی نظام کو محفوظ بنانے میں مدد ملے گی۔
اقوام متحدہ نے یوکرین میں پیدا ہونے والے اناج اور روس سے خوراک اور کھادوں کی بحیرہ اسود کے راستے محفوظ برآمدات یقینی بنانے کے لیے بہت سا کام کیا ہے۔ اس کا مقصد دنیا بھر میں خوراک کی قیمتوں میں اضافے اور بحرانوں کا سامنا کرنے والے ممالک میں قحط کو روکنا ہے۔
اناج اور کھادوں کی برآمدجولائی 2022 میں اقوام متحدہ نے روس، یوکرین اور ترکیہ کے اشتراک سے بحیرہ اسود کے راستے اناج کی دنیا بھر میں ترسیل کا اقدام شروع کیا تھا۔
اس کے ذریعے 30 ملین ٹن اناج اور دیگر خوراک برآمد کی گئی جس سے عالمگیر غذائی تحفظ کو برقرار رکھنے میں مدد ملی۔ علاوہ ازیں، اقوام متحدہ اور روس کے مابین بھی ایک معاہدے طے پایا جس کی بدولت روس نے دنیا بھر میں اناج اور کھادیں برآمد کی تھیں۔جولائی 2023 میں روس نے اول الذکر معاہدے سے دستبرداری کا اعلان کر دیا جسے سیکرٹری جنرل نے افسوسناک قرار دیا تھا۔
ترجمان کا کہنا ہے کہ سیکرٹری جنرل بحیرہ اسود میں جہاز رانی کی آزادی کے ہمیشہ حامی رہے ہیں اور عالمگیر غذائی تحفظ کے لیے وہ اب بھی روس کے ساتھ باہمی مفاہمت کی یادداشت پر عملدرآمد جاری رکھنے کے لیے رابطے میں ہیں۔
.
ذریعہ
ذریعہ: UrduPoint
کلیدی لفظ: تلاش کیجئے سیکرٹری جنرل دنیا بھر میں اقوام متحدہ اناج اور اور روس کے لیے
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
بھارت سے جنگ اور افغانستان میں کارروائی خارج ازامکان نہیں، وزیردفاع