پرائیویٹ سیکٹر سے مل کر پاکستان میں ریل ٹریک کو جدید بنائیں گے: حنیف عباسی
اشاعت کی تاریخ: 25th, March 2025 GMT
وفاقی وزیر برائے ریلوے حنیف عباسی کا کہنا ہے کہ چونکہ ایم ایل ون پر پیشرفت نہیں ہو رہی اس لیے وہ پرائیویٹ سیکٹر کی مدد سے پاکستان کا ریلوے ٹریک بہتر کرنا چاہتے ہیں اور متحدہ عرب امارات بھی اس پر سرمایہ کاری میں دلچپسی رکھتا ہے۔
وی نیوز کے ساتھ ایک خصوصی انٹرویو میں حنیف عباسی نے کہا کہ بلوچستان میں ٹرینوں کی حفاظت کے نظام میں بہتری کے لیے ڈرونز اور سی سی ٹی وی کے استعمال کے حوالے سے سیکورٹی اداروں کے ساتھ مل کر جامع منصوبہ زیر غور ہے۔
حال ہی میں تعینات ہونے والے وفاقی وزیر ریلوے کا کہنا ہے کہ وزیراعظم شہباز شریف نے انہیں ریلوے کی بہتری کا ٹاسک دیا ہے اور اس سلسلے میں وہ ٹرینوں کی بروقت آمد اور روانگی کو یقینی بنانے، ان کی سیکیورٹی، صفائی اور سہولیات کے میعار کو بہتر بنانے کے لیے کوششوں کا آغاز کر چکے ہیں۔
حنیف عباسی کا کہنا تھا کہ وہ فریٹ ٹرین کو بہتر کرکے ریلوے کے مسافروں کو سبسڈی دینا چاہتے ہیں۔
’فریٹ ٹرین اور کارگو کو پرائیوٹائز کریں گے‘حنیف عباسی نے کہا کہ فریٹ ٹرین اور کارگو ریلوے کا صرف 4 فیصد بوجھ اٹھاتی ہے لہٰذا اب ہم اس کو پرائیوٹائز کریں گے اور کارگو کی آن لائن بکنگ کریں گے۔
ان کا کہنا تھا کہ پاکستان کے تاجروں اور صنعت کاروں سے مل کر ریلوے حکام کارگو کے لیے ریل کی سستی سروس فراہم کرنے کا جائزہ لے رہے ہیں اور اس وقت جو کنٹینر کراچی سے پشاور تک 7 لاکھ روپے میں پہنچتا ہے ریلوے اسے آدھی قیمت پر پہنچا سکتی ہے۔
انہوں نے کہا کہ کیرج فیکٹری میں اس وقت کارگو کے لیے نئی کوچز بن رہی ہیں، ویگنز ہمارے پاس نہیں تھیں لیکن اب 800 ویگنز اور 230 کوچز بن رہی ہیں۔
ان کا کہنا تھا کہ ریلوے نے مسافر ٹرینوں سے سنہ 2023 میں 39 ارب روپے کمائے پھر سنہ 2024 میں 47 ارب روپے حاصل ہوئے اور اس سال جون تک 55 ارب روپے کا ٹارگٹ دیا ہے۔
2 نئی ٹرینیں چلانے کا ارادہحنیف عباسی نے بتایا کہ وزیراعظم شہباز شریف نے انہیں ٹاسک دیا ہے کہ ایک سال میں 2 نئی ٹرینیں بنا کر چلانی ہیں۔ انہوں نے کہا کہ پرانی ٹرینوں کے نام تبدیل نہیں کرنے بلکہ نئی ٹرینیں لائیں گے۔
انہوں نے کہا کہ انٹرسٹی ٹرینیوں کو دوبارہ فعال کیا جا رہا ہے۔ انہوں نے مزید کہا کہ موسیٰ پاک جو ملتان تک جاتی ہے اس کو ڈی جی خان تک لے جائیں گے اور خوشحال خان خٹک ٹرین جو پشاور سے کوئٹہ جاتی تھی اس کو بھی دوبارہ فعال کریں گے۔
حنیف عباسی نے کہا کہ کہ وزیراعظم سمجھتے تھے کہ میں ریلوے کو بہتر کر سکتا ہوں اس وجہ سے مجھے یہ اسائنمنٹ دیا گیا ہے اور مجھے یقین ہے کہ میں ان کی امیدوں پر پورا اتروں گا۔
ریلوے ٹریک کی بہتریحنیف عباسی نے کہا کہ چونکہ ایم ایل ون ٹو پر پیشرفت نہیں ہو رہی اس لیے ان کی خواہش ہے کہ پرائیویٹ پبلک پارٹنرشپ کے ساتھ ٹریک کو بہتر کر لیں۔ ان کا کہنا تھا کہ جس طرح ایئرپورٹس دوسری ایئرلائنز بھی استعمال کرتی ہیں اسی طرح پرائیویٹ ٹرنینیں بھی ہمارا ٹریک استعمال کر سکیں گی۔ ان کا مزید کہنا تھا کہ سگنل سسٹم بھی بہتر کیا جائے گا۔
انہوں نے کہا کہ ریلوے کی 16 مقامات پر بیش قیمت بہترین پراپرٹی موجود ہے جس کی مدد سے ریلوے میں بہتری لائی جا سکتی ہے۔ انہوں نے مزید کہا کہ اس کے لیےریلوے اسٹیٹ ڈیولپمنٹ کمپنی 16 کے قریب پرائم پراپرٹیز کو ڈیولیپ کرے گی۔ انہوں نے بتایا کہ صرف کراچی میں ڈاکٹر ضیاالدین احمد روڈ پر ریلوے کی پراپرٹی کو لیز پر دے کر 150 ارب روپے کے قریب کمائے جاسکتے ہیں۔
ان کا کہنا تھا کہ گزشتہ حکومت میں تعطل کا شکار سی پیک وزیر اعظم شہباز شریف کے دورے کے بعد بحال ہوا تاہم ایم ایل ون وغیرہ ابھی تک پائپ لائن میں ہیں۔
حنیف عباسی نے کہا کہ ان کی خواہش ہے کہ ایم ایل ون پرائیویٹ سیکٹر سے بنوائیں۔ ان کا کہنا تھا کہ متحدہ عرب امارات سے بھی مفاہمت کی یادداشت پر دستخط ہوئے ہیں تاکہ ایم ایل ون پر سرمایہ کاری کی جاسکے۔
ٹرینوں کی سیکیورٹی کے اقداماتوزیر ریلوے حنیف عباسی نے بتایا کہ وہ چند دنوں میں کوئٹہ جا رہے ہیں جہاں وہ سیکیورٹی اداروں کے ساتھ مل کر ریلویز کے تحفظ کا جامع پلان بنائیں گے جس میں ڈرونز کے ساتھ ٹرینوں کو ٹیگ کرنا اور سی سی ٹی وی کیمروں کا استعمال بھی شامل ہو گا۔
سیفٹی کے حوالے سے ان کا کہنا تھا کہ آئی جی رائے طاہر ریلوے پولیس کو بہتر کریں گے۔ ان کا کہنا تھا کہ ریلوے اسٹیشنز پر اسکینرز لگائیں گے اور سیفٹی کو بہتر کریں گے۔
انہوں نے کہا کہ ریلوے کیرج فیکٹری بہت عمدہ کام کر رہی ہے اور وہ ہمارا اثاثہ ہے۔ انہوں نے مزید کہا کہ ماضی میں ہم نے بنگلہ دیش اور سینی گال کو ٹرینیں ایکسپورٹ بھی کی ہیں۔
نواز شریف کیوں غائب ہیں؟مسلم لیگ ن کے صدر میاں محمد نواز شریف کے منظر عام سے غائب ہونے اور قومی سلامتی کمیٹی کے اجلاس میں شرکت نہ کرنے کے حوالے سے سوال پر ان کا کہنا تھا کہ نواز شریف سلامتی کمیٹی کے اجلاس میں اس لیے نہیں آئے کہ ان کی طبعیت خراب تھی ورنہ وہ ہر سال کی طرح اس مرتبہ بھی سعودی عرب عمرے پر جاتے۔ انہوں نے بتایا کہ نواز شریف کے لیے پاکستان اب بھی اتنی ہی اہمیت رکھتا ہے جتنی پہلے رکھتا تھا۔
ان کا کہنا تھا کہ نواز شریف صاحب نے پنجاب کے تمام ایم پی ایز سے ملاقات کی اور الیکشن سے قبل بھی تمام امیدواروں سے ملے اور ہر بورڈ کے اجلاس میں موجود رہے۔
کیا حکومت 5 سال پورے کرے گی؟اس پر ان کا کہنا تھا کہ مستقبل کا اللہ کو علم ہے مگر اس حکومت نے معیشت کو بہتر کیا ہے۔ شرح سود 22 فیصد سے12 فیصد پر آگئی ہے، ترسیلات زر بڑھ چکی ہیں اور مہنگائی کم ہو چکی ہے۔ ان کا مزید کہنا تھا کہ یہ سارے حقائق دنیا کے تمام معاشی ادارے بھی مانتے ہیں۔
ان کا یہ بھی کہنا تھا کہ بین الاقوامی سرمایہ کاری بھی بہتر ہو رہی ہے اور اربوں ڈالر کے مزید معاہدے تکمیل کے قریب ہیں۔
’شیخ رشید مکافات عمل کا شکار ہیں‘شیخ رشید کے حوالے سے حنیف عباسی نے کہا کہ وہ مکافات عمل کا شکار ہیں۔ ان کا کہنا تھا کہ سنا ہے آج کل شیخ رشید تندور پر روٹیاں لگاتے اور چائے بناتے ہیں، میں ان کے لیے نیک خواہشات رکھتا ہوں۔
انہوں نے کہا کہ خطرناک ایفی ڈرین کیس سے وزارت تک انہیں اللہ کی مدد حاصل رہی۔ انہوں نے مزید کہا کہ مجھے راولپنڈی کی ترقی کا صلہ جیل کی شکل میں ملا مگر اس کے بعد میں رکا نہیں اور گزشتہ پی ڈی ایم حکومت میں بھارہ کہو پل سے پارک روڈ اور دیگر ترقیاتی منصوبوں کی سربراہی کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرین کارگو سروس ریلوے ٹریک کی بحالی سی پیک میاں محمد نواز شریف نئی ٹرینیں چلانےکا منصوبہ وفاقی وزیر ریلوے حنیف عباسی.
ذریعہ
ذریعہ: WE News
کلیدی لفظ: ٹرین کارگو سروس ریلوے ٹریک کی بحالی سی پیک میاں محمد نواز شریف نئی ٹرینیں چلانےکا منصوبہ وفاقی وزیر ریلوے حنیف عباسی حنیف عباسی نے کہا کہ انہوں نے مزید کہا کہ ان کا کہنا تھا کہ انہوں نے کہا کہ کے حوالے سے نے بتایا کہ کو بہتر کر ایم ایل ون نواز شریف ارب روپے کہ ریلوے ریلوے کی کریں گے ہیں اور کے ساتھ کے لیے ہے اور اور سی
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار