ایم ڈی اے، افسران کی نورا کشتی میں ڈی جی کی رٹ خطرے میں
اشاعت کی تاریخ: 7th, April 2025 GMT
ڈی جی سعید صالح جمانی کے عرفان بیگ سے ویگو گاڑی لینے کے احکامات ہوا میں اڑا دیے گئے
عرفان بیگ کے خلاف کارروائی ماتحت عملے کے ذریعے سست روی کا شکار کر دی جاتی ہے، ذرائع
ملیر ڈیولپمنٹ اتھارٹی میں افسران کی نورا کشتی کے درمیان ڈی جی سعید صالح جمانی کی رٹ خطرے میں پڑ گئی ہے۔ ایم ڈی اے میں موجود ایک گروپ پانچ گریڈ کے میل ویکسی نیٹر عرفان بیگ کی مکمل حمایت میں مصروف ہیں جس نے جعلسازی سے ایم ڈی اے میں اپنے پنجے اس طرح گاڑے ہوئے ہیں کہ وہ ڈی جی کے تمام منصوبوں کو اپنے اثر سے چوپٹ کرنے میں کامیاب رہتے ہیں۔ باخبر ذرائع کے مطابق کچھ عرصہ قبل ڈائریکٹر جنرل سعید صالح جمانی نے سیکریٹری ایم ڈی اے کو احکامات جاری کیے تھے کہ عرفان بیگ گریڈ پانچ کا ملازم اور ڈی ایم سی ساؤتھ کا باشندہ ہے ۔اس گریڈ کے ملازم کو ویگو گاڑی الاٹ ہوہی نہیں سکتی ۔اس سے فی الفور گاڑی واپس لی جائے ۔ اطلاعات کے مطابق عرفان بیگ کو ایم ڈی اے ہیڈ آفس سے ابھی بھی پوری سپورٹ حاصل ہے اور ایم ڈی اے کے اندر ہونے والے اقدامات کے بارے میں عرفان بیگ کو پل پل آگاہ کیا جاتا ہے ۔ چونکہ ابھی بھی عرفان بیگ کے لوگ ایم ڈی اے میں موجود ہیں۔ حال ہی میں جاری ہونے والے خط سے بخوبی اندازہ لگایا جا سکتا ہے کہ عرفان بیگ کے خلاف جو بھی کارروائی عمل میں لائی جاتی ہے ،ڈی جی ایم ڈی اے کے ماتحت لوگ اس کارروائی کو سست روی کا شکار کر دیتے ہیں اور عرفان بیگ کو لائف لائن میسر آجاتی ہے ۔ باخبر ذرائع کے مطابق موجودہ اسسٹنٹ سیکریٹری عرفان بیگ کا خاص بندہ بتایا جا رہا ہے ماضی میں یہ شخص عرفان بیگ کا منظور نظر رہا ہے ۔ حالات کو مدنظر رکھتے ہوئے حیرانگی اس بات کی ہے کہ عرفان بیگ پوری سندھ کابینہ کی مشینری پر بھاری ثابت ہورہا ہے اور سرکاری ویگو جس کا نمبر GSB-082ہے واپس کرنے کا نام نہیں لے رہااور پورا ایم ڈی اے اور لوکل گورنمنٹ عرفان بیگ کے سامنے گم صم اور لاچار دکھائی دیتا ہے۔
.ذریعہ: Juraat
پڑھیں:
سابق وزیراعظم شاہد خاقان عباسی کو دل کی تکلیف، دو سٹنٹ ڈالے گئے
اسلام آباد س (ڈیلی پاکستان آن لائن) سابق وزیراعظم شاہد خاقان عباسی کو دل میں تکلیف کے باعث ہسپتال منتقل کیا گیا۔ ذرائع کے مطابق انہیں دل کا دورہ پڑا جس کے بعد بروقت طبی امداد فراہم کی گئی۔
نجی ٹی وی 365 نیوز نے ہسپتال ذرائعکے حوالے سے رپورٹ کیا کہ ڈاکٹروں نے شاہد خاقان عباسی کے دل کی شریانوں میں دو سٹنٹ ڈالے ہیں۔ ان کی حالت اب خطرے سے باہر بتائی جا رہی ہے۔
ذرائع کے مطابق سابق وزیراعظم اس وقت ڈاکٹروں کی خصوصی نگرانی میں ہسپتال میں زیر علاج ہیں۔ ان کے قریبی ساتھیوں اور پارٹی رہنماؤں نے عوام سے ان کی صحتیابی کے لیے دعا کی اپیل کی ہے۔
ایک روز میں چمن بارڈر کے ذریعے 10 ہزار 700 افغان شہری افغانستان واپس بھیج دیے گئے
مزید :
ڈی جی این سی سی اے وقارالدین سید کو ہٹا دیا گیا، سید خرم علی تعینات