سٹیج اداکارہ کے ساتھ انتہائی افسوسناک واقعہ پیش آگیا
اشاعت کی تاریخ: 11th, April 2025 GMT
اسٹیج اداکارہ کے ساتھ افسوسناک واقعہ پیش آگیا۔
ریسکیو حکام کے مطابق اسٹیج اداکارہ کو اسپتال منتقل کر دیا گیا ہے اور متاثرہ خاتون کے ٹیسٹ کیے جارہے ہیں اور علاج جاری ہے۔
واقعہ صادق آباد میں پیش آیا جہاں اسٹیج اداکارہ سے 3 افراد نے مبینہ اجتماعی زیادتی کی ہے۔ خاتون نے الزام عائد کیا کہ ملزمان پارٹی کیلئے ڈیرے پر لے کر گئے اور نشہ آور جوس پلاکر زیادتی کی۔
ڈی پی او کا کہنا ہے کہ اسٹیج اداکارہ کو پارٹی کے بعد مبینہ زیادتی کا نشانہ بنایا گیا ہے اور حالت خراب ہونے پر ریسکیو ٹیم نے خاتون اسپتال منتقل کیا ہے۔
اسپتال میں خاتون کو ابتدائی طبی امداد دی جارہی ہے اور ڈاکٹرز نے معائنے کے بعد کچھ طبی ٹیسٹ کروائے ہیں۔
.ذریعہ: Daily Ausaf
کلیدی لفظ: اسٹیج اداکارہ
پڑھیں:
بھارت: شادی تقریب میں اسٹیج گر گیا، متعدد بی جے پی رہنما زخمی
بھارت(ویب ڈیسک) ریاست اتر پردیش کے ضلع بلیا میں شادی کی تقریب کے دوران اسٹیج اچانک گرنے سے بھارتیہ جنتا پارٹی (بی جے پی) کے متعدد رہنما زخمی ہو گئے۔
بھارتی میڈیا کے مطابق ضلع بلیا میں ایک شادی کی تقریب اس وقت حادثے میں بدل گئی جب اسٹیج اچانک گر گیا۔
واقعہ اس وقت پیش آیا جب سیاسی رہنما نو بیاہتا جوڑے کو مبارک باد دینے اور تصاویر بنوانے کے لیے اسٹیج پر موجود تھے۔
یہ واقعہ بی جے پی کے مقامی رہنما ابھیشیک سنگھ انجینئر کے بھائی کے ولیمے کی تقریب میں پیش آیا۔اس موقع پر بی جے پی کے رہنما سنجے مشرا و دیگر لوگ بھی موجود تھے۔
وائرل ویڈیو میں دیکھا جا سکتا ہے کہ شادی کی تقریب کے دوران اسٹیج پر موجود رہنما مسکراتے ہوئے جوڑے کو مبارکباد دے رہے تھے کہ چند ہی لمحوں میں پورا اسٹیج نیچے دھنس گیا اور اس پر موجود تمام افراد زمین پر جا گرے۔ اس دوران مہمانوں میں بھگدڑ مچ گئی اور لوگ زخمیوں کی مدد کے لیے دوڑ پڑے۔واقعے کے فوراً بعد ماحول میں گھبراہٹ اور بے چینی دیکھنے میں آئی، جبکہ متعدد مہمانوں نے پیچھے ہٹ کر خود کو محفوظ کرنے کی کوشش کی۔
الیکشن بیانیے سے نہیں کارکردگی سے جیتے جاتے ہیں: مریم نواز شریف