حامد رضا اور احمد خان بچھر کو بھی اڈیالہ جیل جانے سے روک دیا گیا
اشاعت کی تاریخ: 17th, April 2025 GMT
—فائل فوٹو
صاحبزادہ حامد رضا اور احمد خان بچھر کو بھی پولیس نے اڈیالہ جیل جانے سے روک دیا۔
حامد رضا نے کہا ہے کہ ہمارے پاس کوئی راستہ نہیں بچا سوائے اس کے کہ ہم یہاں پُرامن طور پر آنے کی کال دیں، کل چیف جسٹس نے سلمان صفدر کی ملاقات کا کہا لیکن نہیں ملنے دے رہے۔
انہوں نے کہا کہ بانئ پی ٹی آئی سابق وزیرِ اعظم ہیں، ان کے ساتھ یہ رویہ ہے تو پھر کیا توقع کی جاسکتی ہے، میرا نام کبھی بھی کمپرومائزڈ لوگوں کی فہرست میں شامل نہیں ہو گا۔
بانئ پی ٹی آئی عمران خان کی تینوں بہنوں کو اڈیالہ جیل جانے کے لیے داہگل کے مقام پر پولیس ناکے پر روک دیا گیا۔
صاحبزادہ حامد رضا کا کہنا ہے کہ پارٹی کے اندر ملاقاتوں کو لے کر تشویش تو ہے، سلمان اکرم راجہ جو فہرست بھیجتے ہیں ان کو ملاقات نہیں کرنے دی جاتی باقی لوگوں کو ملاقات کی اجازت دی جاتی ہے۔
ان کا یہ بھی کہنا ہے کہ پارلیمانی کمیٹی یا سیاسی کمیٹی میں ہم اوتھ لے کر بیٹھتے ہیں لہٰذا اندر کی باتیں باہر نہیں کروں گا، کچھ لوگوں کے متعلق عام رائے ہے کہ وہ کمپرومائزڈ ہیں، جو لوگ اندر جاتے ہیں ان کے متعلق سوالات تو موجود ہیں۔
واضح رہے کہ اڈیالہ جیل میں بانئ پی ٹی آئی عمران خان سے آج پارٹی رہنماؤں کی ملاقات کا دن ہے۔
سیکریٹری جنرل پی ٹی آئی سلمان اکرم راجہ نے جیل حکام کو رہنماؤں کی فہرست بھجوا دی۔
فہرست میں اپوزیشن لیڈر عمر ایوب، شبلی فراز اور صاحبزادہ حامد رضا شامل ہیں۔
راجہ ناصر عباس، احمد خان بچھر اور زرتاج گل کا نام بھی فہرست میں شامل ہے۔
.ذریعہ: Jang News
کلیدی لفظ: اڈیالہ جیل روک دیا
پڑھیں:
طلحہ احمدکو وزیراعظم نےبطور انعام کتنی رقم دی اورکیاپیشکش کی؟
وزیر اعظم محمد شہباز شریف سےگزشتہ دنوں پاکستان کے معروف کونٹینٹ کریئیٹر طلحہ احمد نے ملاقات کی تھی جس میں وزیراعظم نے طلحہ کی حوصلہ افزائی کی تھی اور اسے انعام سے بھی نوازا تھا۔
نجی ٹی وی سے گفتگو کرتےہوئےطلحہ احمد نے بتایا کہ وزیراعظم ہاؤس میں ہونے والی ملاقات میں وزیر اعظم نے میرے کام کی تعریف کی اور میری حوصلہ افزائی کی۔
طلحہ احمد نے بتایا کہ وزیراعظم نے مجھے اعزازی شیلڈ سے نوازا اور انعام کے طور پر اپنی طرف سے ایک لیپ ٹاپ بھی دیا، اس کے علاوہ انہوں نے مجھے 10 لاکھ روپے انعام بھی دیا۔
معروف کونٹینٹ کریئیٹر نےکہا کہ وزیراعظم نے مجھ سے یہ بھی کہا کہ آپ نوجوان ہیں اور پاکستان کا مستقبل اور سرمایہ ہیں، اگر آپ اعلیٰ تعلیم کے لیےکیمبرج بھی جانا چاہتے ہیں تو حکومت آپ کو سپورٹ کرے گی اور اگر صحت کے حوالے سے بھی مدد کی ضرورت ہے تو وفاقی حکومت آپ کی مدد کرےگی۔
واضح رہے کہ وزیراعظم سے ملاقات کے موقع پر طلحہ احمد نے وی لاگ بھی بنایا تھا جس میں بتایا تھا کہ یہ دن ہمیشہ کے لیے میری زندگی کے خاص لمحوں میں شامل ہوگیا ہے کیونکہ آج مجھے وزیراعظم شہباز شریف سے ملاقات کا موقع ملا۔
طلحہ احمد نے کہا وزیراعظم نے شفقت بھرے انداز میں گلے لگایا اور وزیراعظم ہاؤس میں خوش آمدید کہا۔
طلحہ احمد کا کہنا تھاکہ وزیراعظم نے بتایاکہ انہیں میری سرکاری افسر اور بالی وڈ کی نظر میں مسلمان کے کردار پر مبنی ویڈیوز بہت پسند آئیں، ان کی فرمائش پر وہ سین براہ راست پرفارم کرکے دکھایا جسے دیکھ کر ملاقات میں موجود تمام افراد لطف اندوز ہوئے۔
جسٹس محسن اختر کیانی کا صدر مملکت کے فیصلے کو چیلنج کرنے کا فیصلہ، ذرائع