سوات میں سیکیورٹی فورسز کا آپریشن، 4 خوارج ہلاک
اشاعت کی تاریخ: 18th, April 2025 GMT
فوٹو فائل
سیکیورٹی فورسز نے سوات میں آپریشن کے دوران 4 خوارج ہلاک کردیے۔
پاک فوج کے شعبہ تعلقات عامہ آئی ایس پی آر کے اعلامیے کے مطابق سیکیورٹی فورسز اور قانون نافذ کرنے والے اداروں نے خوارج کے خلاف سوات میں مشترکہ آپریشن کیا۔
آئی ایس پی آر کے مطابق سوات میں آپریشن خوارج کی موجودگی کی خفیہ اطلاع پر کیا گیا، جس کے دوران 4 خوارج ہلاک کردیے گئے۔
اعلامیہ میں مزید کہا گیا ہے کہ آپریشن کے دوران مارے گئے خوارج سے اسلحہ اور گولہ بارود برآمد ہوا ہے، ہلاک خوارج دہشت گردی کی متعدد وارداتوں میں ملوث تھے۔
آئی ایس پی آر کے مطابق سیکیورٹی فورسز ملک سے دہشت گردی کے مکمل خاتمے کےلیے پُرعزم ہیں۔
.ذریعہ: Jang News
کلیدی لفظ: سیکیورٹی فورسز سوات میں
پڑھیں:
پنجاب: کرکٹ سیریز کے دوران سیکیورٹی کے بہترین انتظامات کرنے کی ہدایت
حکومت پنجاب نے پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت کردی۔ جبکہ اٹک اور ڈی جی خان میں رینجرز کی تعیناتی میں توسیع کی منظوری دے دی گئی۔
محکمہ داخلہ پنجاب میں کابینہ کمیٹی برائے امن و امان کا 41 واں اجلاس چیرمین خواجہ سلمان رفیق نے صدارت میں ہوا۔
مزید پڑھیں: وزیراعلیٰ پنجاب مریم نواز نے ٹی ایل پی کی دھمکیوں کے بعد سرگرمیاں محدود کردیں، سیکیورٹی اسٹاف تبدیل
سیکریٹری داخلہ ڈاکٹر احمد جاوید قاضی اور قانون نافذ کرنے والے اداروں کے نمائندگان نے اجلاس کو بریفنگ دی۔ اجلاس میں صوبہ بھر میں امن و امان کی صورتحال کا تفصیلی جائزہ لیا گیا۔
کابینہ کمیٹی نے 11 نومبر سے شروع ہونے والی پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت دی۔
کابینہ کمیٹی نے اٹک اور ڈی جی خان میں رینجرز کی تعیناتی میں توسیع کی منظوری دی۔
کابینہ کمیٹی برائے امن و امان نے پنجاب فرانزک سائنس ایجنسی کو جدید تقاضوں سے ہم آہنگ کرنے اور مزید سود مند بنانے پر زور دیا۔
اجلاس سے خطاب میں صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے کہاکہ عوام کے جان و مال کا تحفظ ریاست کی اولین ترجیح ہے اور صوبہ بھر میں امن و امان کی صورتحال تسلی بخش ہے۔
انہوں نے ہدایت کی کہ سہ ملکی کرکٹ سیریز کے دوران سیکیورٹی کے غیر معمولی انتظامات یقینی بنائے جائیں۔
خواجہ سلمان رفیق نے کہاکہ بابا گورونانک دیو جی کی جنم دن تقریبات کے لیے بہترین انتظامات کیے گئے ہیں اور تمام مہمانوں کی سہولت کا خیال رکھا جائے گا۔
انہوں نے کہاکہ وزیراعلی پنجاب کی ہدایت کے مطابق قانون نافذ کرنے والے ادارے قیام امن کی خاطر دن رات مصروف عمل ہیں۔
مزید پڑھیں: پنجاب: ڈرون پولیسنگ اور نیا مربوط سیکیورٹی اینڈ آرمز ریگولیشن سسٹم منظور
کابینہ کمیٹی برائے امن و امان کے اجلاس میں سیکریٹری داخلہ ڈاکٹر احمد جاوید قاضی، سیکریٹری محکمہ اوقاف سید طاہر رضا بخاری، ایڈیشنل آئی جی پولیس چوہدری سلطان، اسپیشل برانچ اور سی ٹی ڈی سے ڈی آئی جیز اور محکمہ داخلہ سے متعلقہ ایڈیشنل سیکریٹریز نے شرکت کی۔
اسی طرح پاکستان کرکٹ بورڈ کے چیف آپریٹنگ آفیسر سمیر احمد سید جبکہ پنجاب بھر سے کمشنرز اور آر پی اوز نے ویڈیو لنک کے ذریعے اجلاس میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب رینجرز تعیناتی میں توسیع سیکیورٹی انتظامات کرکٹ سیریز وی نیوز
جامعہ کراچی کے عقب میں جھاڑیوں میں آگ لگ گئی