وفاقی وزیر نے پاکستانی عازمین حج کے لیے بڑی خوش خبری سنادی
اشاعت کی تاریخ: 21st, April 2025 GMT
اسلام آباد:
وفاقی وزیر مذہبی امور سردار یوسف نے رواں سال حج کے لیے جانے والے پاکستانیوں کے لیے بڑی خوش خبری سنادی۔
پاکستان سے سرکاری اسکیم کے تحت فریضہ حج کے لیے جانے والے عازمین ہمیشہ ناقص انتظامات اور عدم تعاون کی شکایات کرتے رہے ہیں، تاہم اس بار وفاقی وزیر مذہبی ا مور نے دعویٰ کیا ہے کہ ہمارے حاجی وی وی آئی پی کی طرح حج کریں گے۔
وفاقی دارالحکومت میں سالانہ حج کانفرنس سے خطاب کرتے ہوئے سردار یوسف نے کہا کہ وزارت مذہبی امور کمرشل وزارت نہیں ہے، ہمارا مقصد نظریہ پاکستان و اسلام ہے ۔ حج کے حوالے سے بڑی پریشانی ہے، گزشتہ دور میں جب ذمہ داری سنبھالی گئی تو 2013ء میں 5 ہزار رہ گیا ، مگر اس کے بعد 2016ء تک ہمارے پاس 5 لاکھ تک درخواستیں موصول ہوئیں، جس کی وجہ کم پیکیج و اچھے انتظامات تھے۔
انہوں نے اعلان کیا کہ اس بار ہمارے حاجی وی وی آئی پی کی طرح حج کریں گے کیوں کہ سعودی حکام کی طرف سے مساوی انتظامات ہیں اور حکومت پاکستان کی جانب سے بھی اب ہم کوئی کمی کوتاہی نہیں برتیں گے ۔
سردار یوسف کا کہنا تھا کہ ٹائم لائن پر جو ہدایات تھیں اسی پر آگے بڑھ سکتے ہیں۔ جو بھی کچھ ہوا ہے اس میں سعودی حکام نہیں پاکستان کی کوتاہی ہے ۔ جس جس مد میں پورٹل کے ذریعے جو پیسہ گیا ہے وہ ضائع نہیں ہوگا ۔ اس سے ہٹ کر جو ہے اس کو سلجھانے کی کوشش کررہے ہیں ۔
انہوں نے مزید کہا کہ سعودیہ میں پاکستانی سفیر نے بھی یقین دلایا ہے کہ ہر ممکن کوشش کریں گے ۔ وزیراعظم نے جو کمیٹی بنائی ہے اس کی رپورٹ جمع ہوچکی ہے اس کی روشنی میں جو ہدایات ہونگی عمل کریں گے۔
وفاقی وزیر کا کہنا تھا کہ وزارت مذہبی امور مجھے ایک ماہ قبل ہی ملی ہے ۔ وزیر اعظم نے مجھے اچھا حج کرانے کی ذمہ داری دی ہے ۔ میں نے خود سعودی عرب جاکر انتظامات کا جائزہ لیا ہے اور مجھے پتا چلا ہے کہ کافی بڑی تعداد میں عازمین حج رہ رہے ہیں ۔ میں نے اور علامہ طاہر اشرفی نے اپنی بساط کے مطابق 67ہزار عازمین کا حج کوٹہ بحال کرانے کی کوشش کی ۔
انہوں نے بتایا کہ وزیر خارجہ اسحق ڈار نے بھی کوشش کی ۔ سعودی وزیر حج کی کوششوں سے پاکستان کو 10 ہزار حاجیوں کا کوٹہ مل گیا ۔ سعودی عرب نے ایک لاکھ 2 حج کوٹہ کا بتایا ۔ میں نے سعودی حکومت کو درخواست کی کہ ہمدردی سے تمام پاکستانیوں کے لیے غور کریں ، جس پر سعودی حکومت نے 10 ہزار عازمین کی اجازت دی ۔ یہ 10 ہزار کوٹہ اسی پرائیویٹ حج سے ہوا ہے ۔ کچھ لوگ اضافی حج کوٹہ کی بات کررہے ہیں جو درست نہیں۔
.ذریعہ: Express News
کلیدی لفظ: وفاقی وزیر کریں گے کے لیے
پڑھیں:
بی پی ایل میں 11 پاکستانی شرکت کریں گے، حتمی فہرست سامنے آگئی
کل 11 پاکستانی کرکٹرز آئندہ بنگلہ دیش پریمیئر لیگ یعنی بی پی ایل میں حصہ لینے کے لیے تیار ہیں، جو 26 دسمبر 2025 سے کھیلا جائے گا۔
یہ کھلاڑی بی پی ایل کی نیلامی کے دوران منتخب کیے گئے، جہاں متعدد فرنچائزز نے انہیں اپنے اسکواڈ کا حصہ بنانے کے لیے خرید لیا۔
یہ بھی پڑھیں: کیریبیئن پریمیئر لیگ میں کون سے پاکستانی کرکٹرز ایکشن میں نظر آئیں گے؟
منتخب شدہ کھلاڑیوں میں خواجہ نافی اور سفیان مقیم رنگپور رائیڈرز کی نمائندگی کریں گے، جبکہ صاحبزادہ فرحان، محمد نواز، جہانداد خان اور راج شاہی واریئرز کی فرنچائز کے لیے کھیلیں گے۔
???????? 13 Pakistani players have been selected for the BPL so far!????
Saim Ayub M Nawaz Sahibzada Farhan M Amir, Khawaja Nafay Sufyan Muqeem, Abrar Ahmed Usman Khan Haider Ali, Ihsanullah, Jahandad Khan Akif Javed
M Akhlaq
Massive Pakistani representation in this year’ #BPL ???????????????????????? pic.twitter.com/wWFrUVtND0
— Humais khan (@Humireacts) November 30, 2025
احسان اللہ اور حیدر علی خلنا ٹائیگرز کی ٹیم میں شامل ہوئے ہیں، اور عثمان خان ڈھاکہ کیپیٹلز کے ساتھ کھیلیں گے۔
ابرار احمد چٹا گرام رائلز کا حصہ ہوں گے، جبکہ صائم ایوب اور محمد عامر سلہٹ اسٹرائیکرز کے لیے میدان میں اتریں گے۔
مزید پڑھیں:کرکٹ لیگز میں میچ فکسنگ کا بڑھتا ہوا رجحان
مجموعی طور پر 11 پاکستانی کرکٹرز کی شمولیت بی پی ایل کے جوش و خروش میں اضافہ کرتی ہے، کیونکہ یہ کھلاڑی اپنی مہارتوں کے ساتھ علاقے کی سب سے مقبول ٹی20 لیگ میں رنگ بھرنے کے لیے تیار ہیں۔
دنیا بھر کے ٹاپ کھلاڑیوں کی موجودگی کے ساتھ، یہ ٹورنامنٹ کرکٹ کے شائقین کے لیے ایک سنسنی خیز مقابلہ پیش کرنے کا دعویدار ہے۔
بنگلہ دیش پریمیئر لیگ 26 دسمبر سے شروع ہوگی، اور ٹیمیں پہلے ہی اس مقابلے کے لیے تیاریاں کر رہی ہیں، تاکہ مشہور بی پی ایل ٹرافی جیتی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابرار احمد بنگلہ دیش بی پی ایل پاکستان پریمیئر لیگ ٹی20 چٹا گرام ڈھاکہ راجشاہی سفیان مقیم سلہٹ صائم ایوب کرکٹ کھلنا محمد عامر نیلامی
اسلام آباد کے پارک میں خیمہ زن 539 افغان باشندے گرفتار