پہلگام واقعے کے بعد مقبوضہ کشمیر کے معصوم لوگوں کو نشانہ بنایا جا رہا ہے، وزیراطلاعات
اشاعت کی تاریخ: 27th, April 2025 GMT
اسلام آباد:
وفاقی وزیر اطلاعات و نشریات عطااللہ تارڑ نے بھارت کی حکومت کے اقدامات کو تنقید کا نشانہ بناتے ہوئے کہا ہے کہ پہلگام واقعے کے بعد مقبوضہ کشمیر کے معصوم لوگوں کو نشانہ بنایا جا رہا ہے۔
وفاقی وزیر اطلاعات عطا اللہ تارڑ نے پہلگام واقعے کے حوالے سے غیر ملکی میڈیا کو بریفنگ دیتے ہوئے کہا کہ پہلگام واقعے پر پاکستان کا مؤقف واضح ہے، پاکستان خود دہشت گردی سے سب سے زیادہ متاثرہ ملک ہے، دہشت گردی کی جنگ میں ہم نے ہزاروں جانوں کی قربانی دی ہے۔
انہوں نے کہا کہ دہشت گردی کے خلاف جنگ میں ملکی معیشت کو اربوں ڈالر کا نقصان ہوا، فتنہ الخوارج کے خلاف کامیاب کارروائیاں جاری ہیں، جعفر ایکسپریس واقعے میں دہشت گردوں نے معصوم لوگوں کو یرغمال بنایا۔
عطا اللہ تارڑ نے کہا کہ بھارت کے علاوہ پوری دنیا نے جعفر ایکسپریس واقعے کی مذمت کی، اس کی وجہ یہ ہے کہ بھارت خود ریاستی دہشت گردی میں ملوث ہے، بھارتی جاسوس کلبھوشن یادیو کو پکڑا جو پاکستان میں دہشت گردی کی کارروائیوں میں ملوث تھا۔
انہوں نے کہا کہ سکھ رہنماؤں کے قتل میں بھارتی حکومت کے ملوث ہونے کے شواہد دنیا کے سامنے ہیں، بھارت دنیا بھر میں دہشت گردی کے واقعات میں ملوث ہے، پہلگام لائن آف کنٹرول سے 150 کلو میٹر دور ہے۔
ان کا کہنا تھا کہ پہلگام واقعے کے 10 منٹ بعد ایف آئی آر درج کی گئی، واقعے کے فوری بعد ایف آئی آر کا اندراج اس بات کا ثبوت ہے کہ یہ سازش پہلے سے تیار کی گئی تھی۔
وفاقی وزیر اطلاعات نے کہا کہ پاکستان ایک ذمہ دار اور پرامن ملک ہے، ہمارے اپنے ہمسایوں کے ساتھ اچھے تعلقات ہیں، پاکستان نے پہلگام واقعے کی غیر جانب دارانہ تحقیقات میں تعاون کی پیش کش کی ہے۔
انہوں نے کہا کہ دہشت گردی کے واقعات میں بھارت کے ملوث ہونے کے ناقابل تردید ثبوت موجود ہیں، لندن میں پاکستانی سفارت خانے پر حملہ بھارتی حکومت کی انتہا پسندانہ سوچ کی عکاسی کرتا ہے لیکن امن کی خواہش کو کمزوری نہ سمجھا جائ۔
عطا اللہ تارڑ کا کہنا تھا کہ پاکستان اپنی سالمیت اور خودمختاری کا دفاع کرنا جانتا ہے، کسی بھی مہم جوئی کا بھرپور طاقت سے جواب دیا جائے گا، بھارت کے اندر سے پہلگام واقعے کے حوالے سے آوازیں اٹھنا شروع ہو گئی ہیں۔
غیرملکی میڈیا کو بریفنگ میں انہوں نے بتایا کہ پہلگام واقعے کے بعد کشمیر کے معصوم لوگوں کو نشانہ بنایا جا رہا ہے، مقبوضہ کشمیر میں 8 سے 9 لاکھ بھارتی قابض فوج موجود ہے، سوال پیدا ہوتا ہے کہ اتنی سیکیورٹی فورسز کی موجودگی میں کس طرح پہلگام واقعہ پیش آیا۔
ان کا کہنا تھا کہ اتنی سیکیورٹی فورسز کی موجودگی کے باوجود پہلگام واقعہ ہونا شرم ناک ہے، ہم مہمان نواز قوم ہیں، پلوامہ حملے کے بعد بھی بھارتی پائلٹ کو چائے پلا کر واپس بھیجا، بھارت کی جانب سے سندھ طاس معاہدہ معطل کرنا بچگانہ اور غیر سنجیدہ حرکت ہے۔
انہوں نے کہا کہ پہلگام واقعے کی آڑ میں پاکستان کا پانی روکنے کی کوشش کی جا رہی ہے، پاکستان کا پانی روکنے کی کسی بھی کوشش کو جنگی اقدام سمجھا جائے گا، عالمی قوانین کے مطابق سندھ طاس معاہدہ یک طرفہ طور پر ختم نہیں کیا جا سکتا۔
وفاقی وزیر اطلاعات نے کہا کہ اس پورے ڈرامے میں پاکستان نے انتہائی ذمہ داری کا مظاہرہ کیا کیونکہ ہم امن پر یقین رکھتے ہیں، پاکستان دہشت گردی کے خلاف جنگ میں فرنٹ لائن اسٹیٹ ہے اور پاکستان نے پہلگام واقعے میں تحقیقات کی پیش کش کی ہے۔
انہوں نے کہا کہ پاکستان کسی بھی مس ایڈونچر کا بھرپور جواب دے گا، پاکستان اور پاکستان کی قوم متحد ہے۔
عطا اللہ تارڑ کا کہنا تھا کہ بھارت کے اندر سے پہلگام واقعے کے حوالے سے آوازیں اٹھنا شروع ہو گئی ہیں، علاج کے لیے بھارت جانے والے پاکستانیوں کو ملک چھوڑنے کا کہا جا رہا ہے۔
.ذریعہ: Express News
کلیدی لفظ: وفاقی وزیر اطلاعات کہ پہلگام واقعے پہلگام واقعے کے انہوں نے کہا کہ معصوم لوگوں کو کا کہنا تھا کہ عطا اللہ تارڑ دہشت گردی کے جا رہا ہے بھارت کے کے بعد
پڑھیں:
پی ٹی آئی نے ہمیشہ دہشت گردوں کے موقف کی تائید کی، وزیرمملکت قانون
data-id="863a0a8" data-element_type="widget" data-widget_type="theme-post-content.default">
وزیرمملکت برائے قانون و انصاف بیرسٹر عقیل ملک نے کہا ہے کہ پاکستان تحریک انصاف (پی ٹی آئی) نے ہمیشہ کالعدم تحریک طالبان پاکستان (ٹی ٹی پی) کو خوش کرنے کی کوشش کی، وزیراعلیٰ خیبرپختونخوا اور ان کی پالیسیز کی وجہ سے حکومت پاکستان کے اقدامات کو ڈی ریل کیا جا رہا ہے۔
میڈیا سے گفتگو میں بیرسٹر عقیل ملک کا کہناتھاکہ وزیراعلیٰ خیبرپختونخوا نے پہلی بار پی ٹی آئی کے اندرونی حالات کے بارے میں کھل کر بات کی، علی امین گنڈاپور نے کہا کہ پارٹی میں غلط فیصلے کیے جارہے ہیں۔
انہوں نے کہا کہ وزیراعلیٰ علی امین شہدا کے جنازے میں شریک نہیں ہوئے، وزیراعلیٰ اور ان کی پارٹی کے لوگ شہدا کے گھر بھی نہیں گئے، ہر چیز کو سیاست کی نذر نہیں کرنا چاہیے۔
ان کا کہنا تھاکہ پی ٹی آئی کی طرف سے اب 27 ستمبر کا چورن بیچا جارہا ہے، خیبرپختونخوا میں گورننس کا بھی ایشو ہے، خیبرپختونخوا حکومت کو دہشت گردی کے خلاف آپریشنز کی حمایت کرنی چاہیے لیکن خیبرپختونخوا حکومت نے ہمیشہ صوبے میں دہشت گردی کیخلاف آپریشنز کی مخالفت کی۔
بیرسٹر عقیل کا کہنا تھاکہ خیبرپختونخوا کی عوام بھی اب صوبائی حکومت کے طرز عمل پر سوالات اٹھا رہی ہے، پی ٹی آئی اور وزیراعلیٰ خیبرپختونخوا ہمیشہ دہشت گردوں سے مذاکرات کی وکالت کرتے رہے ہیں۔
انہوں نے مزید کہاکہ پی ٹی آئی نے ہمیشہ کالعدم ٹی ٹی پی کو خوش کرنے کی کوشش کی جو کام غلط ہوگا جو پالیسی غلط ہوگی اس کو روکا جائے، خیبرپختونخوا میں دہشت گردی کے واقعات ہو رہے ہیں، سی ایم کے پی اور ان کی پالیسیز کی وجہ سے حکومت پاکستان کے اقدامات کو ڈی ریل کیا جا رہا ہے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان