برطانوی پارلیمنٹ میں پہلگام واقعے پر بحث، کشمیر میں انسانی حقوق کی خلاف ورزیوں پر تشویش
اشاعت کی تاریخ: 29th, April 2025 GMT
برطانوی پارلیمنٹ میں پہلگام واقعے پر ہونے والی بحث کے دوران ارکان پارلیمنٹ نے کشمیر میں انسانی حقوق کی خلاف ورزیوں اور خطے میں بڑھتی ہوئی کشیدگی پر گہری تشویش کا اظہار کیا۔
وزیر دفتر خارجہ ہمیش فالکنر نے کہا کہ برطانیہ پاکستان اور بھارت کے درمیان کشیدگی میں کمی کے لیے سرگرم ہے۔ انہوں نے دہشت گرد حملے کے متاثرین اور بھارت کے عوام سے ہمدردی کا اظہار کیا اور کہا کہ دونوں ممالک کے درمیان انتہائی حساس صورت حال کے سبب خطہ سنگین خطرات سے دوچار ہے۔
رکن پارلیمنٹ عمران حسین نے پہلگام میں ہونے والے دہشت گردانہ حملے کی شدید مذمت کرتے ہوئے کہا کہ اس واقعے کے ذمہ داروں کو انصاف کے کٹہرے میں لایا جانا چاہیے۔
انہوں نے بھارت کی جانب سے انڈس واٹر ٹریٹی کو معطل کرنے کے اقدام کو خطے کے امن کے لیے خطرناک قرار دیا اور کہا کہ اس سے پاکستان میں لاکھوں افراد کی زندگیوں کو خطرہ لاحق ہو سکتا ہے۔
انہوں نے کہا کہ اس واقعے کے بعد کشمیر میں 1500 گھروں کو مسمار کرنے کی رپورٹس اور کشمیریوں کو جان سے مارنے کی دھمکیاں انتہائی تشویشناک ہیں۔
عمران حسین نے برطانوی حکومت سے مطالبہ کیا کہ وہ فوری اقدامات کرے تاکہ کشمیری عوام پر ہونے والے مظالم کو روکا جا سکے۔
مانچسٹر سے رکن پارلیمنٹ افضل خان نے پہلگام واقعے کی آزادانہ اور شفاف تحقیقات کا مطالبہ کیا اور کہا کہ اس حملے کے ذمہ داروں کو انصاف کے کٹہرے میں لایا جانا چاہیے، لیکن اس کے ساتھ ساتھ بے گناہ کشمیریوں کو نشانہ بنانے سے گریز کیا جائے۔
افضل خان نے کہا کہ بھارت کی جانب سے انڈس واٹر ٹریٹی کو معطل کرنے کا اقدام خطے میں پانی کے بحران کو جنم دے سکتا ہے، جس سے پاکستان میں لاکھوں افراد متاثر ہو سکتے ہیں۔
بریڈفورڈ ویسٹ سے لیبر پارٹی کی رکن پارلیمنٹ ناز شاہ نے پہلگام واقعے میں متاثرہ افراد سے ہمدردی کا اظہار کیا۔ انہوں نے انڈس واٹر ٹریٹی کے حوالے سے اپنے خدشات کا اظہار کرتے ہوئے کہا کہ پاکستان پہلے ہی سیلاب سے متاثر ملک ہے، جو ابھی تک اس کے اثرات سے نہیں نکل پایا۔
ناز شاہ نے برطانوی حکومت سے مطالبہ کیا کہ وہ دونوں ملکوں کے درمیان اس کشیدہ صورتحال کو ختم کرنے کے لیے ثالثی کا کردار ادا کرے اور خطے میں امن قائم کرنے کے لیے سنجیدہ کوششیں کرے۔
پارلیمنٹ میں محمد یاسین ایم پی، محمد ایوب اور دیگر نے بھی اظہار خیال کیا اور پہلگام واقعے پر افسوس کا اظہار کرتے ہوئے دونوں ملکوں کے درمیان بامعنی بات چیت پر زور دیا۔
رکن پارلیمنٹ گریندر سنگھ جوسن نے کہا کہ پاکستانی اور بھارتی ہائی کمیشنز کے باہر ہونے والے مظاہروں میں اشتعال انگیز زبان اور اشارے استعمال کیے گئے، جو تشویش کا باعث ہیں۔
برطانوی پارلیمنٹ میں ہونے والی اس بحث نے ایک بار پھر کشمیر میں انسانی حقوق کی خلاف ورزیوں اور خطے میں بڑھتی ہوئی کشیدگی پر عالمی برادری کی توجہ مبذول کروائی ہے۔
ارکان پارلیمنٹ نے برطانوی حکومت سے مطالبہ کیا کہ وہ اس مسئلے کے حل کے لیے فعال کردار ادا کرے اور خطے میں امن و استحکام کے قیام کے لیے کوششیں تیز کرے۔
ذریعہ: Daily Mumtaz
پڑھیں:
پاک ایران وزرائے خارجہ کا رابطہ، اسرائیلی مظالم پر اظہار تشویش
پاک ایران وزرائے خارجہ کا رابطہ، اسرائیلی مظالم پر اظہار تشویش WhatsAppFacebookTwitter 0 26 July, 2025 سب نیوز
اسلام آباد (آئی پی ایس )پاکستان اور ایران کے وزرائے خارجہ نے غزہ میں ہونے والے اسرائیلی مظالم کی شدید الفاظ میں مذمت کی ہے۔پاکستان اور ایران کے وزرائے خارجہ نے ٹیلیفون پر غزہ کی صورتحال پر گفتگو کی، جس دوران اسحاق ڈار اور عباس عراقچی نے غزہ میں اسر ائیلی مظالم پر تشویش کا اظہار کیا۔ایرانی میڈیا کے مطابق عباس عراقچی نے کہا کہ غزہ صورتحال پر عالمی اداروں خصوصا اوآ ئی سی کو متحرک کرنا ضروری ہے، مغربی کنارے پر قبضے کی اسرائیلی پارلیمینٹ کی منظوری کا مقصد فلسطینی شناخت کو مکمل طور پر مٹانا ہے۔وزیر خارجہ اسحاق ڈار نے کہا غزہ میں انسانی امداد کی فراہمی کے لیے کردار ادا کرنے کے لیے تیار ہیں۔اس سے پہلے ایرانی وزیر خارجہ اور سعودی ہم منصب شہزادہ فیصل کے درمیان بھی ٹیلی فونک رابطہ ہوا جس میں خطیکی تازہ صورتحال اور غزہ میں انسانی بحران پر تبادلہ خیال کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخیبر پختونخوا سے آزاد حیثیت میں منتخب ہونیوالے 5 سینیٹرز پی ٹی آئی میں شامل خیبر پختونخوا سے آزاد حیثیت میں منتخب ہونیوالے 5 سینیٹرز پی ٹی آئی میں شامل بھارتی پارلیمنٹ میں بہار متنازع قانون پر شدید احتجاج، کانگریس کا انتخابی بائیکاٹ کا عندیہ راولپنڈی:غیرت کے نام پر قتل 17 سالہ لڑکی کی قبرکشائی کا حکم،والدین،بہن بھائی اور سسر قتل میں شامل عمران خان کی 9مقدمات میں ضمات مسترد ہونے کا فیصلہ سپریم کورٹ میں چیلنج مون سون بارشوں کے پانچویں سپیل کا 28 جولائی سے آغاز، اربن فلڈنگ کا خدشہ چھبیس نومبر احتجاج کیس: غیر حاضر ملزمان کے ضمانتی مچلکوں کو ضبط کرنے کا حکمCopyright © 2025, All Rights Reserved
رابطہ کریں ہمارے بارے ہماری ٹیم
ایک دن کشمیر میں آزادی کی اذان ضرور گونجے گی، مشعال ملک