بھارتی سپراسٹار ایئرپورٹ پر ہجوم کے ہاتھوں زخمی؛ اسپتال میں داخل
اشاعت کی تاریخ: 30th, April 2025 GMT
تمل فلموں کے سپر اسٹار اجیت کمار نئی دہلی سے پدما بھوشن ایوارڈ لے کر چینئی ایئرپورٹ پر پہنچے تھے جہاں ایک ناخوشگوار پیش آیا ہے۔
بھارتی میڈیا کے مطابق ایئرپورٹ پر اپنے پسندیدہ اداکار کا والہانہ استقبال کرنے کے لیے مداحوں کا سیلاب امڈ آیا تھا۔
اداکار کو اپنے درمیان پاکر جذبات میں بہتے ہوئے مداحوں کا ہجوم بے قابو ہوگیا جس کے نتیجے میں اجیت کمار گر گئے۔
اداکار اجیت کمار کے پیر میں معمولی چوٹ آئی اور انھیں چلنے میں تکلیف کے باعث اسپتال میں داخل کیا گیا جہاں ان کی فزیوتھراپی کی جارہی ہے۔
اہل خانہ نے بتایا کہ اجیت کمار اب کافی بہتر محسوس کر رہے ہیں اور ممکنہ طور پر آج شام تک ڈسچارج ہو جائیں گے۔
بھارت کا تیسرا سب سے بڑا سول ایوارڈ پدما بھوشن حاصل کرنے والے اجیت کمار اپنی سادگی اور مداحوں سے قریبی تعلق کے لیے جانے جاتے ہیں۔
ایوارڈ کی تقریب میں وہ اپنی اہلیہ شلینی اور بچوں کے ہمراہ شریک ہوئے تھے۔ مداحوں نے ان کی جلد صحت یابی کے لیے دعا گو ہیں۔
.
ذریعہ: Express News
کلیدی لفظ: اجیت کمار
پڑھیں:
بھارتی ایئرلائن میں تشدد کا شکار مسلمان مسافر پُرسرار طور لاپتا ہوگیا
بھارتی فضائی سروس انڈیگو ایئرلائن کی ایک پرواز میں دوسرے مسافر کی جانب سے تھپڑ کھانے والا شخص پراسرار طور پر لاپتا ہو گیا۔
متاثرہ شخص کی شناخت 32 سالہ حسین احمد مجمدار کے طور پر ہوئی ہے، جو آسام کے ضلع کاچار سے تعلق رکھتا ہے۔ وہ ممبئی سے کلکتہ کے راستے فلائٹ 6E-2387 کے ذریعے سلچر جا رہا تھا۔
A Muslim man was slapped by a passenger on an Indigo flight. In a video, cabin crew are seen asking the passenger to stop and not hurt the man. Another passenger questions why he hit him, while the injured man appears to be having a pain attack as crew try to calm the situation. pic.twitter.com/00JYwfIoYE
— The Observer Post (@TheObserverPost) August 1, 2025
دورانِ پرواز حسین کو شدید پینک اٹیک (گھبراہٹ کا دورہ) پڑا، جس کے بعد 2 کیبن کریو ممبرز نے اسے طیارے سے اتارنے میں مدد دینا شروع کی۔ اسی دوران ایک مسافر نے، جو کہ کنارے والی سیٹ پر بیٹھا تھا، اسے تھپڑ رسید کر دیا۔
واقعے کی ویڈیو دوسرے مسافر نے بنائی، جو بعد میں سوشل میڈیا پر وائرل ہو گئی۔
ویڈیو میں دیکھا جا سکتا ہے کہ کریو ممبران نے حملہ آور کو پرتشدد ہونے سے روکا، جبکہ دیگر مسافر بھی اس حرکت پر احتجاج کرتے نظر آئے۔
انڈیگو حکام کے مطابق مذکورہ حملہ آور کو کلکتہ ایئرپورٹ پر CISF کے حوالے کر دیا گیا اور اس کے خلاف قانونی کارروائی شروع کر دی گئی ہے۔
تاہم حسین مجمدار، جو ممبئی میں ہوٹل ورکر ہے، سلچر ایئرپورٹ نہیں پہنچا۔
اہلِ خانہ کے مطابق نہ تو ان سے حسین کا کوئی رابطہ ہوا ہے اور نہ ہی اس کا موبائل فون آن ہے۔
ابتدا میں خاندان کے افراد سلچر ایئرپورٹ پر اس کے استقبال کے لیے پہنچے، مگر جب وہ نہ آیا تو وائرل ویڈیو میں اس کی شناخت کی گئی۔
اب تک نہ ایئرلائن اور نہ ہی ایئرپورٹ حکام اس کی موجودہ صورتحال سے متعلق معلومات فراہم کر سکے ہیں۔
CISF کو بھی اطلاع دے دی گئی ہے اور اودھربند پولیس اسٹیشن میں گمشدگی کی رپورٹ درج کر لی گئی ہے۔
انڈیگو کا کہنا ہے کہ واقعے میں ملوث ’غیر مہذب مسافر‘ کے خلاف ضابطے کے مطابق کارروائی کی گئی ہے، مگر متاثرہ شخص کے بارے میں ایئرلائن نے کسی قسم کی وضاحت نہیں دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسام انڈیگو ایئر بھارتی ایئرلائن گوہاٹی مسافر لاپتا مسلمان مسافر ممبئی
سولر پینلز کی درآمد پر کسٹم ویلیو میں کمی: کیا قیمتیں بھی نیچے آئیں گی؟